‘ഹൈഡ്രജന് ബോംബ് കൈവശമുണ്ടെന്നും കരുതിയിരിക്കണമെന്നുമുള്ള പരാമര്ശം നിരുത്തരവാദപരം’; രാഹുല്ഗാന്ധിക്കെതിരെ ബിജെപി
രാഹുല്ഗാന്ധിയുടെ വോട്ടര് അധികാര് യാത്രയ്ക്കെതിരെ ബിജെപി. ഹൈഡ്രജന് ബോംബ് കൈവശമുണ്ടെന്നും ബിജെപി കരുതിയിരിക്കണം എന്നുമുള്ള രാഹുല് ഗാന്ധിയുടെ പരാമര്ശം നിരുത്തരവാദപരമെന്ന് ബിജെപി നേതാവ് രവിശങ്കര് പ്രസാദ് വിമര്ശിച്ചു. ബൂത്തുകള് പിടിച്ചെടുക്കാന് കഴിയാത്തതിനാലാണ് കോണ്ഗ്രസ് ഇപ്പോള് ബാലറ്റ് പേപ്പര് ആവശ്യപ്പെടുന്നത്. രാഹുല് ഗാന്ധി എന്തുകൊണ്ടാണ് സത്യവാങ്മൂലം സമര്പ്പിക്കാത്തതെന്നും രവിശങ്കര് പ്രസാദ് ചോദിച്ചു. അതേസമയം, വോട്ടര് അധികാര് യാത്ര വന്വിജയം എന്നാണ് കോണ്ഗ്രസിന്റെ വിലയിരുത്തല്. വോട്ടു കൊള്ളയ്ക്കും വോട്ടര്പട്ടിക പരിഷ്കരണത്തിനും എതിരെ രാജ്യവ്യാപക പ്രതിഷേധം നടത്താനാണ് ഇന്ത്യ സഖ്യത്തിന്റെയും നീക്കം….