ഇടുക്കി അടിമാലിയിൽ ബസ് ഉടമ കുത്തേറ്റ് മരിച്ചു. ബൈസൺവാലി സ്വദേശി ബോബൻ ജോർജ്(34) ആണ് മരിച്ചത്. മറ്റൊരു ബസിലെ ജീവനക്കാരനായ മനീഷാണ് കുത്തിയത്. ഇയാൾക്കും പരുക്കേറ്റിട്ടുണ്ട്. സർവീസും സമയത്തെയും ചൊല്ലി വർഷങ്ങളായുള്ള തർക്കമാണ് കൊലപാതകത്തിൽ കലാശിച്ചത്. മനീഷിനെ പോലീസ് കസ്റ്റഡിയിലെടുത്തു

കൊല്ലം: കൊല്ലം ബൈപാസിൽ ഇന്നുമുതൽ ടോൾ പിരിവ് ആരംഭിക്കും. ഇക്കാര്യം വ്യക്തമാക്കി കൊല്ലം ജില്ലാ കളക്ടർക്ക് എൻഎച്ച്എഐ ഉദ്യോഗസ്ഥർ വാട്‌സാപ്പ് സന്ദേശം അയച്ചു. പിരിവിന്റെ ചുമതലയുള്ള സ്വകാര്യ കമ്പനി ജീവനക്കാരോടും ഇന്ന് രാവിലെ മുതൽ ജോലിക്കെത്താൻ നിർദ്ദേശം നൽകിയിട്ടുണ്ട്. നിയമസഭാ തെരഞ്ഞെടുപ്പിന്റെ സാഹചര്യത്തിലാണ് കൊല്ലം ബൈപ്പാസിൽ ടോൾ പിരിക്കാനുള്ള തീരുമാനം നീട്ടിവെച്ചത്.