January 4, 2022

കോഴിക്കോട് 17 വയസ്സുകാരനെ പീഡിപ്പിച്ച കേസിൽ ജയിൽ വാർഡൻ അറസ്റ്റിൽ. മേപ്പയ്യൂർ ഭഗവതി കോട്ടയിൽ സുനീഷിനെയാണ്(40) കസബ പോലീസ് പോക്‌സോ ചുമത്തി അറസ്റ്റ് ചെയ്തത്. കണ്ണൂർ സെൻട്രൽ ജയിലിലെ വാർഡനാണ് ഇയാൾ. പ്രതിക്കെതിരെ എടക്കര പോലീസ് അഞ്ച് കേസുകൾ രജിസ്റ്റർ ചെയ്തിരുന്നു. ഇതിൽ കോഴിക്കോട് നടന്ന സംഭവത്തിലാണ് സുനീഷിനെ അറസ്റ്റ് ചെയ്തത്. കോഴിക്കോട് നഗരത്തിലെത്തിയ വിദ്യാർഥിയെ ശ്രീകണ്‌ഠേശ്വര ക്ഷേത്ര പരിസരം, കേരളാ ഭവൻ ലോഡ്ജ് എന്നിവിടങ്ങളിൽ എത്തിച്ച് പീഡിപ്പിച്ചതായാണ് കേസ്.

മാവേലി എക്‌സ്പ്രസിൽ എ എസ് ഐ മർദിച്ച ആളെ തിരിച്ചറിഞ്ഞു. നിരവധി ക്രിമിനൽ കേസുകളിലെ പ്രതിയായ പൊന്നൻ ഷമീറിനാണ് മർദനമേറ്റത്. പോലീസിന് ഇയാളെ മനസ്സിലായിരുന്നില്ല. ഇയാൾക്കായി പോലീസ് അന്വേഷണം ആരംഭിച്ചു. കൂത്തുപറമ്പ സ്വദേശിയായ ഷമീർ കുറച്ചുകാലമായി ഇരിക്കൂറിലാണ് താമസം പീഡനക്കേസിലടക്കം ഇയാൾ പ്രതിയാണ്. മാല പൊട്ടിക്കൽ, ഭണ്ഡാര കവർച്ച തുടങ്ങിയ കേസുകളും ഇയാൾക്കെതിരെയുണ്ട്. ചില കേസുകളിൽ ശിക്ഷിപ്പെട്ടിട്ടുമുണ്ട്. കഴിഞ്ഞ ദിവസമാണ് മദ്യലഹരിയിൽ സ്ത്രീകളെ ട്രെയിനിൽ നിന്ന് ശല്യം ചെയ്ത ഷമീറിനെ പോലീസ് മർദിച്ച് ഇറക്കിവിട്ടത്. ഇത് ചില…

തിരുവനന്തപുരം വഴയിലയിൽ നിയന്ത്രണം വിട്ട ബൈക്ക് മരത്തിലിടിച്ച് മൂന്ന് വിദ്യാർഥികൾ മരിച്ചു. നെടുമങ്ങാട് സ്വദേശിയായ സ്റ്റെഫിൻ, പേരൂർക്കട സ്വദേശികളായ ബിനീഷ്, മുല്ലപ്പൻ എന്നിവരാണ് മരിച്ചത്. മൂന്ന് പേർക്കും പതിനാറ് വയസ്സുമാത്രമാണ് പ്രായം. ചൊവ്വാഴ്ച വൈകുന്നേരം നാല് മണിക്കാണ് അപകടം സംഭവിച്ചത് അമിത വേഗതയാണ് അപകടത്തിന് കാരണമായത്. വഴയില വളവിൽ വെച്ച് നിയന്ത്രണം വിട്ട ബൈക്ക് റോഡിൽ നിന്ന് തെന്നിമാറി സമീപമുള്ള കുറ്റിക്കാട്ടിലേക്ക് കയറി മരത്തിൽ ഇടിക്കുകയായിരുന്നു. ബൈക്കിന്റെ മുൻഭാഗം പൂർണമായും തകർന്നു.

  വരും ദിവസങ്ങളിൽ സംസ്ഥാനത്ത് സംഘർഷത്തിന് സാധ്യതയുണ്ടെന്ന് ഇന്റലിജൻസ് റിപ്പോർട്ട്. ആർ എസ് എസ്, എസ് ഡി പി ഐ ശക്തികേന്ദ്രങ്ങളിൽ ജാഗ്രത പാലിക്കണമെന്ന് പോലീസിന് നിർദേശം നൽകിയിട്ടുണ്ട്. ഇരു സംഘടനകളുടെ ജാഥകളിലും പൊതുപരിപാടികളിലും പ്രശ്‌ന സാധ്യതയുണ്ടോയെന്ന് പരിശോധിക്കണം സംസ്ഥാന രഹസ്യാന്വേഷണ വിഭാഗവും കേന്ദ്ര രഹസ്യാന്വേഷണ വിഭാഗവും ഒരുപോലെ മുന്നറിയിപ്പ് നൽകിയിട്ടുണ്ട്. ഗൂഢാലോചനയുടെ ഭാഗമായി സംസ്ഥാനത്ത് അസ്വസ്ഥതകൾ സൃഷ്ടിക്കാനായി ശ്രമങ്ങൾ നടക്കുമെന്നാണ് മുന്നറിയിപ്പ്. വലിയ രീതിയിലുള്ള മിന്നൽ സംഘർഷ സാധ്യതയുണ്ടെന്നാണ് റിപ്പോർട്ടിൽ പറയുന്നത്.

  കേരളത്തിൽ 3640 പേർക്ക് കോവിഡ്-19 സ്ഥിരീകരിച്ചു. എറണാകുളം 641, തിരുവനന്തപുരം 599, കോഴിക്കോട് 403, കോട്ടയം 352, തൃശൂർ 330, കണ്ണൂർ 268, കൊല്ലം 201, പത്തനംതിട്ട 165, മലപ്പുറം 157, ആലപ്പുഴ 147, ഇടുക്കി 125, പാലക്കാട് 124, വയനാട് 79, കാസർഗോഡ് 49 എന്നിങ്ങനേയാണ് ജില്ലകളിൽ ഇന്ന് രോഗ ബാധ സ്ഥിരീകരിച്ചത്. കഴിഞ്ഞ 24 മണിക്കൂറിനിടെ 71,120 സാമ്പിളുകളാണ് പരിശോധിച്ചത്. പ്രതിവാര ഇൻഫെക്ഷൻ പോപ്പുലേഷൻ റേഷ്യോ (WIPR) പത്തിന് മുകളിലുള്ള 5 തദ്ദേശ…

  നിയമ വിദ്യാർഥിനി മൊഫിയ പർവീൺ ആത്മഹത്യ ചെയ്ത കേസിൽ ഭർതൃ മാതാപിതാക്കൾക്ക് ഹൈക്കോടതി ജാമ്യം അനുവദിച്ചു. അതേസമയം ഭർത്താവ് സുഹൈലിന്റെ ജാമ്യാപേക്ഷ കോടതി തള്ളി. സുഹൈലിനെതിരെ ഗുരുതരമായ ആരോപണങ്ങളുണ്ടെന്ന് നിരീക്ഷിച്ചാണ് അപേക്ഷ തള്ളിയത് സുഹൈലിന്റെ മാതാപിതാക്കൾക്കെതിരെ ഗുരുതര ആരോപണങ്ങളില്ലെന്നും കോടതി ചൂണ്ടിക്കാട്ടി. നവംബർ 24നാണ് ആലുവ എടയപ്പുറം സ്വദേശി മൊഫിയയെ(21) ഭർതൃവീട്ടിൽ തൂങ്ങിമരിച്ച നിലയിൽ കണ്ടത്. ഭർതൃവീട്ടുകാർക്കെതിരെ പോലീസിൽ പരാതി നൽകിയതിന് പിന്നാലെയായിരുന്നു ആത്മഹത്യ.