മുല്ലപ്പെരിയാര്‍ ഡാമിലെ ജലനിരപ്പ് അനുവദിനീയ സംഭരണശേഷിയായ 142 അടിയിലേക്ക് ഉയര്‍ന്നു. ഇതോടെ അണക്കെട്ടിന്റെ ഒമ്പത് ഷട്ടറുകളും ഉയര്‍ത്തി. നീരൊഴുക്ക് വര്‍ധിച്ച സാഹചര്യത്തില്‍ പെരിയാറിന്റെ തീരത്തുള്ളവര്‍ ജാഗ്രത പാലിക്കണമെന്ന് ജില്ലാ കലക്ടര്‍ അറിയിച്ചു പെരിയാര്‍ ടൈഗര്‍ റിസര്‍വില്‍ പെയ്ത കനത്ത മഴയ്ക്ക് പിന്നാലെയാണ് അണക്കെട്ടിലേക്കുള്ള നീരൊഴുക്ക് വര്‍ധിച്ചത്. ഇന്നലെ രാത്രിയില്‍ 141.9 അടിയായിരുന്നു ജലനിരപ്പ്. ഇ്‌ന് രാവിലെയോടെ 142 അടിയിലേക്ക് എത്തിയതോടെയാണ് തമിഴ്‌നാട് ഷട്ടറുകള്‍ തുറന്നത്.

പാലക്കാട് ചെറാട് എലിച്ചിരം കുറുമ്പാച്ചി മലയിൽ കാൽവഴുതി വീണ് കുടുങ്ങിയ യുവാവിനെ രക്ഷപ്പെടുത്താനുള്ള ശ്രമം തുടരുന്നു. രക്ഷാപ്രവർത്തനത്തിനെത്തിയ ഹെലികോപ്റ്റർ നിരീക്ഷണത്തിന് ശേഷം മടങ്ങി. യുവാവ് കുടുങ്ങിക്കിടക്കുന്ന മലയിടുക്കിൽ എത്താൻ ബുദ്ധിമുട്ടാണെന്ന് കണ്ടതോടെയാണ് ഹെലികോപ്റ്റർ മടങ്ങിയത്. മലമ്പുഴ ചെറാട് സ്വദേശി ആർ ബാബു(23)ആണ് മലയിടുക്കിൽ കുടുങ്ങിയത് അപകടം നടന്ന് 24 മണിക്കൂർ പിന്നിട്ടിട്ടും യുവാവിനെ രക്ഷപ്പെടുത്താൻ സാധിക്കാത്തത് വലിയ ആശങ്ക സൃഷ്ടിക്കുന്നുണ്ട്.  മലയുടെ ചെങ്കുത്തായ ഭാഗത്താണ് യുവാവ് കുടുങ്ങിക്കിടക്കുന്നത്. ദേശീയ ദുരന്ത നിവാരണ സേന അടക്കം സ്ഥലത്ത് എത്തിയിട്ടുണ്ടെങ്കിലും…

വാക്‌സിനെടുക്കാതെ സ്‌കൂളിൽ വരരുതെന്നാണ് സർക്കാർ മാർഗരേഖയെങ്കിലും അയ്യായിരത്തിലധികം അധ്യാപകർ വാക്‌സിനെടുക്കാത്തവരാണെന്ന് പൊതുവിദ്യാഭ്യാസ മന്ത്രി വി ശിവൻകുട്ടി. വാക്‌സിനെടുക്കാത്ത അധ്യാപകരോട് അനുഭാവപൂർണമായ നിലപാടാണ് സർക്കാർ സ്വീകരിച്ചതെങ്കിലും വിദ്യാർഥികളുടെ ആരോഗ്യത്തിനാണ് മുൻഗണനയെന്ന് മന്ത്രി വ്യക്തമാക്കി. പുതിയ വകഭേദം കണ്ടെത്തിയ സാഹചര്യത്തിൽ മുൻകരുതൽ ശക്തമാക്കണമെന്നും വാക്സിൻ എടുക്കാതിരിക്കുന്നത് ഒരു തരത്തിലും ഗവൺമെന്റ് പ്രോത്സാഹിപ്പിക്കില്ലെന്നും മന്ത്രി ഓർമിപ്പിച്ചു. സ്‌കൂളുകളുടെ സമയം നീട്ടുന്നതിൽ ഉടൻ തീരുമാനമുണ്ടാകുമെന്നും നല്ല രീതിയിലാണ് ക്ലാസുകൾ മുന്നോട്ട് പോകുന്നതെന്നും അദ്ദേഹം പറഞ്ഞു. വാക്സിനേഷൻ ചെയ്യാത്ത അധ്യാപകരെ സ്‌കൂളിൽ എത്താൻ അധികൃതർ…

  തിരുവന്തപുരത്ത് നിർത്തിയിട്ട മിനി ലോറിക്ക് പിന്നിൽ പിക്കപ് വാനിടിച്ച് ഒരാൾ മരിച്ചു. കുളത്തൂപ്പുഴ ചോഴിയക്കോട് സ്വദേശി നൗഷാദ്(44)ആണ് മരിച്ചത്. ഇന്ന് പുലർച്ചെയായിരുന്നു അപകടം. ലോഡ് ഇറക്കുന്നതിനിടെ നിയന്ത്രണം വിട്ട പിക്കപ് വാൻ ലോറിയുടെ പുറകിൽ ഇടിക്കുകയായിരുന്നു. ഇടിയുടെ ആഘാതത്തിൽ വാനിൽ കുടുങ്ങിപ്പോയ നൗഷാദിനെ പോലീസും ഫയർ ഫോഴ്‌സും ചേർന്ന് വാഹനം വെട്ടിപ്പൊളിച്ചാണ് പുറത്തെടുത്തത്. ആശുപത്രിയിലേക്ക് എത്തിക്കും മുമ്പ് തന്നെ യുവാവ് മരിച്ചിരുന്നു.

സ്വർണക്കടത്ത് കേസ് പ്രതി സന്ദീപ് നായരുടെ സ്ഥാപനത്തിൽ കസ്റ്റംസ് റെയ്ഡ് നടത്തുന്നു. തിരുവനന്തപുരം നെടുമങ്ങാടുള്ള കാർബൺ ഡോക്ടർ എന്ന സ്ഥാപനത്തിലാണ് റെയ്ഡ്. സ്വർണക്കടത്ത് കേസിൽ നാലാം പ്രതിയാണ് സന്ദീപ് നായർ കേസിലെ മുഖ്യ ആസൂത്രകയായ സ്വപ്‌ന സുരേഷിനൊപ്പം ബംഗളൂരുവിൽ വെച്ചാണ് സന്ദീപിനെ എൻ ഐ എ സംഘം പിടികൂടിയത്. വിമാനത്താവളത്തിൽ നിന്ന് പലതവണയായി പുറത്തെത്തിച്ച സ്വർണം പ്രതികൾ വിവിധ ഇടങ്ങളിൽ സൂക്ഷിച്ചതായാണ് സൂചന. ഇതിന്റെ കൂടി അടിസ്ഥാനത്തിലാണ് റെയ്ഡ് നടക്കുന്നത്.

  സംസ്ഥാനത്ത് കൊവിഡ് കേസുകളുടെ എണ്ണം ദിനംപ്രതി കുതിച്ചുയരുന്ന സാഹചര്യത്തിൽ സ്‌കൂളുകളുടെ പ്രവർത്തനത്തിൽ നിയന്ത്രണം വന്നേക്കും. ഇന്ന് മുഖ്യമന്ത്രിയുടെ അധ്യക്ഷതയിൽ കൊവിഡ് അവലോകന യോഗം ചേരുന്നുണ്ട്. വിദ്യാഭ്യാസ മന്ത്രിയെയും യോഗത്തിലേക്ക് വിളിപ്പിച്ചിട്ടുണ്ട് രണ്ടായിരത്തിൽ താഴെയായിരുന്ന പ്രതിദിന വർധനവ് നിലവിൽ ആറായിരത്തിനും മുകളിലാണ്. ആശുപത്രികളിൽ പ്രവേശിക്കപ്പെടുന്നവരുടെ എണ്ണത്തിലും വർധനവുണ്ട്. ഇതിനൊപ്പം ഒമിക്രോണും വ്യാപിക്കുന്നത് സർക്കാർ ആശങ്കയോടെയാണ് കാണുന്നത്. ഈ സാഹചര്യത്തിലാണ് സ്‌കൂളുകളുടെ പ്രവർത്തനത്തിൽ നിയന്ത്രണം വേണമോയെന്ന കാര്യം ആലോചിക്കുന്നത് കുട്ടികളിൽ രോഗം ഗുരുതരമാകാനുള്ള സാധ്യത കുറവാണെങ്കിലും കൊവിഡ് പടരാതിരിക്കാനുള്ള…