രണ്ടാം ഘട്ട കോവിഡ് വാക്‌സിനേഷൻ മേപ്പാടി ഡി എം വിംസിൽ ആരംഭിക്കുന്നു. അറുപത് വയസ്സ് കഴിഞ്ഞവർക്കും നാല്പത്തഞ്ഞ് വയസ്സ് കഴിഞ്ഞ ഗുരുതര രോഗമുള്ളവർക്കും വാക്‌സിൻ സ്വീകരിക്കുന്നതിനായി https://selfregistration.cowin.gov.in/ എന്ന ലിങ്കിൽ രജിസ്റ്റർ ചെയ്യാം. മേൽ പറഞ്ഞ ലിങ്കിൽ സ്വന്തം രജിസ്റ്റർ ചെയ്യാൻ ബുദ്ധിമുട്ടുന്നവർക്ക് ആശുപത്രിയിൽ ഒരുക്കിയിട്ടുള്ള ഹെൽപ് ഡെസ്കിൽ നേരിട്ട് ബന്ധപ്പെടാം. 250/- രൂപയാണ് ഒരു തവണ വാക്‌സിൻ എക്കുവാൻ അടക്കേണ്ടത്. കൂടുതൽ വിവരങ്ങൾക്ക് 8111881051 എന്ന നമ്പറിൽ വിളിക്കുക.

വയനാട്ടിൽ ചികിൽസയ്ക്കിടെ മരണപ്പെട്ട 100 വയസുകാരനായ ആദിവാസി വയോധികന് കോവിഡ് സ്ഥിരീകരിച്ചു. ഇന്നുച്ചയോടെ മരണപ്പെട്ട തരുവണ പള്ളിയാൽ കോളനിയിലെ മലായി (100)ക്കാണ് പരിശോധനയിൽ കോവിഡ് പോസിറ്റീവ് കണ്ടെത്തിയത്.. ഇദേഹം ശരീരവേദനയെ തുടർന്ന് കഴിഞ്ഞ ദിവസം പൊരുന്നന്നൂർ സാമൂഹികാരോഗ്യ കേന്ദ്രത്തിൽ പ്രാഥമിക ചികത്സ തേടിയിരുന്നു. ഇന്ന് മൂക്കിലൂടെ രക്തസ്രവുണ്ടായതിനെ തുടർന്ന് ആശുപത്രിയിലെത്തിച്ചപ്പോഴാണ് മരണപ്പെട്ടത്.പിന്നീട് നടത്തിയ പരിശോധനയിലാണ് കോവിഡ് സ്ഥിരീകരിച്ചത്. മൃതദേഹം നാളെ കോ വിഡ് മാനദണ്ഡങ്ങൾ പാലിച്ച് സംസ്കരിക്കം.

വയനാട് ജില്ലയില്‍ ഇന്ന് (27.1.21) 241 പേര്‍ക്ക് കോവിഡ് സ്ഥിരീകരിച്ചതായി ജില്ലാ മെഡിക്കല്‍ ഓഫീസര്‍ ഡോ. ആര്‍. രേണുക അറിയിച്ചു. 69 പേര്‍ രോഗമുക്തി നേടി. 2 ആരോഗ്യ പ്രവര്‍ത്തകര്‍ ഉള്‍പ്പെടെ എല്ലാവര്‍ക്കും സമ്പര്‍ക്കത്തിലൂടെയാണ് രോഗബാധ. ഇതില്‍ ഏഴ് പേരുടെ സമ്പര്‍ക്ക ഉറവിടം വ്യക്തമല്ല. ഇതോടെ ജില്ലയില്‍ കോവിഡ് സ്ഥിരീകരിച്ചവരുടെ ആകെ എണ്ണം 22509 ആയി. 18701 പേര്‍ ഇതുവരെ രോഗമുക്തരായി. ചികിത്സയിലിരിക്കെ 139 മരണം. നിലവില്‍ 3669 പേരാണ് ചികിത്സയിലുള്ളത്. ഇവരില്‍ 2887 പേര്‍ വീടുകളിലാണ്…

കോവിഡുമായി ബന്ധപ്പെട്ട് ജില്ലയില്‍ ഇന്ന് (04.10) പുതുതായി നിരീക്ഷണത്തിലായത് 245 പേരാണ്. 345 പേര്‍ നിരീക്ഷണ കാലം പൂര്‍ത്തിയാക്കി. നിലവില്‍ നിരീക്ഷണത്തിലുള്ളത് 3570 പേര്‍. ഇന്ന് വന്ന 90 പേര്‍ ഉള്‍പ്പെടെ 826 പേര്‍ ആശുപത്രിയില്‍ നിരീക്ഷണത്തിലാണ്. ജില്ലയില്‍ നിന്ന് ഇന്ന് 1645 പേരുടെ സാമ്പിളുകളാണ് പരിശോധനയ്ക്ക് അയച്ചത്. ഇതുവരെ പരിശോധനയ്ക്ക് അയച്ച 97604 സാമ്പിളുകളില്‍ 91260 പേരുടെ ഫലം ലഭിച്ചു. ഇതില്‍ 87177 നെഗറ്റീവും 4083 പോസിറ്റീവുമാണ്.