തലശ്ശേരി സെയ്ദാർ പള്ളിക്ക് സമീപം ഞായറാഴ്ച രാത്രി ഓട്ടോ റിക്ഷയിൽ നിന്ന് വീണു പരുക്കേറ്റ സ്ത്രീ മരിച്ച സംഭവം കൊലപാതകമെന്ന് പോലീസ്. ഗോപാലപേട്ടയിലെ ശ്രീധരിയെന്ന 51കാരിയാണ് കൊല്ലപ്പെട്ടത് അയൽവാസിയും ഓട്ടോ ഡ്രൈവറുമായ ഗോപാലകൃഷ്ണനാണ് ശ്രീധരിയെ കൊലപ്പെടുത്തിയത്. ശ്രീധരിയുടെ തല ബലമായി ഓട്ടോയിൽ ഇടിപ്പിച്ച് ഗുരുതരമായി പരുക്കേൽപ്പിക്കുകയായിരുന്നു. സാമ്പത്തിക ഇടപാടുമായി ബന്ധപ്പെട്ട തർക്കമാണ് കൊലപാതകത്തിൽ കലാശിച്ചതെന്നും പോലീസ് പറഞ്ഞു. പ്രതിയെ പോലീസ് പിടികൂടി.  

ക്യാൻസർ രോഗിയെ ബുദ്ധിമുട്ടിച്ച കട്ടപ്പന സബ് രജിസ്ട്രാറെ സസ്‌പെൻഡ് ചെയ്ത് പൊതുമരാമത്ത് മന്ത്രി ജി സുധാകരൻ. കട്ടപ്പന സ്വദേശിയും സർക്കാർ ഉദ്യോഗസ്ഥനുമായ സനീഷ് ജോസഫ് ഒഴിമുറി ആധാരം ചെയ്യുന്നതിനായി സബ് രജിസ്ട്രാർ ഓഫീസിൽ എത്തിയിരുന്നു. ക്യാൻസർ രോഗിയായ അദ്ദേഹം ആംബുലൻസിലാണ് ഓഫീസിലെത്തിയത്. എന്നാൽ കിടപ്പ് രോഗി കൂടിയായ സനീഷിനെ മൂന്നാം നിലയിലുള്ള തന്റെ ഓഫീസിൽ വരണമെന്ന് സബ് രജിസ്ട്രാർ നിർബന്ധിക്കുകയായിരുന്നു. ഇതോടെ കസേരയിലിരുത്തി സനീഷിനെ മൂന്നാം നിലയിൽ എത്തിച്ചതിന് ശേഷമാണ് ആധാരം രജിസ്റ്റർ ചെയ്തു നൽകാൻ സബ്…