കൊവിഡിന്റെ രണ്ടാംതരംഗത്തിൽ വലയുന്ന ഇന്ത്യക്ക് സഹായ ഹസ്തവുമായി ന്യൂസിലാൻഡ്. ഇന്റർനാഷണൽ ഫെഡറേഷൻ ഓഫ് ദ റെഡ് ക്രോസ് വഴിയാണ് സഹായമെത്തിക്കുക. ഇന്ത്യയിലെ കൊവിഡ് പ്രതിരോധ പ്രവർത്തനങ്ങൾക്കായി പത്ത് ലക്ഷം ന്യൂസിലാൻഡ് ഡോളർ ഐഎഫ്ആർസിക്ക് കൈമാറും. ദുരിതകാലത്ത് ന്യൂസിലാൻഡ് ഇന്ത്യക്കൊപ്പം നൽകുമെന്ന് വിദേശകാര്യ മന്ത്രി നനൈയ മഹൂത അറിയിച്ചു. ജീവനുകൾ രക്ഷിക്കാൻ പ്രയത്‌നിക്കുന്ന ഇന്ത്യയിലെ ആരോഗ്യപ്രവർത്തകരെ അഭിനന്ദിക്കുന്നതായും അവർ പറഞ്ഞു.
ന്യൂയോർക്ക്: ബഹിരാകാശ സഞ്ചാരിയായ മൈക്കിൾ കോളിൻസ് അന്തരിച്ചു. ക്യാൻസർ ബാധിതനായി ചികിത്സയിലിരിക്കവെയാണ് അന്ത്യം. 90 വയസായിരുന്നു. കുടുംബമാണ് അദ്ദേഹത്തിന്റെ മരണവാർത്ത പുറത്തുവിട്ടത്. ട്വിറ്ററിലൂടെയായിരുന്നു കുടുംബാംഗങ്ങൾ ഇക്കാര്യം അറിയിച്ചത്. മനുഷ്യൻ ആദ്യമായി ചന്ദ്രനിൽ കാലുകുത്തിയ അപ്പോളോ 11 ദൗത്യത്തിലെ അംഗമായിരുന്നു മൈക്കിൾ കൊളിൻസ്. നീൽ ആംസ്‌ട്രോങ്, എഡ്വിൻ ആൽഡ്രിൻ എന്നിവരായിരുന്നു അപ്പോളോ ദൗത്യസംഘത്തിലെ മറ്റംഗങ്ങൾ. 1969 ജൂലൈ മാസത്തിലാണ് ബഹിരാകാശ മേഖലയിൽ ഈ സുപ്രധാന നേട്ടം കരസ്ഥമാക്കിയത്. നീൽ ആംസ്‌ട്രോങ്ങും എഡ്വിൻ ആൽഡ്രിനും ചന്ദ്രനിലിറങ്ങി ചരിത്ര നേട്ടം…
കൊവിഡിനെതിരായ പോരാട്ടത്തിൽ ഇന്ത്യക്ക് പൂർണ പിന്തുണ അറിയിച്ച് അമേരിക്കൻ പ്രസിഡന്റ് ജോ ബൈഡൻ. അവശ്യഘട്ടത്തിൽ ഇന്ത്യ തങ്ങൾക്കൊപ്പമുണ്ടായിരുന്നു. അതിനാൽ ഈ ഘട്ടത്തിൽ ഇന്ത്യക്കൊപ്പം ഞങ്ങളുമുണ്ടാകും എന്നായിരുന്നു ബൈഡന്റെ ട്വീറ്റ്. ഇന്ത്യയിലേക്ക് വൈദ്യസഹായം എത്തിക്കുന്നതിനായി യുദ്ധകാലാടിസ്ഥാനത്തിൽ പ്രവർത്തിക്കുകയാണെന്ന് പെന്റഗണും അറിയിച്ചു. ഓക്‌സിജൻ ഉപകരണങ്ങൾ, ദ്രുതപരിശോധനാ കിറ്റുകൾ എന്നിവയടങ്ങിയ അമേരിക്കൻ വൈദ്യസഹായം അടുത്ത ദിവസങ്ങൾക്കുള്ളിൽ തന്നെ ഇന്ത്യയിലെത്തുമെന്നും യുഎസ് വ്യക്തമാക്കി ഞങ്ങളുടെ അധികാരപരിധിക്കുള്ളിൽ നിന്നുകൊണ്ട് നൽകാവുന്ന ഏതൊരു പിന്തുണയും ഇന്ത്യക്ക് നൽകുന്നുണ്ട്. മുന്നോട്ടുള്ള ദിവസങ്ങളിലും കൂട്ടായ പരിശ്രമങ്ങൾ പരസ്പരം…
കൊവിഡ് വ്യാപനത്തിൽ നട്ടം തിരിയുന്ന ഇന്ത്യക്ക് ഗൂഗിളിന്റെ പിന്തുണ. ഓക്‌സിജനും പരിശോധനാ കിറ്റുകളും അടക്കമുള്ള മെഡിക്കൽ ഉപകരണങ്ങൾ ഉൾപ്പെടെ 135 കോടി രൂപയുടെ സഹായം ഗൂഗിൾ പ്രഖ്യാപിച്ചു. ഗൂഗിൾ സിഇഒ സുന്ദർ പിച്ചെയാണ് ഇക്കാര്യം ട്വിറ്ററിലൂടെ അറിയിച്ചത്. പ്രതിസന്ധി നേരിടുന്ന കുടുംബങ്ങൾക്ക് ദൈനംദിന ചെലവുകൾക്കായി പണം നൽകി സഹായം നൽകും. യൂനിസെഫ് വഴി ഓക്‌സിജനും പരിശോധനാ ഉപകരണങ്ങളും ഉൾപ്പെടെയുള്ള അടിയന്തര വൈദ്യസഹായങ്ങൾ ഇന്ത്യയിൽ ഏറ്റവും ആവശ്യമുള്ള ഇടങ്ങളിലേക്ക് എത്തിക്കുമെന്ന് ഗൂഗിളിന്റെ ഇന്ത്യയിലെ മേധാവി സഞ്ജയ് ഗുപ്ത…
ഇന്ത്യയിൽ നിന്നുള്ള വിമാനങ്ങൾക്ക് പ്രവേശന വിലക്കേർപ്പെടുത്തി യുഎഇ. രാജ്യത്തെ എല്ലാ വിമാനത്താവളങ്ങളിലും ഇന്ത്യയിൽ നിന്നുള്ള വിമാനങ്ങൾക്ക് വിലക്ക് ഏർപ്പെടുത്തി. ഏപ്രിൽ 24 മുതൽ മെയ് 4 വരെ പത്ത് ദിവസത്തേക്കാണ് വിലക്കേർപ്പെടുത്തിയിട്ടുള്ളത് സ്ഥിതിഗതികൾ വിലയിരുത്തിയ ശേഷം തീരുമാനം പുനഃപരിശോധിക്കും. കഴിഞ്ഞ 14 ദിവസം ഇന്ത്യയിൽ തങ്ങുകയോ ഇതുവഴി ട്രാൻസിറ്റ് ചെയ്യുകയോ ചെയ്ത യാത്രക്കാരെയും യുഎഇയിലേക്ക് വരാൻ അനുവദിക്കില്ല. ഇന്ത്യയിൽ കൊവിഡ് കേസുകൾ വർധിക്കുന്ന സാഹചര്യത്തിലാണ് തീരുമാനം
പാക്കിസ്ഥാനിലെ ക്വറ്റയിൽ ചൈനീസ് അംബാസിഡർ താമസിച്ചിരുന്ന ഹോട്ടലിന് നേരെ ഭീകരാക്രമണം. ബോംബ് സ്‌ഫോടനത്തിൽ നാല് പേർ കൊല്ലപ്പെട്ടു. 11 പേർക്ക് ഗുരുതരമായി പരുക്കേറ്റിട്ടുണ്ട്. ഹോട്ടലിന്റെ പാർക്കിംഗ് ഏരിയയിൽ നിർത്തിയിട്ടിരുന്ന കാർ പൊട്ടിത്തെറിക്കുകയായിരുന്നു ക്വറ്റയിലെ ഏറ്റവും വലിയ ആഡംബര ഹോട്ടലായ സെറീന ഹോട്ടലിലാണ് ആക്രമണം നടന്നത്. പാക് താലിബാൻ ആക്രമണത്തിന്റെ ഉത്തരവാദിത്വം ഏറ്റെടുത്തു. ചൈനീസ് അംബാസിഡറെ ലക്ഷ്യമിട്ടായിരുന്നു ആക്രമണം.
അമേരിക്കയിലെ ജോർജ് ഫ്‌ളോയിഡിന്റെ കൊലപാതകത്തിൽ പോലീസുദ്യോഗസ്ഥനായ ഡെറിക് ഷോവിൻ കുറ്റക്കാരനെന്ന് കണ്ടെത്തി. ഷോവിനെതിരെ ചുമത്തിയ മൂന്ന് കുറ്റങ്ങളും തെളിഞ്ഞതായി കോടതി നിരീക്ഷിച്ചു ഇയാൾക്കുള്ള ശിക്ഷ രണ്ട് മാസത്തിനുള്ളിൽ വിധിക്കും. മൂന്ന് കുറ്റങ്ങളിലായി ഷോവിന് 75 വർഷം വരെ തടവുശിക്ഷ ലഭിക്കാം. 2020 മെയ് 25നാണ് കറുത്ത വർഗക്കാരനായ ജോർജ് ഫ്‌ളോയിഡിനെ കഴുത്തിൽ കാൽമുട്ട് അമർത്തി ഷോവിൻ ശ്വാസം മുട്ടിച്ച് കൊലപ്പെടുത്തിയത്.
വാഷിംഗ്ടൺ: ബഹിരാകാശ പര്യവേഷണത്തിൽ നിർണായക നേട്ടം കരസ്ഥമാക്കി നാസ. പെർസിവിയറൻസ് റോവറിനൊപ്പം നാസ വിക്ഷേപിച്ച ഇൻജെന്യൂയിറ്റി മാർസ് ഹെലികോപ്റ്ററിന്റെ ആദ്യ പറക്കൽ വിജയകരമായി പൂർത്തിയാക്കി. മറ്റൊരു ഗ്രഹത്തിൽ മനുഷ്യൻ നിയന്ത്രിച്ച് പറത്തുന്ന ആദ്യ വാഹനമാണ് ഇൻജെന്യൂനിറ്റി. ഹെലികോപ്റ്റർ ചൊവ്വയിൽ പരീക്ഷണ പറക്കൽ നടത്തുന്നതിന്റെ തത്സമയ ദൃശ്യങ്ങൾ നാസ പുറത്തുവിട്ടിരുന്നു. സൗരോർജത്തിലാണ് ഹെലികോപ്റ്ററിന്റെ പ്രവർത്തനം. 30 മീറ്റർ ഉയരത്തിൽ പറന്നുയർന്ന 30 സെക്കന്റ് നേരം ഉയർന്നു നിന്ന ശേഷം സുരക്ഷിതമായി താഴെയിറങ്ങുകയായിരുന്നു. നാസയുടെ ജെറ്റ് പ്രൊപ്പൽഷൻ ലബോറട്ടറി വികസിപ്പിച്ച…
ക്യൂബൻ കമ്മ്യൂണിസ്റ്റ് പാർട്ടിയുടെ ജനറൽ സെക്രട്ടറിയായി മിഗുവേൽ മാരിയോ ഡയസ് കാനലിനെ തെരഞ്ഞെടുത്തു. പാർട്ടിയുടെ എട്ടാമത് സമ്മേളനത്തിൽ വെച്ചാണ് കാനലിനെ നേതൃസ്ഥാനത്തേക്ക് തെരഞ്ഞെടുത്തത്. ക്യൂബൻ പ്രസിഡന്റ് റൗൾ കാസ്‌ട്രോ അടുത്തിടെ പാർട്ടി ജനറൽ സെക്രട്ടറി പദവി ഒഴിഞ്ഞിരുന്നു. കാനൽ 1994 മുതൽ 2003 വരെ വില്ലാ ക്ലാര പ്രൊവിൻസിലെ കമ്മ്യൂണിറ്റി നേതാവായി പ്രവർത്തിച്ചിരുന്നു. പിന്നീട് ക്യൂബൻ പോളിറ്റ് ബ്യൂറോയിലേക്ക് തെരഞ്ഞെടുക്കപ്പെട്ടു. 2009-12 കാലത്ത് വിദ്യാഭ്യാസ മന്ത്രിയായി പ്രവർത്തിച്ചു.
റെഡ് ലിസ്റ്റില്‍ ഇന്ത്യയെയും ഉള്‍പ്പെടുത്തി ബ്രിട്ടന്‍. ഇന്ത്യയില്‍ നിന്ന് മടങ്ങിയെത്തിയ 103പേര്‍ക്ക് വകഭേദം സംഭവിച്ച കോവിഡ് വൈറസ് സ്ഥിരീകരിച്ച സാഹചര്യത്തിലാണ് നടപടിയെന്ന് ബ്രിട്ടീഷ് ആരോഗ്യ സെക്രട്ടറി വ്യക്തമാക്കി. യാത്രാവിലക്കുള്ള രാജ്യങ്ങളുടെ പട്ടികയാണ് റെഡ് ലിസ്റ്റ്. ഇനിയൊരു അറിയിപ്പുണ്ടാകുന്നതുവരെ ബ്രിട്ടീഷ് പൗരര്‍ അല്ലാതെ ഇന്ത്യയില്‍ നിന്ന് ആരേയും ബ്രിട്ടനിലേക്ക് പ്രവേശിപ്പിക്കില്ലെന്നും ആരോഗ്യ സെക്രട്ടറി മറ്റ് ഹാന്‍കോക് പറഞ്ഞു. ഇന്ത്യയില്‍ നിന്ന് വരുന്ന യുകെ സ്വദേശികള്‍ പത്തുദിവസം ക്വാറന്റൈനില്‍ കഴിയണം.