തൃശ്ശൂർ മാപ്രാണത്ത് മകനെ പെട്രോളൊഴിച്ച് കത്തിക്കാൻ ശ്രമിച്ചതിന് പിന്നാലെ അച്ഛൻ ആത്മഹത്യ ചെയ്തു. തളിയക്കോളം തൈവളപ്പിൽ കൊച്ചാപ്പു ശശിധരൻ(73)നാണ് മരിച്ചത്. മകൻ നിധിൻ വാതിൽ ചവിട്ടിത്തുറന്ന് രക്ഷപ്പെട്ടു. ഇന്ന് പുലർച്ചെയാണ് സംഭവം. കിടന്നുറങ്ങുകയായിരുന്ന നിധിന്റെ മുറിയിലേക്ക് പെട്രോളൊഴിച്ച ശേഷം ശശിധരൻ തീ കൊളുത്തുകയായിരുന്നു. തീ പടർന്നതോടെ ചാടിയെഴുന്നേറ്റ നിധിൻ ഒരുവിധത്തിൽ മുറിക്ക് പുറത്തേക്ക് ഇറങ്ങിയോടി. സംഭവത്തിന് ശേഷം കാണാതായ ശശിധരനെ പിന്നീട് സമീപത്തെ ആളൊഴിഞ്ഞ വീട്ടിൽ തൂങ്ങിമരിച്ച നിലയിൽ കണ്ടെത്തി.  

  സംസ്ഥാനത്ത് കൂടുതൽ മദ്യവിൽപ്പനശാലകൾ തുടങ്ങാനുള്ള ബെവ്‌കോയുടെ ശുപാർശ സർക്കാർ അംഗീകരിച്ചേക്കും. 175 മദ്യശാലകൾ കൂടി അനുവദിക്കണമെന്നാണ് ബെവ്‌കോയുടെ ശുപാർശ. തിരക്ക് കുറയ്ക്കുന്നതിന്റെ ഭാഗമായാണ് നീക്കം. നിലവിലുള്ള മദ്യശാലകളിൽ തിരക്ക് കൂടുന്ന പശ്ചാത്തലത്തിലാണ് കൂടുതൽ സൗകര്യങ്ങളുള്ള പുതിയ ഔട്ട് ലെറ്റുകൾ തുടങ്ങാനാണ് ബെവ്‌കോയുടെ ശുപാർശ. നഗരസഭാ പ്രദേശങ്ങളിലെ തിരക്കുള്ള മദ്യശാലകൾക്ക് സമീപത്തും 20 കിലോമീറ്ററിലധികം ദൂരത്തിൽ മാത്രം ഔട്ട് ലെറ്റുള്ള സ്ഥലത്തം ടൂറിസം കേന്ദ്രങ്ങളിലടക്കം പുതിയ മദ്യവിൽപ്പനശാലകൾ തുടങ്ങണം. കണ്ണൂർ, കോഴിക്കോട്, തിരുവനന്തപുരം വിമാനത്താവളങ്ങളിൽ ഡ്യൂട്ടി പെയ്ഡ്…

  ലോകായുക്തയുടെ അധികാരം മറികടക്കാൻ നിയമഭേദഗതി കൊണ്ടുവരുന്ന സർക്കാരിനെതിരെ പ്രതിപക്ഷ നേതാവ് വി ഡി സതീശൻ. ലോകായുക്തയെ സർക്കാർ നിഷ്‌ക്രിയമാക്കാൻ ശ്രമിക്കുകയാണ്. അഴിമതി നിരോധന നിയമത്തിന്റെ എല്ലാ പ്രസക്തിയും നഷ്ടമായി. ഓർഡിനൻസിൽ ഗവർണർ ഒപ്പിടരുതെന്നും സതീശൻ ആവശ്യപ്പെട്ടു. ലോകായുക്തയുടെ പ്രസക്തി സർക്കാർ കൗശലപൂർവം റദ്ദാക്കി. ഫെബ്രുവരിയിൽ നിയമസഭ ചേരാനിരിക്കെ തിരക്കിട്ട് ഓർഡിനൻസ് കൊണ്ടുവരുന്നത് ദുരൂഹം. അഴിമതി ആരോപണങ്ങളിലെ കണ്ടെത്തൽ മറച്ചുവെക്കാനാണ് സർക്കാർ ശ്രമം. കേസുകളിൽ നിന്ന് രക്ഷപ്പെടാൻ സർക്കാർ ശ്രമിക്കുകയാണെന്നും സതീശൻ ആരോപിച്ചു.

  തിരുവനന്തപുരം കുന്നത്തുകാൽ ചീരംകോട് യുവതിയെ വീട്ടിനുള്ളിൽ തൂങ്ങിമരിച്ച നിലയിൽ കണ്ടെത്തി. പള്ളിവാതുക്കൽ ഹസിൽ ഷെറിൻ ഫിലിപ്പിന്റെ ഭാര്യ ഗോപിക(26)യാണ് മരിച്ചത്. സംഭവവുമായി ബന്ധപ്പെട്ട് പുതിയതുറ സ്വദേശി വിഷ്ണുവിനെ പോലീസ് കസ്റ്റഡിയിലെടുത്തു വിഷ്ണുവാണ് ഗോപികയെ മെഡിക്കൽ കോളജ് ആശുപത്രിയിൽ എത്തിച്ചത്. ആത്മഹത്യ ചെയ്യുമെന്ന് ഗോപിക തന്നെ ഫോണിൽ അറിയിച്ചെന്നും തുടർന്ന് ഇവരുടെ വീട്ടിലെത്തിയതാണെന്നും വിഷ്ണു പറഞ്ഞു. കയർ അറുത്തുമാറ്റിയാണ് വിഷ്ണു ഗോപികയെ ആശുപത്രിയിൽ എത്തിച്ചത്.

  പാലക്കാട് അകത്തേത്തറയിൽ വീണ്ടും പുലിയിറങ്ങി. പ്രദേശത്തെ ജനവാസ മേഖലകളിലാണ് പുലിയുടെ സാന്നിധ്യം സ്ഥിരീകരിച്ചത്. ധോണി സ്വദേശിയുടെ ആടിനെ പുലി പിടിച്ചു. പുലിയുടെ കാൽപ്പാടുകളും കണ്ടെത്തി. ചീക്കുഴിയിലും പുലിയെ കണ്ടതായി പ്രദേശവാസികൾ പറഞ്ഞു അയ്യപ്പൻചാൽ വെള്ളച്ചാട്ടത്തിന് സമീപം നായയെ പുലി കടിച്ചുകൊണ്ടുപോയി. വനംവകുപ്പ് ഉദ്യോഗസ്ഥരെ വിവരം അറിയിച്ചിട്ടുണ്ട്. അതേസമയം കല്ലടിക്കോട് ഒരു വയസ്സ് പ്രായമുള്ള പുലിയെ ചത്ത നിലയിൽ കണ്ടെത്തി. വൈദ്യുതി കമ്പിയിൽ നിന്ന് ഷോക്കേറ്റാണ് അപകടമുണ്ടായതെന്നാണ് സംശയം.

  ലോകായുക്തയെ നോക്കുകുത്തിയാക്കാനാണ് സർക്കാർ നീക്കമെന്ന് കോൺഗ്രസ് നേതാവ് രമേശ് ചെന്നിത്തല. ഇത് നിയമപ്രശ്‌നത്തിലേക്ക് വഴിവെക്കും. ഇതിനേക്കാൾ ഭേദം ലോകായുക്തയെ പിരിച്ചുവിടുകയാണ് പിണറായി ചെയ്യേണ്ടത്. ലോകായുക്തയുടെ അധികാരം കവർന്നുകൊണ്ടുള്ള ഓർഡിനൻസിൽ ഗവർണർ ഒപ്പിടരുതെന്നും രമേശ് ചെന്നിത്തല ആവശ്യപ്പെട്ടു ഏത് മുൻ ജഡ്ജിയെയും നിയമിക്കാമെന്നും പുതിയ ഓർഡിനൻസ് പറയുന്നു. ഈ വിഷയത്തിൽ സിപിഎം മറുപടി പറയണം. കഴിഞ്ഞ മന്ത്രിസഭാ യോഗം ലോകായുക്തയുടെ അധികാരം കവർന്നെടുക്കാനുള്ള ഓർഡിനൻസ് കൊണ്ടുവന്നു. എന്നാൽ മന്ത്രിസഭാ വാർത്താക്കുറിപ്പിലും ഇക്കാര്യം ഉൾപ്പെടുത്തിയില്ല അടുത്ത മാസം നിയമസഭാ…

  പാലക്കാട്-ഷൊർണൂർ റെയിൽവേ പാതയിൽ ഓവുപാലം നിർമിക്കുന്നതിനിടെ മണ്ണിടിഞ്ഞ് വീണ് സൈറ്റ് എൻജിനീയർ മരിച്ചു. ഈറോഡ് സ്വദേശി ധനേഷാണ് മരിച്ചത്. ഇന്ന് രാവിലെയാണ് അപകടം റെയിൽവേ പാതയിൽ മാങ്കുറിശ്ശി വള്ളൂർതൊടിക്ക് സമീപത്താണ് മണ്ണിടിഞ്ഞുവീണത്. രണ്ട് തൊഴിലാളികൾക്കും അപകടത്തിൽ പരുക്കേറ്റു. ഇവരുടെ നില ഗുരുതരമല്ല