ഹരിയാന ഫരീദാബാദില് ഓടിക്കൊണ്ടിരുന്ന വാനിന് ഉള്ളില് യുവതിയെ കൂട്ട ബലാത്സംഗം ചെയ്തു. അതിക്രമത്തിനുശേഷം റോഡിലേക്ക് വലിച്ചെറിഞ്ഞു.
മുഖത്തും തലയ്ക്കിലും ഗുരുതരമായി പരുക്കേറ്റ യുവതിയെ ആശുപത്രിയില് പ്രവേശിപ്പിച്ചു. വാഹനത്തിനായി കാത്തുനിന്ന 25 കാരിയെ ലിഫ്റ്റ് വാഗ്ദാനം ചെയ്ത് വാനിനുള്ളില് കയറ്റിയായിരുന്നു കൊടുംക്രൂരത.തിങ്കളാഴ്ച രാത്രി എട്ടരയോടെയാണ് സംഭവം. അമ്മയുമായി വഴക്കിട്ട യുവതി താന് അസ്വസ്ഥയാണെന്നും ഒരു സുഹൃത്തിന്റെ വീട്ടിലേക്ക് പോവുകയാണെന്നും ഉടന് തിരിച്ചെത്തുമെന്നും സഹോദരിയെ അറിയിച്ചാണ് വീട്ടില് നിന്ന് ഇറങ്ങിയത്. അര്ധരാത്രി വാഹനങ്ങള് ലഭിക്കാതായതോടെ പ്രതികള് നല്കിയ ലിഫ്റ്റ് യുവതി സ്വീകരിച്ചു. സുരക്ഷിതമായി എത്തിക്കാമെന്ന് ഉറപ്പു നല്കിയ പ്രതികള് യുവതിയെ ഇക്കോ വാനിനുള്ളില് കയറ്റി. ഗുരുഗ്രാം ഫരീദാബാദ് റോഡിലേക്ക് വാഹനം എത്തിയതിന് പിന്നാലെ പ്രതികള് യുവതിയെ ബലാത്സംഗം ചെയ്തു.
മൂന്ന് മണിക്കൂര് നീണ്ട അതിക്രമത്തിനൊടുവില് ഓടുന്ന വാനില് നിന്ന് യുവതിയെ റോഡിലേക്ക് വലിച്ചെറിഞ്ഞു. പിന്നാലെ, യുവതി സഹോദരിയെ വിവരമറിയിച്ചു. മുഖത്തും തലയ്ക്കു ഗുരുതരമായി പരുക്കേറ്റ യുവതിയെ ആശുപത്രിയില് പ്രവേശിപ്പിച്ചു. മുഖത്ത് 12 തുന്നലുകള് ഉണ്ട്. യുവതിയുടെ വീട്ടുകാര് നല്കിയ പരാതിയില് കൊട്വാലി പൊലീസ് കേസ് രജിസ്റ്റര് ചെയ്ത അന്വേഷണം ആരംഭിച്ചു. രണ്ടുപേരെ അറസ്റ്റ് ചെയ്തു.
Read More
തിരുവണ്ണാമലയിൽ നടുക്കുന്ന ബലാത്സംഗം, വാഹനപരിശോധനയ്ക്കിടെ യുവതിയെ പൊലീസുകാർ ബലാത്സംഗം ചെയ്തു; പുലർച്ചയോടെ റോഡരികിൽ ഉപേക്ഷിച്ചു, 2 പേർ അറസ്റ്റിൽ
മനോഹരമായ സ്ഥലങ്ങള് കാണിച്ചുതരാമെന്ന് പറഞ്ഞ് ഒപ്പംകൂടി; രാജസ്ഥാനില് ഫ്രഞ്ച് യുവതിയെ ബലാത്സംഗം ചെയ്തയാള്ക്കെതിരെ കേസ്
ബെംഗളൂരുവിൽ കൂട്ടബലാത്സംഗം, അഞ്ചംഗ സംഘത്തിലെ രണ്ടു പേർ പിടിയിലായി, അയൽക്കാരി നൽകിയ ക്വട്ടേഷനാണോ എന്ന് പൊലീസ് സംശയം
കൊല്ക്കത്തയില് നിയമ വിദ്യാര്ഥിനി കൂട്ട ബലാത്സംഗത്തിനിരയായ സംഭവം: കേസ് അന്വേഷിക്കാന് പ്രത്യേക സംഘം
