മാള: തേക്ക്മരം വീണ് വീട് തകര്‍ന്നു. ഓടിനടിയില്‍ കുടുങ്ങിയ ആറ് വയസ്സുള്ള കുട്ടി അത്ഭുതകരമായി രക്ഷപ്പെട്ടു. പുത്തന്‍ചിറ ഗ്രാമപഞ്ചായത്തിലെ വടക്കുംമുറി ഉല്ലാസ് നഗറില്‍ ഭാര്‍ഗവി മുകുന്ദന്റെ വീടിന് മേലാണ് ശക്തമായ കാറ്റില്‍ തേക്ക്മരം വീണത്. ഇന്ന് രാവിലെ 6.15 ഓടെയാണ് സംഭവം. മേല്‍ക്കൂരക്ക് താഴെ സീലിംഗ് നടത്തിയിരുന്നതിനാല്‍ വലിയ ദുരന്തം ഒഴിവായി. സീലിംഗ് തകര്‍ന്ന് താഴെ വീണ ഓടുകള്‍ക്കിടയില്‍ കുട്ടി കുടുങ്ങിയെങ്കിലും മാതാപിതാക്കളെത്തി രക്ഷപ്പെടുത്തി.   കുട്ടിയുടെ മൂക്കും കണ്ണുമൊഴികെ ബാക്കി ഭാഗങ്ങളെല്ലാം ഓടിനാല്‍ മൂടിയിരിക്കയായിരുന്നു. കുട്ടിയുടെ…

  ആലപ്പുഴയിൽ മണിക്കൂറുകളുടെ വ്യത്യാസത്തിൽ രണ്ടാമത്തെ കൊലപാതകം. എസ് ഡി പി ഐ സംസ്ഥാന സെക്രട്ടറി കെ എസ് ഷാൻ കൊല്ലപ്പെട്ടതിന് പിന്നാലെ ബിജെപി നേതാവിനെ വീട്ടിൽ കയറി ഒരു സംഘം വെട്ടിക്കൊന്നു. ബിജെപി ഒബിസി മോർച്ച സംസ്ഥാന സെക്രട്ടറി അഡ്വ. രഞ്ജിത്ത് ശ്രീനിവാസാണ് കൊല്ലപ്പെട്ടത്. വെള്ളക്കിണറിയിലെ വീട്ടിൽ ഇന്ന് പുലർച്ചെയാണ് സംഭവം. ആലപ്പുഴ നിയോജക മണ്ഡലം മുൻ സ്ഥാനാർഥിയും ആലപ്പുഴ ബാർ അസോസിയേഷനിലെ അഭിഭാഷകനുമായിരുന്നു.

കൊയിലാണ്ടി നന്ദിയിൽ യുവതിയും മകനും ട്രെയിനിടിച്ച് മരിച്ചു. അട്ടവയൽ സ്വദേശി ഹർഷ(28), മകൻ നാല് വയസ്സുകാരൻ കശ്യപ് എന്നിവരാണ് മരിച്ചത്. ഇന്നലെ വൈകുന്നേരമായിരുന്നു സംഭവം അട്ടവയൽ മനുലാലിന്റെ ഭാര്യയാണ് മരിച്ച ഹർഷ. കൊല്ലച്ചിറക്ക് സമീപം തളിക്ഷേത്രത്തിനടുത്ത് വാടക വീട്ടിലായിരുന്നു ഇവരുടെ താമസം. ദമ്പതികൾക്ക് മറ്റൊരു മകൻ കൂടിയുണ്ട്.

വണ്ടൂര്‍: ഒന്നര വയസ്സുകാരി ബക്കറ്റിലെ വെള്ളത്തില്‍ വീണ് മരിച്ചു. പഴയ ചന്തക്കുന്ന് ചുമട്ടുതൊഴിലാളിയായ മക്കണ്ണന്‍ സറഫുദ്ദീന്റെ മകളാണ് ബക്കറ്റിലെ വെള്ളത്തില്‍ വീണ് മരിച്ചത്. കൂരാട് തെക്കുംപുറത്ത് കുട്ടിയുടെ മാതാവിന്റെ വീട്ടില്‍വച്ചാണ് സംഭവം. ഉടന്‍ വണ്ടൂരിലെ സ്വകാര്യാശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല.

കണ്ണൂർ ചെറുപുഴയിൽ സഹോദരങ്ങൾ തമ്മിലുണ്ടായ വാക്കുതർക്കത്തിനിടെ ഒരാൾക്ക് വെട്ടേറ്റു. രാജഗിരി തച്ചിലേടത്ത് ഡാർവിനാണ് വെട്ടേറ്റത്. ഇയാളുടെ മൂത്ത സഹോദരൻ വിജിയാണ് വാക്കത്തി ഉപയോഗിച്ച് ഡാർവിനെ വെട്ടിയത്. ഡാർവിൻ തന്നെ ഉപദ്രവിക്കുന്നുവെന്ന് കാണിച്ച് വിജി മുമ്പ് പോലീസിൽ പരാതി നൽകിയിരുന്നു. ഇവർ തമ്മിൽ സംഘർഷം പതിവാണ്. ഉപദ്രവം സഹിക്കവയ്യാതെയാണ് ഡാർവിനെ വെട്ടിയതെന്ന് വിജി പറയുന്നു വാക്കത്തി കൊണ്ടുള്ള വെട്ടേറ്റ് ഡാർവിന് ഗുരുതരമായി പരുക്കേറ്റു. ഇയാളെ കണ്ണൂരിലെ സ്വകാര്യ ആശുപത്രിയിൽ തീവ്രപരിചരണ വിഭാഗത്തിൽ പ്രവേശിപ്പിച്ചു.

സംസ്ഥാനത്ത് ഇന്ന് 31,337 പേര്‍ക്ക് കോവിഡ്-19 സ്ഥിരീകരിച്ചു. മലപ്പുറം 4320, എറണാകുളം 3517, തിരുവനന്തപുരം 3355, കൊല്ലം 3323, പാലക്കാട് 3105, കോഴിക്കോട് 2474, ആലപ്പുഴ 2353, തൃശൂര്‍ 2312, കോട്ടയം 1855, കണ്ണൂര്‍ 1374, പത്തനംതിട്ട 1149, ഇടുക്കി 830, കാസര്‍ഗോഡ് 739, വയനാട് 631 എന്നിങ്ങനേയാണ് ജില്ലകളില്‍ ഇന്ന് രോഗ ബാധ സ്ഥിരീകരിച്ചത്. കഴിഞ്ഞ 24 മണിക്കൂറിനിടെ 1,34,553 സാമ്പിളുകളാണ് പരിശോധിച്ചത്. ടെസ്റ്റ് പോസിറ്റിവിറ്റി നിരക്ക് 23.29 ആണ്. റുട്ടീന്‍ സാമ്പിള്‍, സെന്റിനല്‍ സാമ്പിള്‍,…