ലാറ്റിനമേരിക്കൻ രാജ്യമായ പെറുവിൽ ബോട്ടുകൾ കൂട്ടിയിടിച്ചുണ്ടായ അപകടത്തിൽ 11 പേർ മരിച്ചു. യൂറിമാഗുവാസ് ജില്ലയിലെ ഹുവാല്ലഗ നദിയിലാണ് അപകടമുണ്ടായത്. നിരവധി പേരെ അപകടത്തിൽ കാണാതായതായി പെറു ആരോഗ്യമന്ത്രാലയം അറിയിച്ചു. 80 യാത്രക്കാരുമായി സാന്റാ മരിയയിൽ നിന്ന് യൂറിമാഗുവാസിലേക്ക് യാത്ര തിരിച്ച ബാർജാണ് യന്ത്രബോട്ടുമായി കൂട്ടിയിടിച്ചത്. നാവികസേനയും എമർജൻസി ഓപറേഷൻസ് ടീമും അപകടസ്ഥലത്ത് എത്തി രക്ഷാപ്രവർത്തനം നടത്തി.
താലിബാനുമായി സഹകരിക്കണമെന്ന് അമേരിക്കയോട് നിർദേശിച്ച് ചൈന. അഫ്ഗാനിസ്ഥാനിലെ സ്ഥിതി അടിസ്ഥാനപരമായ മാറ്റത്തിന് വിധേയമായിട്ടുണ്ട്. അതുകൊണ്ട് തന്നെ എല്ലാവരും താലിബാനുമായി ബന്ധം സ്ഥാപിക്കണം. അഫ്ഗാനിൽ നിന്ന് സൈന്യത്തെ പിൻവലിക്കുന്നത് തീവ്രവാദ ഗ്രൂപ്പുകളുടെ പുനരുജ്ജീവനത്തിന് അവസരം നൽകുമെന്നും ചൈന പറഞ്ഞു ചൈനീസ് വിദേശകാര്യ മന്ത്രി വാങ് യിയും അമേരിക്കൻ സ്റ്റേറ്റ് സെക്രട്ടറി ആന്റണി ബ്ലിങ്കനും തമ്മിൽ നടന്ന ടെലിഫോൺ സംഭാഷണത്തിനിടെയാണ് ഇക്കാര്യം ചർച്ചയായത്. അഫ്ഗാനിൽ നിന്നുള്ള യു എസ് സേനയുടെ പിൻമാറ്റത്തിനുള്ള സമയപരിധി ഓഗസ്റ്റ് 31ന് അവസാനിക്കാനിരിക്കെയാണ് അമേരിക്ക-ചൈന ചർച്ച…
കാബൂള്‍: സ്റ്റുഡിയോയിയില്‍ ആയുധമേന്തി നില്‍ക്കുന്ന താലിബാന്‍ സംഘത്തിന് മുന്നിലിരുന്ന് വാര്‍ത്ത വായിക്കുന്ന വാര്‍ത്താവതാരകന്‍. അഫ്ഗാനിസ്താനിലെ ഒരു വാര്‍ത്താ ചാനലില്‍നിന്നുള്ള വീഡിയോ സാമൂഹിക മാധ്യമങ്ങളില്‍ വൈറലാവുകയാണ്. ഭയക്കേണ്ടതില്ലെന്ന് ഭയചകിതമായ മുഖത്തോടെ വാര്‍ത്താവതാരകന്‍ പറയുന്നതും വീഡിയോയില്‍ കാണാം. ഇറാനിയന്‍ മാധ്യമപ്രവര്‍ത്തകയും ആക്ടിവിസ്റ്റുമായ മാസിഹ് അലിനെജാദാണ് ഈ വീഡിയോ ട്വിറ്ററില്‍ പങ്കുവെച്ചിരിക്കുന്നത്. തോക്കേന്തിയ താലിബാന്‍ സംഘം പിന്നില്‍നില്‍ക്കുകയും അഫ്ഗാനിലെ ജനങ്ങള്‍ ഇസ്ലാമിക് എമിറേറ്റിനെ ഭയപ്പെടേണ്ടതില്ലെന്ന് വാര്‍ത്താവായനക്കാരനെ കൊണ്ട് പറയിപ്പിക്കുകയുമാണെന്ന് മാസിഹ് ട്വീറ്റില്‍ പറയുന്നു. ദശലക്ഷക്കണക്കിനാളുകളുടെ മനസ്സില്‍ താലിബാന്‍ ഭയത്തിന്റെ മറ്റൊരു…
ഇന്ത്യയുമായി നല്ല ബന്ധമുണ്ടാക്കാനാണ് ശ്രമമെന്ന് താലിബാൻ. സാംസ്‌കാരിക, സാമ്പത്തിക, രാഷ്ട്രീയ മേഖലകളിൽ ഇന്ത്യയുമായുള്ള ബന്ധം പ്രധാനമാണ്. ഇതിനായുള്ള ശ്രമം നടക്കുകയാണെനന്ന് താലിബാൻ ഉപമേധാവി ഷേർ മുഹമ്മദ് അബ്ബാസ് നെക്‌സായി ദോഹയിൽ പറഞ്ഞു. താലിബാൻ നിയന്ത്രണത്തിൽ വരുന്നതിന് മുമ്പ് അഫ്ഗാനുമായി നല്ല ബന്ധമാണ് ഇന്ത്യക്കുണ്ടായിരുന്നത്. താലിബാനോടുള്ള ഇന്ത്യയുടെ സമീപനമെന്തായിരിക്കുമെന്ന് അന്താരാഷ്ട്ര സമൂഹം തന്നെ ഉറ്റുനോക്കുമ്പോഴാണ് താലിബാന്റെ പ്രതികരണം വരുന്നത്.
കാബൂള്‍: ഇരുന്നൂറോളം പേരുടെ മരണത്തിനിടയാക്കിയ ഇരട്ട സ്‌ഫോടനത്തിന് പിന്നാലെ കാബൂളില്‍ വീണ്ടും സ്‌ഫോടനം. ജനവാസ മേഖലയിൽ നടന്ന ആക്രമണത്തിൽ ഒരു കുട്ടിയടക്കം രണ്ടു പേര്‍ മരിച്ചതായാണ് പ്രാഥമിക വിവരം. മൂന്ന് പേര്‍ക്ക് പരിക്കേല്‍ക്കുകയും ചെയ്തു. മോട്ടോര്‍ ഷെല്ലോ റോക്കറ്റോ ഉപയോഗിച്ചാണ് ആക്രമണമെന്ന് വാർത്താ ഏജൻസികൾ റിപ്പോർട്ട് ചെയ്യുന്നു. കാബൂളിൽ വീണ്ടും ഭീകരാക്രമണത്തിന് സാധ്യതയുണ്ടെന്ന് അമേരിക്കന്‍ പ്രസിഡന്റ് ജോ ബൈഡന്റ് മുന്നറിയിപ്പ് നൽകി മണിക്കൂറുകൾ പിന്നിടും മുമ്പാണ് ആക്രമണം. കാബൂൾ വിമാനത്താവള പരിസരത്ത് വ്യാഴാഴ്ചയുണ്ടായ ചാവേർ സ്ഫോടന…
അഫ്ഗാനിസ്ഥാനിൽ കുടുങ്ങിയവരെ തിരികെ എത്തിക്കാൻ അമേരിക്കയുടെ സഹായം ഇന്ത്യ വീണ്ടും തേടി. ഇരുപതിലധികം പേരെ തിരികെ എത്തിക്കാനാണ് യു എസ് സഹായം തേടിയത്. താലിബാൻ വഴിയിൽ തടഞ്ഞതിനെ തുടർന്ന് 20 ഇന്ത്യക്കാർക്ക് വിമാനത്താവളത്തിൽ എത്താൻ സാധിച്ചിരുന്നില്ല ഇവരെ തിരികെ എത്തിക്കാനാണ് സർക്കാർ ശ്രമം. ഇതുവരെ 550 പേരെയാണ് കാബൂളിൽ നിന്ന് ഇന്ത്യയിലേക്ക് തിരികെ കൊണ്ടുവരാനായത്.
170 പേരുടെ മരണത്തിനിടയാക്കിയ ചാവേറാക്രമണത്തിന് പിന്നാലെ കാബൂൾ വിമാനത്താവളത്തിൽ വീണ്ടും ആക്രമണം നടക്കാൻ സാധ്യതയുണ്ടെന്ന് അമേരിക്കൻ പ്രസിഡന്റ് ജോ ബൈഡൻ. അടുത്ത 36 മണിക്കൂറിനുള്ളിൽ വിമാനത്താവളം ആക്രമിക്കപ്പെടാൻ സാധ്യതയുണ്ടെന്നാണ് മുന്നറിയിപ്പ്. കഴിഞ്ഞാഴ്ച നടന്ന വിമാനത്താവള ആക്രമണത്തിന്റെ സൂത്രധാരനായ ഇസ്ലാമിക് സ്റ്റേറ്റ് തീവ്രവാദിയെ അമേരിക്ക ഡ്രോൺ ആക്രമണത്തിലൂടെ വധിച്ചിരുന്നു. നംഗർഹാർ പ്രവിശ്യയിൽ നടത്തിയ ആക്രമണത്തിലാണ് ഇസ്ലാമിക് സ്റ്റേറ്റ് ഭീകരനെ വധിച്ചത്.
കാബൂള്‍: കാബൂള്‍ വിമാനത്താവളത്തിന് പുറത്ത് നൂറോളം പേരുടെ മരണത്തിനിടയാക്കിയ ചാവേര്‍ സ്‌ഫോടനം നടന്നതിന്റെ ഞെട്ടൽ മാറാതെ അഫ്ഗാനിസ്ഥാനിലെ ജനങ്ങള്‍. താലിബാന്റെ പക്കല്‍ നിന്ന് രക്ഷപ്പെടാനുള്ള നെട്ടോട്ടത്തിനിടെ ഉണ്ടായ സ്‌ഫോടനത്തെ ഭീതിയോടെയാണ് ദൃക്‌സാക്ഷികള്‍ ഓര്‍ത്തെടുക്കുന്നത്. കണ്‍മുന്നില്‍ ആളുകള്‍ പിടഞ്ഞുവീണു മരിച്ച സംഭവം ഓര്‍ത്തെടുക്കുകയാണ് ദൃക്‌സാക്ഷിയായ കാള്‍. അഫ്ഗാനില്‍ നിന്ന് രക്ഷപ്പെടാനായി വിമാനത്താവളത്തിന് പുറത്ത് കാത്തുനില്‍ക്കുമ്പോഴാണ് സ്‌ഫോടനം നടന്നതെന്ന് കാൾ പറഞ്ഞു. അഫ്ഗാനില്‍ നിന്ന് രക്ഷപ്പെടാനായി വിമാനത്താവളത്തിന് പുറത്ത് കാത്തുനില്‍ക്കുമ്പോഴാണ് സ്‌ഫോടനം നടന്നതെന്ന് കാള്‍ പറഞ്ഞു. ‘വിമാനത്താവളത്തിന് പുറത്ത് ഒരു…
കാബൂൾ വിമാനത്താവളത്തിൽ ഇസ്ലാമിക് സ്റ്റേറ്റ് തീവ്രവാദികൾ നടത്തിയ ചാവേർ സ്‌ഫോടനങ്ങളിൽ കൊല്ലപ്പെട്ടവരുടെ എണ്ണം 103 ആയി. ഇതിൽ 13 പേർ യു എസ് സൈനികരാണ്. കഴിഞ്ഞ ദിവസമാണ് കാബുൾ വിമാനത്താവളത്തിന് പുറത്തും സമീപത്തുമാണ് രണ്ട് ആക്രമണം നടന്നത്. ഐ എസ് ഖൊറസൈൻ എന്ന സംഘടന ആക്രമണത്തിന്റെ ഉത്തരവാദിത്വമേറ്റെടുത്തിട്ടുണ്ട്. താലിബാനുമായി ശത്രുതയുള്ള സംഘടനയാണിത്. ഇസ്ലാമിക് സ്റ്റേറ്റിന്റെ അഫ്ഗാനിസ്ഥാൻ വിഭാഗമാണ് ഐ എസ് ഖൊറസൈൻ. ആക്രമണത്തിൽ 150ലേറെ പേർക്ക് പരുക്കേറ്റിട്ടുണ്ട്. ആക്രമണം നടത്തിയവർക്ക് തക്ക തിരിച്ചടി നൽകുമെന്ന് യു എസ്…
കാബൂൾ വിമാനത്താവളത്തിന് മുന്നിൽ നടന്ന ചാവേർ സ്‌ഫോടനങ്ങളിൽ കൊല്ലപ്പെട്ടവരുടെ എണ്ണം 62 ആയി. 143 പേർക്ക് പരുക്കേറ്റു. കൊല്ലപ്പെട്ടവരിൽ 13 പേർ അമേരിക്കൻ സൈനികരാണ്. ആക്രമണങ്ങളുടെ ഉത്തരവാദിത്വം ഇസ്ലാമിക് സ്റ്റേറ്റ് ഏറ്റെടുത്തു. താലിബാനും രഹസ്യാന്വേഷണ ഏജൻസികളും ആക്രമണത്തിന് പിന്നിൽ ഐ എസ് ആണെന്ന് അറിയിച്ചിരുന്നു. കൊല്ലപ്പെട്ടവരിൽ താലിബാൻകാരുമുണ്ട്. ആക്രമിച്ചവർക്ക് മാപ്പില്ലെന്നും തിരിച്ചടിക്കുമെന്നും അമേരിക്കൻ പ്രസിഡന്റ് ജോ ബൈഡൻ അറിയിച്ചു കാബൂൾ വിമാനത്താവളത്തിലെ അബ്ബി ഗേറ്റിന് മുന്നിലാണ് ആദ്യ സ്‌ഫോടനം നടന്നത്. വിമാനത്താവളത്തിന് സമീപത്തെ ബാരൺ ഹോട്ടലിന് മുന്നിലും…