രാജ്യത്ത് പെട്രോൾ, ഡീസൽ വിലയിൽ വീണ്ടും വർധനവ്. ഡീസലിന് പിന്നാലെ 72 ദിവസത്തിന് ശേഷം പെട്രോൾ വിലയും വർധിപ്പിച്ചു. പെട്രോളിന് 22 പൈസയും ഡീസലിന് 26 പൈസയുമാണ് വർധിപ്പിച്ചത്. തുടർച്ചയായ നാലാം ദിവസമാണ് ഡീസൽ വില വർധിപ്പിക്കുന്നത്. കൊച്ചിയിൽ പെട്രോൾ വില 101.70 രൂപയായി. ഡീസലിന് 94.58 രൂപയാണ്. തിരുവനന്തപുരത്ത് പെട്രോൾ വില 103.70 രൂപയും ഡീസലിന് 96.48 രൂപയുമാണ്. കോഴിക്കോട് പെട്രോളിന് 101.92 രൂപയും ഡീസലിന് 94.82 രൂപയുമായി.

സംസ്ഥാനത്ത് സിബിഐ കേസ് സ്വയമേറ്റെടുത്ത് അന്വേഷിക്കുന്നതിന് നിയന്ത്രണമേർപ്പെടുത്തി സർക്കാർ വിജ്ഞാപനം പുറത്തിറക്കി. സർക്കാരിന്റെ മുൻകൂർ അനുമതിയില്ലാതെ കേരളത്തിൽ അന്വേഷണം നടത്താൻ നൽകിയിരുന്ന അനുമതി പിൻവലിച്ചാണ് വിജ്ഞാപനം. കോടതി ഉത്തരവ് പ്രകാരമോ, സർക്കർ അനുമതിയോടു കൂടിയോ മാത്രമേ ഇനി സിബിഐക്ക് കേരളത്തിൽ അന്വേഷണം ഏറ്റെടുക്കാനാകൂ. ആഭ്യന്തര സെക്രട്ടറി സഞ്ജയ് കൗളാണ് ഇതുസംബന്ധിച്ച വിജ്ഞാപനമിറക്കിയത്. ലൈഫ് മിഷൻ അഴിമതി കേസ് സിബിഐ നേരിട്ട് ഏറ്റെടുത്തതിന് പിന്നാലെയാണ് സർക്കാർ തീരുമാനം.

സ്വപ്‌ന സുരേഷിന് സന്തോഷ് ഈപ്പൻ കൈമാറിയ ഐ ഫോണുകളിൽ ഏറ്റവും വിലയേറിയത് ഉപയോഗിച്ചിരുന്നത് എം ശിവശങ്കറെന്ന് റിപ്പോർട്ട്. സ്വപ്‌ന നൽകിയതാകാം ഈ ഫോൺ എന്നാണ് കരുതുന്നത്.   ഒരു ലക്ഷത്തോളം വിലവരുന്നതാണ് ഫോൺ. തന്റെ പക്കലുണ്ടായിരുന്ന ഫോണുകളുടെ ഐഎംഇ നമ്പർ ശിവശങ്കർ അന്വേഷണ സംഘത്തിന് നൽകിയിരുന്നു. താൻ വാങ്ങിയ ഐ ഫോണുകളുടെ വിവരങ്ങൾ സന്തോഷ് ഈപ്പനും നൽകിയിരുന്നു. ഇവ പരിശോധിച്ചതിൽ നിന്നാണ് ഇക്കാര്യം വ്യക്തമായത് ശിവശങ്കറിനെ ഇഡി ചോദ്യം ചെയ്യുന്നത് തുടരുകയാണ്. കോടതി നിർദേശപ്രകാരം ഇന്നലെ വൈകുന്നേരം…