വ്യാജ കോവിഡ് വാക്സിന്‍ നിര്‍മ്മിച്ചുവെന്ന കേസില്‍ ഒഡീഷയില്‍ മുപ്പത്തിരണ്ടുക്കാരന്‍ അറസ്റ്റില്‍. ബാര്‍ഗഢ് ജില്ലയിലെ പ്രഹ്ലാദ് ബിസി എന്നയാളാണ് അറസ്റ്റിലായത്. വ്യാജ വാക്സിന്‍ നിര്‍മാണകേന്ദ്രം റെയ്ഡുചെയ്ത പോലീസ് കോവിഡ് വാക്സിനെന്ന ലേബല്‍ ഒട്ടിച്ച നിരവധി കുപ്പികളും രാസവസ്തുക്കളും ഉപകരണങ്ങളും പിടിച്ചെടുത്തതായി വാര്‍ത്ത ഏജന്‍സികള്‍ റിപ്പോര്‍ട്ടു ചെയ്തിട്ടുണ്ട്.   കോവിഡ് 19 വാക്സിനെന്ന് അവകാശപ്പെട്ട് വ്യാജ ഉത്പന്നം നിര്‍മ്മിക്കുന്നുവെന്ന രഹസ്യ വിവരം ലഭിച്ചതിനെ തുടര്‍ന്നാണ് പോലീസ് റെയ്ഡ് നടത്തിയത്. കോവിഡ് വാക്സിനെന്ന് തെറ്റിദ്ധരിപ്പിച്ച്‌ വ്യാജ ഉത്പന്നം വിറ്റഴിക്കാനായിരുന്നു ഇയാളുടെ പദ്ധതിയെന്ന്…

രണ്ട് എംഎൽഎമാർക്ക് കൊവിഡ് സ്ഥിരീകരിച്ചതിനെ തുടർന്ന് ഇവരുമായി സമ്പർക്കത്തിൽ വന്ന പഞ്ചാബ് മുഖ്യമന്ത്രി അമരീന്ദർ സിംഗ് സ്വയം നിരീക്ഷണത്തിൽ പോയി. ഏഴ് ദിവസത്തെ ക്വാറന്റൈനിലാണ് മുഖ്യമന്ത്രി പ്രവേശിച്ചത്. കൊവിഡ് സ്ഥിരീകരിച്ച രണ്ട് എംഎൽഎമാർ അടുത്തിടെ മുഖ്യമന്ത്രിയെ സന്ദർശിച്ചിരുന്നു. പഞ്ചാബിലെ 29 എംഎൽഎമാർക്കും ഒരു മന്ത്രിക്കും ഇതുവരെ കൊവിഡ് സ്ഥിരീകരിച്ചിട്ടുണ്ട്.

രാജ്യത്ത് കഴിഞ്ഞ 24 മണിക്കൂറിനിടെ 40,120 പേർക്ക് കൂടി കൊവിഡ് സ്ഥിരീകരിച്ചു. 585 പേരാണ് ഒരു ദിവസത്തിനിടെ കൊവിഡ് ബാധിച്ച് മരിച്ചത്. രാജ്യത്ത് ഇതിനോടകം 3,21,17,826 പേർക്കാണ് കൊവിഡ് സ്ഥിരീകരിച്ചത് രാജ്യത്ത് കഴിഞ്ഞ ദിവസം സ്ഥിരീകരിച്ച കേസുകളിൽ പകുതിയിൽ കൂടുതലും കേരളത്തിൽ നിന്നുള്ളതാണ്. സംസ്ഥാനത്ത് ഇന്നലെ 21,445 പേർക്കാണ് കൊവിഡ് സ്ഥിരീകരിച്ചത്. മഹാരാഷ്ട്രയിൽ 6388 പേർക്കും ആന്ധ്രയിൽ 1859 പേർക്കും തമിഴ്‌നാട്ടിൽ 1964 പേർക്കും കൊവിഡ് സ്ഥിരീകരിച്ചു രാ്യത്ത് ഇതിനോടകം 4,30,254 പേരാണ് കൊവിഡ് ബാധിച്ച് മരിച്ചത്….