ഇടുക്കി മുല്ലപ്പെരിയാര്‍ ഡാമില്‍ ജലനിരപ്പ് കുറയാത്ത പശ്ചാത്തലത്തില്‍ മൂന്ന് ഷട്ടറുകള്‍ കൂടി ഇന്നു വൈകുന്നേരം തുറക്കും. വൈകിട്ട് മാല് മണിക്കാണ് ഷട്ടറുകള്‍ തുറക്കുക. 40 സെന്റീമീറ്ററാണ് ഉയര്‍ത്തുക. ഇതോടെ ആകെ തുറക്കുന്ന ഷട്ടറുകളുടെ എണ്ണം ആറാകും. ഇന്ന് മൂന്നു ഷട്ടറുകള്‍ കൂടി തുറന്ന് 1299 ഘനയടി ജലം അധികമായി സ്പില്‍വേയിലൂടെ ഒഴുക്കിവിടാനാണ് തമിഴ്‌നാടിന്റെ തീരുമാനം. ഇതോടെ ആറ് ഷട്ടറുകള്‍ഴി 2974 ഘനയടി വെള്ളം പുറത്തേക്ക് ഒഴുകും. പെരിയാര്‍ നദിയുടെ കരകളില്‍ താമസിക്കുന്നവര്‍ ജാഗ്രത പാലിക്കണമെന്നും ആവശ്യമായ…

തിരുവനന്തപുരം : കൊറോണ ബാധയെ തുടർന്ന് ഔദ്യോഗിക വസതിയിൽ നിരീക്ഷണത്തിൽ കഴിയുകയായിരുന്ന നിയമസഭാ സ്പീക്കർ പി. ശ്രീരാമകൃഷ്ണനെ ആശുപത്രിയിലേക്ക് മാറ്റി. തിരുവനന്തപുരം മെഡിക്കൽ കോളേജ് ആശുപത്രിയിലേക്കാണ് മാറ്റിയത്. തുടർ ചികിത്സയ്ക്കായാണ് അദ്ദേഹത്തെ ആശുപത്രിയിൽ അഡ്മിറ്റ് ചെയ്തത്.

  ആലപ്പുഴയിൽ അമ്മയെയും മകളെയും പീഡിപ്പിച്ച കേസിൽ പോക്സോ കേസ് രജിസ്റ്റർ ചെയ്ത ശേഷം ഒളിവിൽ പോയ യൂത്ത് കോൺഗ്രസ് നേതാവിനെ 2 വർഷത്തിനുശേഷം അറസ്റ്റിൽ. യൂത്ത് കോൺഗ്രസ് മുൻ നിയോജക മണ്ഡലം സെക്രട്ടറിയും ജവഹർ ബാലവേദി ജില്ലാ വൈസ് ചെയർമാനുമായ ചിറക്കടവം തഴയശേരിൽ ആകാശിനെയാണ് കായംകുളം പോലീസ് പിടികൂടിയത്. പരിചയക്കാരിയായ യുവതിയെയും വിദ്യാർഥിനിയായ മകളെയും പീഡിപ്പിച്ച ശേഷം ചിത്രങ്ങൾ മൊബൈലിൽ പകർത്തി പ്രചരിപ്പിച്ചുവെന്ന പരാതിയിലാണ് 2019 ഡിസംബറിൽ ആകാശിനെതിരെ കേസെടുക്കുന്നത്. ഇതോടെ ഇയാൾ ഒളിവിൽ പോകുകയായിരുന്നു….

  കെ ആർ ഗൗരിയമ്മയുടെ നില വീണ്ടും ഗുരുതരം. ഗൗരിയമ്മയെ വീണ്ടും ഐസിയുവിലേക്ക് മാറ്റി. മരുന്നുകളോട് പ്രതികരിക്കുന്നുണ്ടെന്ന് ഡോക്ടർമാർ അറിയിച്ചു. പനിയും ശ്വാസതടസവും ഉണ്ടായതിനെ തുടർന്ന് കഴിഞ്ഞ മാസമാണ് ഗൗരിയമ്മയെ തിരുവനന്തപുരത്തെ സ്വകാര്യ ആശുപത്രിയിൽ പ്രവേശിപ്പിച്ചത്. അത്യാഹിത വിഭാഗത്തിൽ ചികിത്സയിലായിരുന്ന ഗൗരിയമ്മയെ ആരോഗ്യനിലയിൽ പുരോഗതിയുണ്ടായതിനാൽ മുറിയിലേക്ക് മാറ്റിയിരുന്നു. വീണ്ടും സ്ഥിതി ഗുരുതരമായതിനെ തുടർന്നാണ് ഇപ്പോൾ തീവ്രപരിചരണ വിഭാഗത്തിൽ പ്രവേശിപ്പിച്ചത്.

ഓൺലൈനിൽ റമ്മി കളിച്ച് 21 ലക്ഷം രൂപ നഷ്ടപ്പെട്ട യുവാവ് ആത്മഹത്യ ചെയ്തു. തിരുവനന്തപുരം കുറ്റിച്ചൽ സ്വദേശി വിനീതാണ് തൂങ്ങിമരിച്ചത്. ഐഎസ്ആർഒയിലെ കരാർ ജീവനക്കാരനായിരുന്നു വിനീത് ലോക്ക് ഡൗൺ സമയത്താണ് ഓൺലൈനിൽ റമ്മി കളി ആരംഭിച്ചത്. കളിയിൽ നഷ്ടം വന്നതോടെ ലക്ഷക്കണക്കിന് രൂപയുടെ ബാധ്യതയുണ്ടായി. പല സ്വകാര്യ ലോൺ കമ്പനികളിൽ നിന്നും കടമെടുത്താണ് ഇയാൾ ഓൺലൈൻ റമ്മി കളിച്ചിരുന്നത്. 21 ലക്ഷത്തോളം രൂപ കടം വന്നതിന് ശേഷമാണ് വിനീത് വീട്ടുകാരെ പോലും ഇക്കാര്യം അറിയിക്കുന്നത്. തുടർന്ന് വീട്ടുകാർ…

കണ്ണൂർ കൂത്തുപറമ്പിൽ പതിനൊന്ന് വയസ്സുകാരനെ വീട്ടിനുള്ളിൽ തൂങ്ങിമരിച്ച നിലയിൽ കണ്ടെത്തി. കൈതേരി പന്ത്രണ്ടാം മൈലിലാണ് സംഭവം. മമ്പറം ഹയർ സെക്കൻഡറി സ്‌കൂളിലെ ആറാം ക്ലാസ് വിദ്യാർഥിയായ അജയ് കൃഷ്ണയാണ് മരിച്ചത്. രക്ഷിതാക്കൾ കുട്ടിയെ വഴക്കുപറഞ്ഞതിന് പിന്നാലെയാണ് സംഭവം. അതേസമയം കൂടുതൽ അന്വേഷണത്തിന് ശേഷമെ യഥാർഥ കാരണം വ്യക്തമാകുകയുള്ളുവെന്ന് പോലീസ് പറയുന്നു.