ഹത്രാസ് പീഡനം: അന്വേഷണ ഉദ്യോഗസ്ഥരെ വിളിപ്പിച്ച ഹൈക്കോടതി നടപടി പ്രതീക്ഷയുടെ കിരണം നൽകുന്നതെന്ന് പ്രിയങ്ക ഗാന്ധി

കോടതിയുടേത് ശക്തവും പ്രതീക്ഷ നൽകുന്നതുമായ ഇടപെടലാണെന്ന് പ്രിയങ്ക ഗാന്ധി പറഞ്ഞു. പ്രതീക്ഷയുടെ കിരണമാണിത്. ഹത്രാസ് കേസിൽ സംഭവിച്ച കാര്യങ്ങൾ മനസ്സിലാക്കി കൊണ്ടാണ് അന്വേഷണ ഉദ്യോഗസ്ഥരെ കോടതി തന്നെ നേരിട്ട് വിളിപ്പിച്ചിരിക്കുന്നതെന്നും പ്രിയങ്ക ഗാന്ധി പ്രതികരിച്ചു

പെൺകുട്ടിയുടെ കുടുംബത്തിന്റെ സമ്മതമില്ലാതെ മൃതദേഹം ബലമായി കൊണ്ടുപോയി സംസ്‌ക്കരിച്ച യു.പി പൊലീസിന്റെ നടപടിക്കെതിരെ വ്യാപക പ്രതിഷേധം ഉയർന്നിരുന്നു. തെളിവ് നശിപ്പിക്കുന്നതിന്റെ ഭാഗമായിട്ടാണ് ഇതെന്ന് കുടുംബം ആരോപിച്ചിരുന്നു.