കൊവിഡ് നിയന്ത്രണങ്ങൾ കർശനമാക്കാൻ കേരളത്തിന് കേന്ദ്ര സർക്കാർ നിർദ്ദേശം നൽകി.സംസ്ഥാന ചീഫ് സെക്രട്ടറിക്ക് കേന്ദ്ര ആരോഗ്യ സെക്രട്ടറിക്ക് അയച്ച കത്തിലാണ് നിർദേശങ്ങൾ നൽകിയിരിക്കുന്നത്.
കേരളത്തിൽ കോൺടാക്ട് ട്രേസിംഗ് ഉടൻ ശക്തിപ്പെടുത്തണമെന്നും,രണ്ടാം ഡോസ് കൊവിഡ് വാക്സിൻ എല്ലാവരിലും സമയബന്ധിതമായി എത്തിക്കാൻ സമഗ്ര പദ്ധതി തയ്യാറാക്കണമെന്നും കേന്ദ്രസർക്കാർ നിർദേശിച്ചു. രാജ്യത്ത് നിലവിൽ റിപ്പോർട്ട് ചെയ്യപ്പെടുന്ന കൊവിഡ് കേസുകളിൽ 70 ശതമാനവും കേരളത്തിൽ നിന്നാണ്.
അതേസമയം രാജ്യത്ത് നിലവിലുള്ള കൊവിഡ് നിയന്ത്രണങ്ങൾ അടുത്ത മാസം 30 വരെ തുടരുമെന്ന് ചീഫ് സെക്രട്ടറിമാർക്ക് അയച്ച കത്തിൽ കേന്ദ്ര ആഭ്യന്തര സെക്രട്ടറി അജയ് ഭല്ല പറഞ്ഞു. ദീപാവലി, ചാത് പൂജ തുടങ്ങിയ ആഘോഷങ്ങൾ മുന്നിൽ കണ്ട് നിയന്ത്രണങ്ങൾ ഏർപ്പെടുത്താൻ കത്തിൽ നിർദേശിച്ചിട്ടുണ്ട്. വലിയ ആൾക്കൂട്ടങ്ങൾ അനുവദിക്കരുത്. ഇതിനായി പ്രാദേശിക അടിസ്ഥാനത്തിൽ നിയന്ത്രണങ്ങൾ പ്രഖ്യാപിക്കണം. നിയന്ത്രണങ്ങൾ കഴിഞ്ഞ ഏപ്രിൽ 25നും ജൂൺ 28നും കേന്ദ്ര ആരോഗ്യമന്ത്രാലയം പുറപ്പെടിച്ച മാർഗനിർദേശങ്ങൾക്കു വിധേയമായിരിക്കണമെന്ന് കത്തിൽ പറയുന്നു.
Read More
കൊവിഡ് നിയന്ത്രണങ്ങൾ ജൂൺ 30 വരെ തുടരണം;സംസ്ഥാനങ്ങൾക്ക് കേന്ദ്രത്തിന്റെ നിർദേശം
ഉത്സവ കാലത്ത് കൊവിഡ് വ്യാപനം തടയാൻ നടപടികൾ ആവശ്യപ്പെട്ട് കേന്ദ്രസർക്കാർ
നിയന്ത്രണങ്ങൾ കടുപ്പിക്കണമെന്ന് കേന്ദ്രം; ജനങ്ങൾ തടിച്ചുകൂടിയാൽ ഉത്തരവാദി ഉദ്യോഗസ്ഥർ
സർക്കാർ നിർദേശിച്ച നടപടികൾ രോഗവ്യാപന സാധ്യത കുറയ്ക്കും; കേരളത്തിന് വിദേശകാര്യ മന്ത്രാലയത്തിന്റെ അഭിനന്ദനം
