നീറ്റ് പരീക്ഷാ ക്രമക്കേടുമായി ബന്ധപ്പെട്ട് ഡല്ഹിയില് നടക്കുന്ന സമരം കേന്ദ്രസര്ക്കാര് അടിച്ചമര്ത്താന് ശ്രമിക്കുന്തോറും കൂടുതല് ജനപിന്തുണ ആര്ജിക്കുകയാണെന്ന് പ്രതിപക്ഷ നേതാവ് പിണറായി വിജയന്. ലോക്സഭയിലെ പ്രതിപക്ഷ നേതാവ് രാഹുല് ഗാന്ധിയെ അറസ്റ്റ് ചെയ്തതില് ശക്തമായ പ്രതിഷേധം അറിയിക്കുന്നതായും പിണറായി വിജയന് പറഞ്ഞു.
സിജെപി പ്രവര്ത്തകരും വിദ്യാഭ്യാസ പ്രവര്ത്തകന് സോനം വാങ് ചുക്ക് ആരംഭിച്ച സമരത്തിന് ഇടത് വിദ്യാര്ഥി സംഘടനകള് ആദ്യം മുതല് തന്നെ ഐക്യദാര്ഢ്യം പ്രഖ്യാപിച്ച് സമരത്തില് പങ്കെടുത്തിരുന്നു. പിന്നീട് വിവിധ പ്രതിപക്ഷ രാഷ്ട്രീയ പാര്ട്ടികളും എംപിമാരും സമരത്തിന്റെ ഭാഗമായി. സിപിഎം ജനറല് സെക്രട്ടറിയും കേന്ദ്ര നേതാക്കളും എംപിമാരും പൊലീസ് അതിക്രമത്തിനെ ചെറുത്ത് സംരക്ഷണ വലയം തന്നെ തീര്ത്തിരുന്നു.
പൊലീസിനൊപ്പം ലാത്തിയുമായി ഗുണ്ടാസംഘവും സമരക്കാരെ അക്രമിക്കുന്നതായി വാര്ത്തകള് പുറത്ത് വരികയാണെന്നും പിണറായി സാമൂഹിക മാധ്യമത്തില് പങ്കുവച്ച കുറിപ്പില് പറയുന്നു.പ്രധാനമന്ത്രിയുടെ വസതിക്ക് മുന്നില് കോണ്ഗ്രസ് സമരത്തിന് നേതൃത്വം കൊടുത്ത പ്രതിപക്ഷ നേതാവ് രാഹുല് ഗാന്ധി ഉള്പ്പടെയുള്ള നേതാക്കളെ പൊലീസ് വലിച്ചിഴച്ച് അറസ്റ്റ് ചെയ്ത് നീക്കിയിരുന്നു. ബലപ്രയോഗത്തിനിടെ രാഹുലിന് മുറിവേല്ക്കുകയും ചെയ്തിരുന്നു.
പിണറായിയുടെ കുറിപ്പ്
നീറ്റ് പരീക്ഷാ ക്രമക്കേടുമായി ബന്ധപ്പെട്ട് ഡല്ഹിയില് നടക്കുന്ന സമരം ആഴ്ചകള് പിന്നിട്ട് ശക്തമാവുകയാണ്. സിജെപി പ്രവര്ത്തകരും വിദ്യാഭ്യാസ പ്രവര്ത്തകന് സോനം വാങ് ചുക്ക് ആരംഭിച്ച സമരത്തിന് ഇടത് വിദ്യാര്ത്ഥി സംഘടനകള് ആദ്യം മുതല് തന്നെ ഐക്യദാര്ഢ്യം പ്രഖ്യാപിച്ച് സമരത്തില് പങ്കെടുത്തിരുന്നു. പിന്നീട് വിവിധ പ്രതിപക്ഷ രാഷ്ട്രീയ പാര്ട്ടികളും എംപിമാരും സമരത്തിന്റെ ഭാഗമായി. സിപിഎം ജനറല് സെക്രട്ടറിയും കേന്ദ്ര നേതാക്കളും എംപിമാരും പോലീസ് അതിക്രമത്തിനെ ചെറുത്ത് സംരക്ഷണ വലയം തന്നെ തീര്ത്തിരുന്നു. പോലീസിനൊപ്പം ലാത്തിയുമായി ഗുണ്ടാസംഘവും സമരക്കാരെ അക്രമിക്കുന്നതായി വാര്ത്തകള് പുറത്ത് വരികയാണ്.ഇന്നലെ ലോക്സഭയിലെ പ്രതിപക്ഷ നേതാവ് രാഹുല് ഗാന്ധിയും കോണ്ഗ്രസ് നേതൃത്വവും സമരക്കാര്ക്ക് പിന്തുണയുമായി വന്നു. ലോക് സഭയിലും നീറ്റ് പരീക്ഷാ ക്രമക്കേടും മന്ത്രിയുടെ രാജി ആവശ്യപ്പെട്ട് നടക്കുന്ന സമരവും ഉന്നയിക്കുവാന് പ്രതിപക്ഷം ശ്രമിച്ച് വരികയാണ്. കേന്ദ്ര സര്ക്കാര് അടിച്ചമര്ത്താന് ശ്രമിക്കുന്തോറും കൂടുതല് ജനപിന്തുണ ആര്ജ്ജിക്കുകയാണ്. ലോക്സഭയിലെ പ്രതിപക്ഷ നേതാവ് രാഹുല് ഗാന്ധിയെ അറസ്റ്റ് ചെയ്തതില് ശക്തമായ പ്രതിഷേധം അറിയിക്കുന്നു.
Read More
നീറ്റ് യുജി പുനഃപരീക്ഷ നാളെ; ഒരു വിദ്യാര്ഥി കൂടി ആത്മഹത്യ ചെയ്തു; ഇന്ന് രാജ്യവ്യാപക മോക്ക് ഡ്രില്; ജന്തര് മന്തറില് സിജെപി പ്രതിഷേധം
രാഹുൽ വിഷയം തിരഞ്ഞെടുപ്പിനെ ബാധിക്കില്ലെന്ന് കെ പി സി സിയുടെ വിലയിരുത്തല്
രാഹുലിന്റെ രാജി, അശ്ലീല ചാറ്റ്; ആരോപണങ്ങളില് പതറി കോണ്ഗ്രസ്
ഒളിവുജീവിതം അവസാനിപ്പിച്ച് പാലക്കാട് എം.എൽ.എ വോട്ട് ചെയ്യാനെത്തി; രാഹുലിനെ ഇനി കോൺഗ്രസ് എന്തു ചെയ്യും?
