തിരുവനന്തപുരം: സ്‌കൂള്‍ അധ്യയന സമയം നീട്ടുന്ന കാര്യം ഉന്നത തല യോഗത്തില്‍ ചര്‍ച്ച ചെയ്തെന്നും തീരുമാനമാകുമ്പോള്‍ മാധ്യമങ്ങളെ അറിയിക്കുമെന്നും മന്ത്രി വി ശിവന്‍കുട്ടി. പ്ലസ്ടു അധിക സീറ്റ് സംബന്ധിച്ച് വിവരശേഖരണം നടക്കുകയാണ്‌. വിവിധ തലങ്ങളില്‍ ചര്‍ച്ചകള്‍ പുരോഗമിക്കുകയാണ്. ഓണ്‍ലൈന്‍ ക്ലാസുകള്‍ നിര്‍ത്താന്‍ തീരുമാനിച്ചിട്ടില്ലെന്നും ഇതിന് വേണ്ടി പ്രത്യേക ക്രമീകരണങ്ങള്‍ ചെയ്യുമെന്നും മന്ത്രി പറഞ്ഞു ഉപ്പളയില്‍ പ്ലസ് വണ്‍ വിദ്യാര്‍ഥിയെ സീനിയര്‍ വിദ്യാര്‍ഥികള്‍ റാഗ് ചെയ്ത സംഭവം ശ്രദ്ധയില്‍ പെട്ടിട്ടുണ്ടെന്നും കര്‍ശന നടപടി സ്വീകരിക്കുമെന്നും വിദ്യാഭ്യാസ ഡയറക്ടറോട്…

സംസ്ഥാനത്ത് സ്വർണവിലയിൽ ഇന്നും കുറവ്. വെള്ളിയാഴ്ച പവന് 320 രൂപയാണ് കുറഞ്ഞത്. ഒരു പവൻ സ്വർണത്തിന്റെ വില 34,400 രൂപയായി. ഗ്രാമിന് 4300 രൂപയാണ് വില ആഗോള വിപണിയിലും വിലയിടിവ് അനുഭവപ്പെട്ടു. സ്‌പോട്ട് ഗോൾഡ് വില ഔൺസിന് 1769.03 ഡോളറായി. ഇത് ദേശീയവിപണിയെയും ബാധിച്ചിട്ടുണ്ട്. ദേശീയ വിപണിയിൽ പത്ത് ഗ്രാം തനി തങ്കത്തിന് 46,145 രൂപയിലെത്തി. കഴിഞ്ഞ എട്ട് മാസത്തിനിടിയിലെ ഏറ്റവും താഴ്ന്ന നിലവാരമാണിത്.

കൊല്ലം കണ്ണനല്ലൂരിൽ മൈതാനത്തിന് സമീപം മണ്ണിടിഞ്ഞുവീണ് തൊഴിലാളി മരിച്ചു. ചേരിക്കോണം പ്രീത മന്ദിരത്തിൽ പ്രദീപ്(38)ആണ് മരിച്ചത്. ഒപ്പമുണ്ടായിരുന്ന ഇതര സംസ്ഥാന തൊഴിലാളിക്ക് ഗുരുതരമായി പരുക്കേറ്റു. ഇയാൾ കൊല്ലം ജില്ലാ ആശുപത്രിയിൽ ചികിത്സയിലാണ്. രാവിലെ 11 മണിയോടെയാണ് അപകടമുണ്ടായത്. സ്വകാര്യ വ്യക്തിയുടെ പറമ്പിൽ നിർമാണ ജോലി ചെയ്യുന്നതിനിടെയാണ് മണ്ണിടിഞ്ഞത്. രണ്ട് പേരാണ് മണ്ണിനടിയിൽ കുടുങ്ങിയത്.