ചെന്നൈ സൂപ്പർ കിംഗ്‌സിന്റെ പ്രധാന താരങ്ങളിലൊരാളായിരുന്നു ഫാഫ് ഡുപ്ലെസിസ്. ചെന്നൈയുടെ കിരീട നേട്ടങ്ങളിലെല്ലാം വ്യക്തമായ മുദ്രയും അദ്ദേഹം പതിച്ചിട്ടുണ്ട്. കഴിഞ്ഞ സീസണിലെ റൺവേട്ടക്കാരിൽ രണ്ടാമൻ കൂടിയായിട്ടും ഇത്തവണ ഡുപ്ലെസിസിനെ നിലനിർത്താൻ ചെന്നൈ തയ്യാറായിരുന്നില്ല.
സി എസ് കെ വിട്ടൊഴിഞ്ഞപ്പോൾ ബാംഗ്ലൂർ റോയൽ ചലഞ്ചേഴ്‌സാണ് താരത്തെ സ്വന്തമാക്കിയത്. ഏഴ് കോടി രൂപക്കാണ് ഡുപ്ലെസിസിനെ ആർ സി ബി സ്വന്തമാക്കിയത്. കോഹ്ലി രാജിവെച്ചതോടെ പുതിയ ഒരു നായകനെ തേടിക്കൊണ്ടിരിക്കുന്ന ആർ സി ബിക്ക് ഡുപ്ലെസിസിന്റെ വരവ് ആശ്വാസം കൂടിയാണ്.
ഡുപ്ലെസിസ്, മാക്‌സ് വെൽ തുടങ്ങിയ താരങ്ങൾക്കാണ് നായകനാകാൻ സാധ്യത കൂടുതൽ. ഇതിലേറ്റവും കൂടുതൽ പരിഗണന ഡുപ്ലെസിസിക്ക് തന്നെയാണ്
