ആലപ്പുഴ/തിരുവനന്തപുരം/കോഴിക്കോട്: മഴയും കടലാക്രമണവും രൂക്ഷമായതോടെ സംസ്ഥാനത്തെ തീരമേഖലകളില്‍ വന്‍ നാശനഷ്ടം. ആലപ്പുഴയിലും തിരുവനന്തപുരത്തും കോഴിക്കോടും നിരവധി വീടുകളില്‍ വെളളം കയറി. കടല്‍ക്ഷോഭം രൂക്ഷമായ സ്ഥലങ്ങളില്‍ ആളുകളെ ക്യാമ്പുകളിലേക്ക് മാറ്റി. ആലപ്പുഴയുടെ തീരമേഖലയിലെ ഒറ്റമശ്ശേരി, വിയാനി, പുന്നപ്ര ഉള്‍പ്പെടെയുളള പ്രദേശങ്ങളില്‍ കടലിനോട് ചേര്‍ന്ന വീടുകളിലും പരിസരങ്ങളിലും വെള്ളം കയറി. തിരുവനന്തപുരം പൊഴിയൂരിലും കടലേറ്റം തുടരുകയാണ്. നിരവധി വീടുകളില്‍ വെളളം കയറി. അടിമലത്തുറ, അമ്പലത്തുമൂല എന്നിവിടങ്ങളിലെ 150 ഓളം വീടുകളില്‍ വെളളം കയറി. അമ്പതോളം വീടുകള്‍ക്ക് കേടുപാടുണ്ട്. കോഴിക്കോട് കൊയിലാണ്ടി,…

കോഴിക്കോട് ഭക്ഷ്യവിഷബാധയേറ്റ് രണ്ടര വയസ്സുകാരൻ മരിച്ചു. വീര്യമ്പ്രം ചങ്ങളംകണ്ടി അക്ബറിന്റെ മകൻ മുഹമ്മദ് യമിനാണ് മരിച്ചത്. വിവാഹ വീട്ടിൽ നിന്ന് കൊണ്ടുവന്ന ചിക്കൻ റോൾ കുട്ടി കഴിച്ചിരുന്നു. ഇതിൽ നിന്ന് ഭക്ഷ്യവിഷബാധയേറ്റതായാണ് വിവരം. ഇതേ സാധനം കഴിച്ച പത്തിലധികം പേർ ഭക്ഷ്യ വിഷബാധയേറ്റ് ചികിത്സയിലാണ് ദേഹാസ്വാസ്ഥ്യം അനുഭവപ്പെട്ടതിനെ തുടർന്ന് കുട്ടിയെ കൊടുവള്ളിയിലെ സ്വകാര്യ ആശുപത്രിയിൽ പ്രവേശിപ്പിക്കുകയായിരുന്നു. പിന്നീട് കോഴിക്കോട് മെഡിക്കൽ കോളജിലേക്ക് മാറ്റി.

കോഴിക്കോട്: മൂടല്‍മഞ്ഞ് കാരണം കോഴിക്കോടുനിന്നും പുറപ്പെടേണ്ട വിമാനങ്ങള്‍ വൈകുന്നു. കോഴിക്കോടുനിന്ന് പുറപ്പെടേണ്ട മസ്‌കത്തിലേക്കുള്ള സലാം എയര്‍, ദോഹയിലേക്കുള്ള ഖത്തര്‍ എയര്‍വേസ്, അബൂദബിയിലേക്കുള്ള ഇന്‍ഡിഗോ, ഷാര്‍ജയിലേക്കുള്ള എയര്‍ അറേബ്യ സര്‍വീസുകളാണ് വൈകിയത്. രാത്രി രണ്ടുമണി മുതല്‍ കരിപ്പൂര്‍ വിമാനത്താവളത്തില്‍ വിമാനങ്ങള്‍ ഇറങ്ങിയില്ല. യാത്ര വൈകിയ ഖത്തര്‍ എയര്‍വേയ്‌സ് വിമാനം വൈകീട്ട് 6 മണിക്ക് പുറപ്പെടും. ദുബയിലേക്കുള്ള എയര്‍ ഇന്ത്യ എക്‌സ്പ്രസ് വിമാനം കരിപ്പൂരില്‍നിന്ന് രാവിലെ 8:30നാണ് പുറപ്പെട്ടത്. ഒമാനില്‍നിന്നുള്ള സലാം എയര്‍ കൊച്ചിയിലും ഖത്തര്‍ എയര്‍വെയ്‌സ് തിരുവനന്തപുരത്തും ഇറക്കിയിരുന്നു….

എറണാകുളം വേങ്ങൂർ പഞ്ചായത്ത് അംഗത്തെ തൂങ്ങിമരിച്ച നിലയിൽ കണ്ടെത്തി. പതിനൊന്നാം വാർഡ് അംഗമായ സജി പി(55)യെയാണ് മരിച്ച നിലയിൽ കണ്ടത്. വീട്ടിനുള്ളിലാണ് സജിയെ തൂങ്ങിയ നിലയിൽ കണ്ടത്. മരണകാരണം വ്യക്തമല്ല. എൽ ഡി എഫ് സ്ഥാനാർഥിയായാണ് സജി മത്സരിച്ച് ജയിച്ചത്. പോലീസ് അസ്വാഭാവിക മരണത്തിന് കേസെടുത്ത് അന്വേഷണം ആരംഭിച്ചു.

ഡി പി മുൻ ആക്ടിംഗ് ചെയർമാനും തിരുവനന്തപുരം നഗരസഭ മുൻ കൗൺസിലറുമായ പൂന്തുറ സിറാജ് അന്തരിച്ചു. തിരുവനന്തപുരത്തെ സ്വകാര്യ ആശുപത്രിയിലായിരുന്നു അന്ത്യം. ഏറെക്കാലമായി അർബുദ രോഗത്തിന് ചികിത്സയിലായിരുന്നു. പി ഡി പി മുൻ ജനറൽ സെക്രട്ടറിയായും പ്രവർത്തിച്ചിട്ടുണ്ട്. രണ്ട് തവണ പിഡിപി സ്ഥാനാർഥിയായും ഒരു തവണ സ്വതന്ത്രനായും മത്സരിച്ച് നഗരസഭാ കൗൺസിലറായി. കുറച്ച് കാലമായി പി ഡി പിയിൽ നിന്ന് അകന്നുനിൽക്കുകയായിരുന്നു.