കൊച്ചി: പൊലീസ് സംരക്ഷണം ആവശ്യപ്പെട്ട് കുംഭമേള വൈറല് പെണ്കുട്ടി എറണാകുളം സെന്ട്രല് പൊലീസ് സ്റ്റേഷനില് എത്തി. പെണ്കുട്ടിയെയും ഭര്ത്താവിനേയും കണ്ടെത്താന് കഴിയുന്നില്ലെന്ന് കാട്ടി സെന്ട്രല് പൊലീസ് ഇവര്ക്ക് ഏര്പ്പെടുത്തിയ സുരക്ഷ പിന്വലിച്ചിരുന്നു. ഇതിന് പിന്നാലെയാണ് സുരക്ഷ തേടി പെണ്കുട്ടി വീണ്ടും എത്തിയത്.
തന്റെ പാസ്പോര്ട്ടും പണവും പിതാവും സംഘവും അപഹരിച്ചെന്നും പെണ്കുട്ടി പൊലീസിനെ അറിയിച്ചു. പെണ്കുട്ടിയും ഭര്ത്താവും നല്കിയ മേല്വിലാസത്തിലോ നമ്പറിലോ ബന്ധപ്പെടാന് കഴിയുന്നില്ലെന്നും പെണ്കുട്ടിയുടെ പതിവ് രീതിയാണിതെന്നുമായിരുന്നു സര്ക്കാര് കോടതിയെ അറിയിച്ചത്. പിന്നാലെ പെണ്കുട്ടി സംരക്ഷണം ആവശ്യപ്പെട്ടാല് മാത്രം നല്കിയാല് മതിയെന്ന് പൊലീസിനോട് കോടതി നിര്ദേശിക്കുകയായിരുന്നു.തന്റെ ജീവന് സുരക്ഷ നല്കണമെന്ന് ആവശ്യപ്പെട്ട് പെണ്കുട്ടി നല്കിയ ഹര്ജിയിലായിരുന്നു മതിയായ സുരക്ഷ നല്കാന് എറണാകുളം സെന്ട്രല് പൊലീസിന് കോടതി നിര്ദേശം നല്കിയിരുന്നത്. അതേസമയം മധ്യപ്രദേശ് പൊലീസില് പെണ്കുട്ടിയുടെ പിതാവ് നല്കിയ പരാതിയില് അവരുടെ ഭര്ത്താവ് മുഹമ്മദ് ഫര്മാന് പ്രതിയാണ്. പെണ്കുട്ടിയെ ഫര്ഹാന് തട്ടിക്കൊണ്ടുപോയി എന്ന പരാതിയിലാണ് കേസെടുത്തിരിക്കുന്നത്. പെണ്കുട്ടിക്ക് പ്രായപൂര്ത്തിയായിട്ടില്ലെന്നാണ് കുടുംബം അവകാശപ്പെടുന്നത്.
Read More
കുംഭമേള വൈറല് പെണ്കുട്ടിയുടെ പൊലീസ് സംരക്ഷണം നീക്കി ഹൈക്കോടതി
കുംഭമേള വൈറല് പെണ്കുട്ടിക്ക് സംരക്ഷണം നല്കണം; പൊലീസിന് ഹൈക്കോടതി നിര്ദേശം
‘ഫര്മാന്ഖാന് സിനിമയില് നായികയാക്കാമെന്ന് വാഗ്ദാനം നല്കി; മകളെ തിരിച്ചുവേണം’; കുംഭമേള വൈറല് താരത്തിന്റെ പിതാവ്
കുംഭമേള വൈറല് പെണ്കുട്ടിയുടെ വിവാഹം: സിപിഐഎം നേതാക്കളെ പ്രതി ചേര്ക്കണമെന്ന ഹര്ജിക്ക് സ്റ്റേ; മധ്യപ്രദേശ് പൊലീസിന്റെ റിപ്പോര്ട്ട് വരട്ടേയെന്ന് കോടതി
