യുക്രെയ്ന് എതിരായ യുദ്ധം അവസാനിപ്പിക്കാൻ തയാറാവാത്ത റഷ്യയെ സാമ്പത്തികമായി കൂടുതൽ തകർക്കുന്നത് ലക്ഷ്യമിട്ട് കടുത്ത നടപടികളിലേക്ക് യുഎസ്. റഷ്യയ്ക്കുമേൽ ഉപരോധം കൂടുതൽ കടുപ്പിക്കുന്ന പുത്തൻ ബിൽ പാസാക്കാനുള്ള വോട്ടെടുപ്പിലേക്ക് കടക്കാൻ യുഎസ് സെനറ്റ് തീരുമാനിച്ചു.
അന്തരിച്ച സെനറ്റ് അംഗവും റഷ്യയുടെ കടുത്ത വിമർശകനുമായിരുന്ന ലിൻഡ്സെ ഗ്രഹാമിന്റെ പേരിലാണ് പുതിയ ബിൽ വരുന്നത്. റഷ്യയിൽ നിന്ന് എണ്ണ ഉൾപ്പെടെ വാങ്ങുന്ന ഇന്ത്യയടക്കം 5 രാജ്യങ്ങളെ പ്രധാനമായും ഉന്നമിടുന്നതാണ് ബിൽ. റഷ്യൻ എണ്ണ വാങ്ങുന്ന ഇന്ത്യയ്ക്കും ചൈനയ്ക്കുംമേൽ 500% തീരുവ ചുമത്തണമെന്ന് നേരത്തേ ലിൻഡ്സെ ഗ്രഹാം ആവശ്യപ്പെട്ടിരുന്നു. പുതിയ ബില്ലിൽ ഇതു 100 ശതമാനമാണെന്നതാണ് അറിയുന്നത്.ബില്ലുമായി വരുന്നത് ഡെമോക്രാറ്റിക്, റിപ്പബ്ലിക്കൻ സെനറ്റർമാർ കൈകോർത്താണെന്ന പ്രത്യേകതയുമുണ്ട്. ഡെമോക്രാറ്റ് റിച്ചാർഡ് ബ്ലുമെന്താൽ, റിപ്പബ്ലിക്കൻ ഡാർലിൻ ഗ്രഹാം, കേത്തി ബ്രിറ്റ്, ഡെമോക്രാറ്റ് ഷോൺ ഷാഹീൻ, റിപ്പബ്ലിക്കൻ റോജർ വിക്കർ, ജിം റിച്ച് എന്നിവരാണ് ബില്ലിനായി രംഗത്തുള്ളത്.
Read More
‘പെട്ടെന്നുള്ള മരണത്തിനായി തയാറായിക്കൊള്ളൂ’; ട്രംപിനും നെതന്യാഹുവിനും കടുത്ത ഭീഷണിയുമായി ഇറാൻ മാധ്യമങ്ങൾ
മൂന്ന് പിഞ്ചുക്കുഞ്ഞുങ്ങളെ കൊലപ്പെടുത്തിയ ശേഷം രണ്ടാം നിലയിൽ നിന്ന് ചാടി അമ്മ; പ്രസവാനന്തര വിഷാദമെന്ന് അഭിഭാഷകൻ
നാല് വര്ഷമായി തുടരുന്ന യുദ്ധം അവസാനിച്ചേക്കും? റഷ്യ-യുക്രൈന് സംഘര്ഷം പരിഹരിക്കാന് യുഎഇയില് നിര്ണായക ചര്ച്ച
ട്രംപിന്റെ യുക്രൈന് സമാധാന പദ്ധതി: റഷ്യയുടെ യുദ്ധക്കുറ്റങ്ങള്ക്ക് മാപ്പ് കൊടുക്കണം എന്നതുള്പ്പെടെയുള്ള വ്യവസ്ഥകളില് മാറ്റം നിര്ദേശിച്ച് യൂറോപ്യന് രാജ്യങ്ങള്
