കേന്ദ്രത്തിന്റെ പുതിയ വാക്‌സിൻ നയത്തിൽ സന്തോഷം രേഖപ്പെടുത്തി ധനമന്ത്രി കെ എൻ ബാലഗോപാൽ. ഈ തീരുമാനം നേരത്തെ എടുക്കേണ്ടതായിരുന്നു. വാക്‌സിൻ സമയബന്ധിതമായി കൊടുത്തു തീർക്കുക എന്നത് പ്രധാനമാണെന്നും ധനമന്ത്രി പറഞ്ഞു വാക്‌സിൻ നയത്തിൽ മാറ്റം വരുത്തി സൗജന്യമായി കൊടുക്കുമെന്ന് പറയുമ്പോഴും അത് രണ്ടോ മൂന്നോ വർഷം കൊണ്ട് കൊടുക്കാനായില്ലെങ്കിൽ യാതൊരു ഗുണവുമുണ്ടാകില്ലെന്ന് ബാലഗോപാൽ പറഞ്ഞു. മൂന്ന്, നാല് മാസത്തിനുള്ളിൽ വാക്‌സിനേഷൻ പൂർത്തീകരിക്കണം. വാക്‌സിൻ സൗജന്യമായി നൽകുകയാണെങ്കിൽ കേരളത്തിന് ആശ്വാസം തന്നെയാണ്. പക്ഷേ അതിന്റെ പങ്കാളിത്തം, സാമ്പത്തികപരമായ…

കോഴിക്കോട് ആനക്കാംപൊയിലിൽ പൊട്ടക്കിണറ്റിൽ നിന്ന് രക്ഷപ്പെടുത്തിയ ആന ചരിഞ്ഞു. പതിനാല് മണിക്കൂർ നീണ്ട രക്ഷാപ്രവർത്തനത്തിനൊടുവിൽ ആനയെ രക്ഷപ്പെടുത്തി കാട്ടിലേക്ക് വിട്ടെങ്കിലും അവശനായി കുഴഞ്ഞുവീണു. നിർജലീകരണമാണ് ആനയുടെ നില വഷളാക്കിയത് വെറ്റിനറി സർജന്റെ നേതൃത്വത്തിൽ ആനക്ക് ചികിത്സ നൽകിയിരുന്നു. വനംവകുപ്പ് മരുന്നും വെള്ളവും എത്തിച്ചു നൽകി. അടുത്ത പകലിൽ ആന കാടുകയറുമെന്ന പ്രതീക്ഷയാണുണ്ടായിരുന്നത്. കിണറിന് സമീപത്തേക്ക് മണ്ണുമാന്തി യന്ത്രമെത്തിച്ച് കിണറിടിച്ചാണ് ആനയെ പുറത്തെടുത്തത്. ആന കിണറ്റിൽ വീണിട്ട് മൂന്ന് ദിവസമായെന്നാണ് കരുതുന്നത്. വനഭൂമിയോട് ചേർന്നാണ് കിണറുള്ളത് എന്നതിനാൽ പുറത്തറിയാനും…

മൂന്നാർ പെട്ടിമുടിയിൽ മണ്ണിടിച്ചിലിനെ തുടർന്നുണ്ടായ അപകടത്തിൽപ്പെട്ടവർക്കായുള്ള തെരച്ചിൽ തുടരുന്നു. ഇന്ന് 15 മൃതദേഹങ്ങളാണ് മണ്ണിനടിയിൽ നിന്ന് കണ്ടെത്തിയത്. ഇതോടെ മരണസംഖ്യ 41 ആയി. ദുരന്തഭൂമിയിൽ ഇപ്പോഴും മഴ ശക്തമായി തുടരുന്നതാണ് രക്ഷാപ്രവർത്തനത്തെ ദുഷ്‌കരമാക്കുന്നത്. ഉച്ചയ്ക്ക് ശേഷം മഴ കൂടുതൽ ശക്തമാകുകയാണ്. കൂടാതെ മണ്ണിടിച്ചിലും തുടരുന്നുണ്ട്. 81 പേരാണ് ലയങ്ങളിൽ താമസിച്ചിരുന്നത് എന്നാണ് ടാറ്റാ കമ്പനിയുടെ കണക്ക്. എന്നാൽ ഇവരുടെ ബന്ധുക്കളും വിദ്യാർഥികളുമടക്കം നൂറോളം പേർ അപകടസമയത്തുണ്ടായിരുന്നു എന്നാണ് സൂചന.

  ന്യൂനപക്ഷ ക്ഷേമപദ്ധതികളിലെ 80:20 അനുപാതം റദ്ദാക്കിയ ഹൈക്കോടതി വിധിക്കെതിരെ അപ്പീൽ നൽകുമെന്ന് മുസ്ലിം ലീഗ്. വിധി പുനഃപരിശോധിക്കണമെന്ന് കോടതിയോട് ആവശ്യപ്പെടും. സംസ്ഥാന സർക്കാരിന് കീഴിലുള്ള ന്യൂനപക്ഷ സ്‌കോളർഷിപ്പുകളിൽ 80 ശതമനം മുസ്ലീം ന്യൂനപക്ഷങ്ങൾക്കും 20 ശതമാനം പിന്നാക്ക ക്രിസ്ത്യൻ വിഭാഗങ്ങൾക്കുമാണ് ഉണ്ടായിരുന്നത്. ഇതാണ് റദ്ദാക്കിയത്. എന്നാൽ ന്യൂനപക്ഷ ക്ഷേമപദ്ധതികളിൽ 100 ശതമാനവും മുസ്ലീങ്ങൾക്ക് അവകാശപ്പെട്ടതാണെന്ന് മുസ്ലീം ലീഗ് പറയുന്നു. 20 ശതമാനം പിന്നാക്കെ ക്രൈസ്തവ വിഭാഗങ്ങൾക്ക് നൽകുന്നത് പിന്നീടാണ്. ഈ പദ്ധതി ആർക്കുവേണ്ടിയാണ് എന്നത് പഠിക്കാതെയാണ്…

കൊച്ചി: സര്‍ക്കാര്‍ സപ്ലൈകോ വഴി 2020-21 സീസണിലെ ഒന്നാംവിള നെല്ല് സംഭരണത്തിനുളള ഓണ്‍ലൈന്‍ രജിസ്ട്രേഷന്‍ നാളെ മുതല്‍ ആരംഭിക്കുമെന്ന് സിഎംഡി അലി അസ്ഗര്‍ പാഷ അറിയിച്ചു. കഴിഞ്ഞ (2019-20) ഒന്നാം വിള നെല്ല് സംഭരണത്തിനുവേണ്ടി രജിസ്റ്റര്‍ ചെയ്ത കര്‍ഷകര്‍ വീണ്ടും രജിസ്റ്റര്‍ ചെയ്യേണ്ടതില്ല. കൊവിഡ് വ്യാപനമുളള സാഹചര്യത്തിലാണ് സര്‍ക്കാര്‍ ഈ തീരുമാനം എടുത്തത്. കര്‍ഷകര്‍ കഴിഞ്ഞ വര്‍ഷം നല്‍കിയ അപേക്ഷയില്‍ തിരുത്ത് ഉണ്ടെങ്കില്‍ ബന്ധപ്പെട്ട കൃഷിഭവനുകളില്‍ നേരിട്ടോ ഇമെയില്‍ മുഖേനയോ അപേക്ഷ നല്‍കി പരിഹരിക്കാവുന്നതാണെന്നും സി എം…

  പീഡനക്കേസ് ഒതുക്കിത്തീർക്കാൻ ഇടപെട്ടുവെന്ന് ആരോപണത്തിൽ മന്ത്രി എ കെ ശശീന്ദ്രൻ മുഖ്യമന്ത്രിക്ക് മുന്നിൽ വിശദീകരണം നൽകി. വിശദീകരണത്തിൽ മുഖ്യമന്ത്രി തൃപ്തനാണെന്നാണ് സൂചന. കേസിൽ ഇരയെ അപമാനിക്കുന്ന തരത്തിൽ ഒരു ഇടപെടലുകളും മന്ത്രിയുടെ ഭാഗത്ത് നിന്നുണ്ടായിട്ടില്ലെന്ന് സിപിഎമ്മും വിലയിരുത്തുന്നു. മന്ത്രി രാജിവെക്കേണ്ടതില്ലെന്നും സിപിഎമ്മും ഇടതുമുന്നണിയും വിലയിരുത്തി അതേസമയം മന്ത്രിക്ക് ജാഗ്രതക്കുറവുണ്ടായതായി ഇടതുമുന്നണി പറയുന്നു. ഇരയുടെ അച്ഛനുമായി മന്ത്രി സംസാരിച്ചത് അധികാരത്തിന്റെ സ്വരത്തിലല്ല. രണ്ട് പാർട്ടി പ്രവർത്തകർ തമ്മിലുള്ള പ്രശ്‌നം രമ്യമായി പരിഹരിക്കണമെന്ന് മാത്രമാണ് മന്ത്രി ഉദ്ദേശിച്ചത്. താൻ…