ദി ടെലഗ്രാഫ് ദിനപത്രത്തിന്റെ മുൻ എഡിറ്റർ ആർ രാജഗോപാലിന്റെ പാസ്പോർട്ട് പുതുക്കാനുള്ള അപേക്ഷ കൊൽക്കത്ത പൊലീസിന്റെ പ്രത്യേക സംഘം പുനഃപരിശോധിക്കും. പാസ്പോർട്ട് ഓഫീസിൽ നിന്ന് വിവരങ്ങൾ തേടിയിട്ടുണ്ടെന്ന് കൊൽക്കത്ത അഡീഷണൽ കമ്മീഷണർ ദ്രുബജ്യോതി വ്യക്തമാക്കി. രാജഗോപാലിൽ നിന്ന് ബന്ധപ്പെട്ട രേഖകൾ തേടും.
പ്രശ്നം ഉടൻ തന്നെ പരിഹരിക്കുമെന്ന് കൊൽക്കത്ത അഡീഷണൽ കമ്മീഷണർ ദ്രുബജ്യോതി പറഞ്ഞു. പ്രശ്നം ഇന്ന് തന്നെ പരിഹരിക്കാൻ ശ്രമം എന്ന് പൊലീസ് അറിയിച്ചു. പാസ്പോർട്ടിന് വോട്ടർ ഐഡി കാർഡ് അന്തിമ രേഖ അല്ലെന്നും പൊലീസ് വ്യക്തമാക്കി. രേഖകൾ കൃത്യം ആണെങ്കിൽ പാസ്പോർട്ട് ഓഫീസിലേക്ക് അനുകൂല റിപ്പോർട്ട് അയയ്ക്കും. രാജഗോപാലിൻ്റെ അഡ്രസിനെ സംബന്ധിച്ച് ചില ആശയക്കുഴപ്പങ്ങൾ ഉണ്ടായിരുന്നുവെന്ന് അഡീഷണൽ കമ്മീഷണർ ദ്രുബജ്യോതി വ്യക്തമാക്കി.വോട്ടർ പട്ടികയിൽ പേരില്ലാത്തതിനാൽ പൊലീസ് ക്ലിയറൻസ് നൽകുന്നില്ലെന്നായിരുന്നു പരാതി. 2002ലെ വോട്ടർപട്ടികയിൽ പിതാവിന്റെ പേര് ഇല്ലെന്ന കാരണത്താലാണ് വോട്ടർ പട്ടികയിൽ നിന്ന് ഒഴിവാക്കിയത്. സംഭവത്തെ അപലപിച്ച് എഡിറ്റേഴ്സ് ഗിൽഡ് ഓഫ് ഇന്ത്യ രംഗത്തെത്തിയിരുന്നു. നിയമസഭ തെരഞ്ഞെടുപ്പിൽ വോട്ട് ചെയ്യാൻ കഴിഞ്ഞില്ല എന്ന് ദി ടെലിഗ്രാഫിന്റെ മുൻ എഡിറ്റർ ആർ രാജഗോപാൽ പറഞ്ഞിരുന്നു.
Read More
ആർ. രാജഗോപാലിന് പാസ്പോർട്ട് നിഷേധിച്ചു: ബംഗാൾ മുഖ്യമന്ത്രിക്ക് വി.ഡി. സതീശന്റെ കത്ത്, പ്രതിഷേധിച്ച് പിണറായിയും
‘എസ്.ഐ.ആർ നടപ്പാക്കുന്നത് തിരഞ്ഞെടുപ്പ് അട്ടിമറിക്കാനുള്ള രഹസ്യ അജണ്ട’; കെസി വേണുഗോപാൽ
കള്ള വോട്ട് തടയാൻ ജില്ലാ കലക്ടർമാർക്ക് മാർഗനിർദേശം നൽകി മുഖ്യ തെരഞ്ഞെടുപ്പ് ഓഫീസർ
വാക്സിനേഷൻ സർട്ടിഫിക്കറ്റ് പാസ്പോർട്ടുമായി ബന്ധിപ്പിക്കാം: ചെയ്യേണ്ടത് ഇത്രമാത്രം
