അഴീക്കോട് പ്ലസ് ടു കോഴയുമായി ബന്ധപ്പെട്ട് മുസ്ലിം ലീഗ് എംഎൽഎ കെ എം ഷാജിയെ ഇഡി രണ്ടാം ദിവസം ചോദ്യം ചെയ്തത് നീണ്ട 16 മണിക്കൂറുകൾ. കുറച്ച് രേഖകൾ കൂടി ഹാജരാക്കാനുണ്ടെന്നും അതിനായി പത്ത് ദിവസം അനുവദിച്ചതായും കെ എം ഷാജി പിന്നീട് മാധ്യമങ്ങളോട് അറിയിച്ചു. തുടർച്ചയായ രണ്ടാം ദിവസമാണ് ഷാജിയെ ഇ ഡി ചോദ്യം ചെയ്യുന്നത്. കോഴിക്കോട് മാലൂർകുന്നിലെ ഷാജിയുടെ വീടിന് 1.62 കോടി രൂപ വില വരുമെന്ന് കോർപറേഷൻ ഇ ഡിക്ക് റിപ്പോർട്ട് നൽകിയിരുന്നു….

തോല്‍പ്പെട്ടി നരിക്കല്‍ പീവീസ് എസ്‌റ്റേറ്റില്‍ വീടിനുനേരെ കാട്ടാന ആക്രമണം. എസ്‌റ്റേറ്റിലെ ജീവനക്കാരി താമസിക്കുന്ന സ്റ്റാഫ് ക്വാര്‍ട്ടേഴ്‌സിന്റെ ഒരു ഭാഗം ആക്രമണത്തില്‍ തകര്‍ന്നു. പ്രദേശത്തെ വലഞ്ഞിപ്പിലാക്കല്‍ വീട്ടില്‍ സൈദലവിയുടെ മൂന്നു വയസ്സ് പ്രായമുള്ള പശുവിനെയും കാട്ടാന കൊന്നു. ഇന്ന് പുലര്‍ച്ചെയോടെയാണ് സംഭവം. വനംവകുപ്പ് ജീവനക്കാര്‍ സ്ഥലത്തെത്തി തുടര്‍ നടപടികള്‍ സ്വീകരിച്ചു വരുന്നു. കഴിഞ്ഞ വര്‍ഷവും ഇതേ കാട്ടാനയുടെ ആക്രമണത്തില്‍ നിരവധി വീടുകളും വാഹനങ്ങളും തകര്‍ന്നിരുന്നു. ചക്ക സീസണില്‍ ഈ ആന ജനവാസ കേന്ദ്രങ്ങളില്‍ സ്ഥിര സാന്നിധ്യമാണെന്ന് നാട്ടുകാര്‍ പറഞ്ഞു….

എറണാകുളം നായരമ്പലത്ത് യുവതിയും മകനും തീ കൊളുത്തി മരിച്ച സംഭവത്തിൽ അയൽവാസി ദിലീപിനെ ആത്മഹത്യാപ്രേരണാ കുറ്റം ചുമത്തി അറസ്റ്റ് ചെയ്തു. സിന്ധുവിന്റെ ആത്മഹത്യക്ക് ഇടയാക്കിയ സാഹചര്യം ദീലിപിന്റെ ശല്യം ചെയ്യലാണെന്ന് പോലീസ് ഉറപ്പാക്കി. പൊള്ളലേറ്റ് ആശുപത്രിയിലേക്ക് പോകും വഴി ആംബുലൻസിൽ വെച്ച് ദിലീപിന്റെ പേര് സിന്ധു പറഞ്ഞിരുന്നു. ഇത് കേസിൽ നിർണായകമായി. ദിലീപിനെതിരെ ബുധനാഴ്ച സിന്ധു പോലീസിൽ പരാതി നൽകിയിരുന്നു. പക്ഷേ ഞാറയ്ക്കൽ പോലീസ് കാര്യമായി ഒന്നും ചെയ്തില്ല. ഇതിൽ മനം നൊന്നതാണ് യുവതിയുടെ മരണമെന്ന് വീട്ടുകാർ…

റംബൂട്ടാൻ പഴത്തിന്റെ കുരു തൊണ്ടയിൽ കുടുങ്ങി ഒന്നര വയസ്സുകാരൻ മരിച്ചു. കോഴിക്കോട് വടകര കൊള്ളിയോട് സായീദിൻരെയും അൽസബയുടെയും മകൻ മസിൻ അമനാണ് മരിച്ചത്. ചൊവ്വാഴ്ച രാത്രിയാണ് സംഭവം. ആശുപത്രിയിൽ എത്തിച്ചെങ്കിലും കുട്ടിയുടെ ജീവൻ രക്ഷിക്കാനായില്ല.  

  സംസ്ഥാനത്ത് കൊവിഡ് രോഗം സ്ഥിരീകരിച്ച് ചികിത്സയിലായിരുന്ന 26,711 പേർ രോഗമുക്തി നേടി. തിരുവനന്തപുരം 2180, കൊല്ലം 1349, പത്തനംതിട്ട 1117, ആലപ്പുഴ 1414, കോട്ടയം 1434, ഇടുക്കി 1146, എറണാകുളം 5708, തൃശൂർ 2584, പാലക്കാട് 1450, മലപ്പുറം 2514, കോഴിക്കോട് 3065, വയനാട് 976, കണ്ണൂർ 1191, കാസർഗോഡ് 483 എന്നിങ്ങനേയാണ് രോഗമുക്തിയായത്. ഇതോടെ 1,73,631 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 43,10,674 പേർ ഇതുവരെ കോവിഡിൽ നിന്നും മുക്തി നേടി. കഴിഞ്ഞ…

  സ്‌കൂള്‍ വിദ്യാഭ്യാസരംഗത്തെ മികവ് പരിശോധിക്കാന്‍ കേന്ദ്രസര്‍ക്കാര്‍ നടപ്പാക്കിയ പ്രകടന വിലയിരുത്തല്‍ സൂചികയില്‍ (പി ജി ഐ) കേരളം ഒന്നാമത്. 2019-20ലെ റിപ്പോര്‍ട്ടിലാണ് കേരളത്തിന്റെ മികവ് എടുത്തുപറയുന്നത്. കേരളത്തിനു പുറമേ പഞ്ചാബ്, ചണ്ഡിഗഡ്, തമിഴ്നാട്, എന്നീ സംസ്ഥാനങ്ങളും ആന്‍ഡമാന്‍- നിക്കോബാര്‍ ദ്വീപുകളുമാണ് ഏറ്റവും ഉയര്‍ന്ന ഗ്രേഡ് നേടിയത്. ലെവല്‍ രണ്ടില്‍ 901നും 950നും ഇടയില്‍ സ്‌കോര്‍ നേടിയാണ് ഈ സംസ്ഥാനങ്ങള്‍ മുന്നിലെത്തിയത്. അതേസമയം, ലെവല്‍ ഒന്നില്‍ അതായത് 950നും 1000നും ഇടയില്‍ സ്‌കോര്‍ നേടിയ ഒരു സംസ്ഥാനമോ…

  തിരുവനന്തപുരം: സംസ്ഥാനത്ത് ഓണ്‍ലൈന്‍ മദ്യ വിതരണവുമായി ബന്ധപ്പെട്ട് പുറത്തുവരുന്ന റിപ്പോര്‍ട്ടുകളോട് പ്രതികരിച്ച് എക്‌സൈസ് മന്ത്രി എം.വി ഗോവിന്ദന്‍. ഓണ്‍ലൈന്‍ മദ്യവിതരണം ആലോചനയില്‍ പോലുമില്ലെന്ന് അദ്ദേഹം പറഞ്ഞു. മദ്യശാലകള്‍ക്ക് മുന്നിലെ തിരക്ക് നിയന്ത്രിക്കാന്‍ വില്‍പ്പനയില്‍ മാറ്റങ്ങള്‍ വേണമെന്ന് ഹൈക്കോടതി സര്‍ക്കാരിന് നിര്‍ദ്ദേശം നല്‍കിയിരുന്നു. മദ്യവില്‍പ്പനശാലകള്‍ക്ക് മുന്‍പിലെ ആള്‍ത്തിരക്കിനെതിരെ കോടതി സ്വമേധയാ കേസ് എടുത്തിരുന്നു. കേസ് പരിഗണിക്കവെ സംസ്ഥാന സര്‍ക്കാരിനെ കോടതി രൂക്ഷമായ ഭാഷയിലാണ് വിമര്‍ശിച്ചത്. ആള്‍ത്തിരക്കില്ലാത്ത പ്രദേശങ്ങളില്‍ ബിവറേജസ് ഔട്ട്‌ലെറ്റുകള്‍ സ്ഥാപിക്കുന്നത് ഗൗരവമായി പരിഗണിക്കണമെന്നും പ്രധാന പാതയോരങ്ങളില്‍…