‘UDF വന്നു പവർകട്ടും വന്നു, LDF രാഷ്ട്രീയം വെളിച്ചമാണ്, യുഡിഎഫ് രാഷ്ട്രീയം ഇരുട്ടും’; ബിനോയ് വിശ്വം

ഭിന്നിപ്പല്ല ശരി , ഐക്യം ആണെന്ന് കമ്മ്യൂണിസ്റ്റ് പാർട്ടികൾ മനസ്സിലാക്കണമെന്ന് സിപിഐ സംസ്ഥാന സെക്രട്ടറി ബിനോയ് വിശ്വം. UDF വന്നു പവർകട്ടും വന്നു. യുഡിഎഫ് വന്നതോടെ സംസ്ഥാനത്ത് പവർകട്ടും വന്നു. LDF രാഷ്ട്രീയം വെളിച്ചമാണ്, യുഡിഎഫ് രാഷ്ട്രീയം ഇരുട്ടുമെന്നും ബിനോയ് വിശ്വം പ്രതികരിച്ചു. വിഎസിന് സ്മാരകം വേണമെന്ന ആശയത്തെ സിപിഐ എതിർക്കുന്നില്ല. നേരത്തെ ഒരു നേതാവിനും സ്മാരകം വേണ്ട എന്ന ആശയമായിരുന്നു.

അതിൽ സിപിഐക്കും സിപിഐഎമ്മിനും യോജിപ്പായിരുന്നു. ഇപ്പോൾ പുതിയ നിർദ്ദേശം വന്നു. ടിവി തോമസിന് സ്മാരകം വരുന്നത് ഏറ്റവും ഉചിതമായ തീരുമാനം. ഇക്കാര്യത്തിൽ തർക്കമില്ല. രണ്ടു പാർട്ടികളുടെയും നേതാക്കൾ ഒന്നിച്ചിരുന്ന് കൊണ്ടാണ് തർക്കങ്ങൾക്ക് പരിഹാരം ഉണ്ടാക്കിയതെന്നും അദ്ദേഹം പ്രതികരിച്ചു.

ഒന്നും അടഞ്ഞ അധ്യായമല്ല, വലിയ ചുടുകാട്ടിലെ കാര്യങ്ങൾ നോക്കുന്നത് സിപിഐഎം, സിപിഐ മ്മും സംയുക്തമായെന്ന് എം എ ബേബി പ്രതികരിച്ചു. വാതിലിന്റെ താക്കോൽ ഒരെണ്ണം സിപിഎമ്മിന്റെയും ഒരെണ്ണം സിപിഐയുടെ കയ്യിലാണ്. വി എസ് സ്മാരകവുമായി ബന്ധപ്പെട്ട കാര്യങ്ങൾ CPIM, CPI സംസ്ഥാന നേതൃത്വം ചർച്ചചെയ്ത് തീരുമാനം ഉണ്ടാക്കും. വിമർശനത്തിന്റെ മറ്റു കാര്യങ്ങളിലേക്ക് താൻ കടക്കുന്നില്ല. സംസ്ഥാന നേതാക്കൾ വിശദീകരിക്കുമെന്നും എം എ ബേബി വ്യക്തമാക്കി.