ന്യൂഡല്‍ഹി: ഇസ്‌റായേലി ചാര സോഫ്റ്റവെയറായ പെഗാസസ് ഉപയോഗിച്ച് ഫോണ്‍ ചോര്‍ത്തിയതുമായി ബന്ധപ്പെട്ട ഹരജികളിന്മേല്‍ സമഗ്രമായ ഉത്തരവ് അടുത്തയാഴ്ച പുറപ്പെടുവിക്കുമെന്ന് സുപ്രീംകോടതി. അതുവരെ പശ്ചിമ ബംഗാള്‍ ഉത്തരവിട്ട രണ്ടംഗ കമ്മീഷന്റെ അന്വേഷണം നടത്തരുതെന്ന് സുപ്രീം കോടതിനിര്‍ദ്ദേശിച്ചു. ഗ്ലോബല്‍ വില്ലേജ് ഫൗണ്ടേഷന്‍ പബ്ലിക് ചാരിറ്റബിള്‍ ട്രസ്റ്റ് എന്ന സന്നദ്ധ സംഘടനയാണ് ബംഗാളിന്റെ അന്വേഷണ കമ്മീഷന് എതിരെ ഹര്‍ജി നല്‍കിയത്.
പെഗാസസില്‍ അന്വേഷണം ആവശ്യപ്പെട്ട് നല്‍കിയ മറ്റ് ഹരജികള്‍ക്കൊപ്പം ഇതും പരിഗണിക്കുമെന്നും സുപ്രീം കോടതി വ്യക്തമാക്കി.സുപ്രീം കോടതി വിധി വരുന്നത് വരെ ബംഗാള്‍ സര്‍ക്കാര്‍ നിയോഗിച്ച കമ്മീഷന് അന്വേഷണം നടത്തരുതെന്ന് ഹരജിക്കാര്‍ക്ക് വേണ്ടി ഹാജരായ ഹരീഷ് സാല്‍വെ ആവശ്യപ്പെട്ടു. ഇത് അംഗീകരിച്ച കോടതി സമഗ്രമായ ഉത്തരവ് പുറപ്പെടുവിക്കുന്നത് വരെ അന്വേഷണം നടത്താന്‍ പാടില്ലെന്നുംഅങ്ങനെ നടന്നാല്‍ ഇടപെടേണ്ടിവരുമെന്നും സൂചിപ്പിച്ചു. തുടര്‍ന്ന് അന്വേഷണം ആരംഭിക്കില്ലെന്ന് ബംഗാള്‍ സര്‍ക്കാര്‍ ഉറപ്പു നല്‍കി.
Read More
ഹാത്രാസ് സംഭവം: സുപ്രീം കോടതി മേൽനോട്ടത്തിൽ അന്വേഷണം വേണമെന്ന ഹർജി നാളെ പരിഗണിക്കും
സർക്കാർ ഉദ്യോഗസ്ഥരെ സംസ്ഥാന തെരഞ്ഞെടുപ്പ് കമ്മീഷണർമാരായി നിയമിക്കരുതെന്ന് സുപ്രീം കോടതി
ഹാത്രാസ് കേസ് ഞെട്ടലുണ്ടാക്കുന്നതെന്ന് സുപ്രീം കോടതി; ശക്തമായ ഇടപെടലുണ്ടാകുമെന്ന സൂചനയുമായി ചീഫ് ജസ്റ്റിസ്
പാലാരിവട്ടം പാലം പൊളിച്ചുപണിയാമെന്ന് സുപ്രീം കോടതി; സംസ്ഥാന സർക്കാരിന്റെ ആവശ്യം അംഗീകരിച്ചു
