പഞ്ചാബ് ജലന്ധറിൽ അന്താരാഷ്ട്ര കബഡി താരത്തെ വെടിവെച്ചു കൊലപ്പെടുത്തി. സന്ദീപ് സിംഗ് നംഗൽ അംബിയാൻ(40)ആണ് കൊല്ലപ്പെട്ടത്. വെടിയേറ്റ താരത്തെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല നകോദറിലെ മല്ലിയൻ ഖുർദിൽ ടൂർണമെന്റ് നടക്കുന്ന സ്ഥലത്ത് നിന്ന് പുറത്തേക്ക് വരുമ്പോൾ നാല് പേർ ചേർന്ന് സന്ദീപിന് നേർക്ക് വെടിവെക്കുകയായിരുന്നു. എട്ട് മുതൽ 10 ബുള്ളറ്റുകൾ വരെ സന്ദീപിന് നേരെ ഉതിർത്തു.
കർണാടകയിലെ വിദ്യാഭ്യാസ സ്ഥാപനങ്ങളിലെ ഹിജാബ് നിരോധനം റദ്ദാക്കണമെന്നാവശ്യപ്പെട്ട ഹർജിയിൽ ഇന്ന് വിധിയുണ്ടാകും. കർണാടക ഹൈക്കോടതി ചീഫ് ജസ്റ്റിസ് അധ്യക്ഷനായ വിശാല ബഞ്ചാണ് ഹർജിയിൽ വിധി പറയുന്നത്. ഹിജാബ് മൗലികാവകാശങ്ങളുടെ ഭാഗമാണെന്ന് ചൂണ്ടിക്കാട്ടി വിദ്യാർഥിനികളാണ് ഹർജി നൽകിയത് കേസിൽ വിവിധ സംഘടനകൾ കക്ഷി ചേർന്നിരുന്നു. എന്നാൽ ഹിജാബ് മതാചാരങ്ങളുടെയും മൗലികാവകാശങ്ങളുടെയും ഭാഗമല്ലെന്നാണ് സർക്കാർ നിലപാട്. ഹിജാബ് മതാചാരത്തിന്റെ ഭാഗമാണെന്ന് തെളിയിക്കാൻ നിലവിൽ വസ്തുതകളില്ലെന്ന് സർക്കാർ ചൂണ്ടിക്കാട്ടിയിരുന്നു. പതിനൊന്ന് ദിവസമാണ് കേസിൽ വാദം കേട്ടത്. വിധി വരുന്ന സാഹചര്യത്തിൽ…
സംപ്രേഷണ വിലക്കിനെതിരെ മീഡിയ വൺ നൽകിയ ഹർജി സുപ്രീം കോടതി ഇന്ന് പരിഗണിക്കും. ജസ്റ്റിസ് ഡി വൈ ചന്ദ്രചൂഢ് അധ്യക്ഷനായ ബഞ്ചാണ് ഹർജി പരിഗണിക്കുന്നത്. ഇടക്കാല ഉത്തരവ് വേണമെന്ന മീഡിയ വണ്ണിന്റെ ആവശ്യത്തിൽ കോടതി വിശദമായ വാദം കേൾക്കും. സംപ്രേഷണം തടഞ്ഞ കേന്ദ്രസർക്കാർ നടപടി ശരിവെച്ച ഹൈക്കോടതി ഡിവിഷൻ ബഞ്ച് വിധി ചോദ്യം ചെയ്താണ് മീഡിയ വൺ സുപ്രീം കോടതിയെ സമീപിച്ചത് മുതിർന്ന അഭിഭാഷകരായ മുകുൾ റോത്തഗി, ദുഷ്യന്ത് ദവെ എന്നിവരാണ് മീഡിയ വണ്ണിന് വേണ്ടി…
മുംബൈ: സ്റ്റോക്ക് എക്സ്ചേഞ്ച് തിരിമറി കേസിൽ അറസ്റ്റിലായ എൻഎസ്ഇ മുൻ മാനേജിംഗ് ഡയറക്ടറും മുൻ ചീഫ് എക്സിക്യൂട്ടീവ് ഓഫീസറുമായ ചിത്ര രാമകൃഷ്ണയെ ജുഡീഷൽ കസ്റ്റഡിയിൽ വിട്ടു. 14 ദിവസത്തേയ്ക്കാണ് ജുഡീഷൽ കസ്റ്റഡിയിൽ വിട്ടത്. വീട്ടിൽനിന്നുള്ള ആഹാരവും ചിത്രയ്ക്ക് വിലക്കിയിട്ടുണ്ട്. സിബിഐ പ്രത്യേക സംഘം മാർച്ച് ഏഴിനാണ് ചിത്രയെ അറസ്റ്റു ചെയ്തത്. 2013 മുതൽ 2016 വരെ നാഷണൽ സ്റ്റോക്ക് എക്സ്ചേഞ്ച് എംഡി ആയിരുന്നു ചിത്ര. ഈ കാലയളവിൽ പല തിരിമറികളും നടന്നെന്നാണ് കണ്ടെത്തൽ. ചോദ്യം ചെയ്യലിൽ…
12 മുതൽ 14 വയസ്സ് വരെ പ്രായമുള്ള കുട്ടികൾക്ക് ബുധനാഴ്ച മുതൽ കൊവിഡ് പ്രതിരോധ വാക്‌സിനേഷൻ ആരംഭിക്കും. കേന്ദ്ര ആരോഗ്യമന്ത്രി മൻസൂഖ് മാണ്ഡവ്യയാണ് ഇക്കാര്യം അറിയിച്ചത്. ഹൈദരാബാദിലെ ബയോളജിക്കൽ ഇവാൻസ് വികസിപ്പിച്ച കോർബോവാക്‌സാണ് കുട്ടികൾക്ക് നൽകുക 60 വയസ്സിന് മുകളിലുള്ള എല്ലാവർക്കും ബുധനാഴ്ച മുതൽ ബൂസ്റ്റർ ഡോസ് നൽകും. നിലവിൽ അറുപതി വയസ്സിന് മുകളിലുള്ള മറ്റ് അസുഖങ്ങൾക്കുള്ളവർക്കാണ് ബൂസ്റ്റർ ഡോസ് നൽകുന്നത്. ഈ വർഷം ജനുവരി മുതലാണ് ബൂസ്റ്റർ ഡോസ് നൽകാൻ തുടങ്ങിയത് 2021 ജനുവരിയിലാണ്…
ഛത്തിസ്ഗഢിലെ നാരായൺപൂരിൽ നക്‌സൽ ആക്രമണത്തിൽ ഐടിബിപി ഉദ്യോഗസ്ഥൻ കൊല്ലപ്പെട്ടു. ഐഇഡി സ്‌ഫോടനമാണ് നടന്നത്. ഒരു ജവാന് സ്‌ഫോടനത്തിൽ പരുക്കേറ്റു. ഇദ്ദേഹത്തെ റായ്പൂരിലെ ആശുപത്രിയിൽ പ്രവേശിപ്പിച്ചു. ഐടിബിപിയുടെ സോൻപൂർ ക്യാമ്പിന് മൂന്ന് കിലോമീറ്റർ അകലെയാണ് സ്‌ഫോടനം നടന്നത്. ഐടിബിപി 53ാം ബറ്റാലിയൻ സംഘം റോഡ് നിർമാണ പ്രവർത്തനങ്ങളുടെ സുരക്ഷ ഉറപ്പാക്കാനായി എത്തിയതായിരുന്നു. ഇതിനിടെയാണ് നക്‌സലുകൾ പതിയിരുന്ന് ആക്രമിച്ചതെന്ന് ഐടിബിപി അറിയിച്ചു. കൊല്ലപ്പെട്ടത് ഐടിബിപിയുടെ അസി. സബ് ഇൻസ്‌പെക്ടറായ രാജേന്ദ്ര സിംഗാണ്. കോൺസ്റ്റബിൾ മഹേഷിനാണ് പരുക്കേറ്റത്.
കൊവിഡ് മരണത്തിന് സുപ്രീം കോടതി ഉത്തരവിട്ട നഷ്ടപരിഹാര തുക തട്ടിയെടുക്കാൻ വ്യാജ കൊവിഡ് മരണ സർട്ടിഫിക്കറ്റുകൾ ഉപയോഗിക്കുമെന്ന് ഒരിക്കലും കരുതിയില്ലെന്ന് സുപ്രീം കോടതി. ഇത്തരം തട്ടിപ്പ് നടത്താൻ സമൂഹത്തിന്റെ നീതി ബോധം ഇത്രത്തോളം അധഃപതിച്ചോയെന്നും ജസ്റ്റിസ് എംആർ ഷാ ചോദിച്ചു തട്ടിപ്പിന് ഉദ്യോഗസ്ഥർ കൂടി പങ്കാളികൾ ആയിട്ടുണ്ടെങ്കിൽ അത് സ്ഥിതി കൂടുതൽ വഷളാക്കിയിരിക്കുകയാണ്. നഷ്ടപരിഹാര പദ്ധതിയിലെ തട്ടിപ്പിനെ കുറിച്ച് അന്വേഷണത്തിന് ഉത്തരവിടുമെന്നും സുപ്രീം കോടതി വ്യക്തമാക്കി. കൺട്രോളർ ആൻഡ് ഓഡിറ്റർ ജനറലിനെ കൊണ്ട് അന്വേഷണം നടത്താനാണ് ഉദ്ദേശിക്കുന്നതെന്ന്…
കാശ്മീരിലെ പുൽവാമയിൽ നാല് യുവാക്കളെ തീവ്രവാദ ബന്ധം ആരോപിച്ച് അറസ്റ്റ് ചെയ്തു. പുൽവാമ ജില്ലയിൽ നിന്നാണ് ഇവരെ പിടികൂടിയത്. പിടിയിലായവർ ജെയ്‌ഷെ മുഹമ്മദ് പ്രവർത്തകരാണെന്ന് പോലീസ് ആരോപിച്ചു. പുൽവാമയിൽ കഴിഞ്ഞ ദിവസം നടന്ന ഏറ്റുമുട്ടലിൽ ഒരു ജെയ്‌ഷെ മുഹമ്മദ് ഭീകരനെ സൈന്യം കൊലപ്പെടുത്തിയിരുന്നു. പ്രദേശത്തെ മദ്രസയിൽ ഒളിച്ചിരുന്ന ഭീകരനെയാണ് ഏറ്റുമുട്ടലിൽ വധിച്ചത്. ഈ കേസുമായി ബന്ധപ്പെട്ട അന്വേഷണത്തിലാണ് നാല് പേരെ അറസ്റ്റ് ചെയ്തിരിക്കുന്നത്് തീവ്രവാദികൾക്ക് സഹായം എത്തിച്ചു നൽകിയെന്ന കുറ്റത്തിനാണ് അറസ്റ്റ്. ഇംതിയാസ് അഹമ്മദ് റാത്തർ, മദ്രസ അഡ്മിനിസ്‌ട്രേറ്റർ…
കോൺഗ്രസ് പ്രവർത്തക സമിതിയിൽ രാഹുൽ ഗാന്ധിക്കെതിരെ വിമർശനവുമായി ജി 23 നേതാക്കൾ. പാർട്ടിയിൽ കൂട്ടായ തീരുമാനങ്ങളില്ലെന്നും മുതിർന്ന നേതാക്കളെ രാഹുൽ അവഗണിക്കുകയാണെന്നും ജി 23 നേതാക്കൾ വിമർശിച്ചു. അഞ്ച് സംസ്ഥാനങ്ങളിലെ നിയമസഭാ തെരഞ്ഞെടുപ്പിലെ പരാജയത്തിന് പിന്നാലെയാണ് ഞായറാഴ്ച കോൺഗ്രസ് പ്രവർത്തക സമിതി യോഗം ചേർന്നത്. രാഹുൽ ഗാന്ധിയും ഏതാനും പേരും ചേർന്ന് തീരുമാനങ്ങൾ എടുക്കുകയാണെന്ന് ഗുലാം നബി ആസാദ് വിമർശിച്ചു. മുതിർന്ന നേതാക്കളെ പാടെ അവഗണിക്കുന്ന സമീപനമാണ് രാഹുലിന്റേത്. രാഹുൽ പാർട്ടിയുടെ ദേശീയ അധ്യക്ഷനല്ല. പക്ഷേ സംഘടനാകാര്യങ്ങളിൽ…
കേരളത്തിൽ തനിക്കെതിരെ പോസ്റ്ററുകൾ പതിച്ചതിനെ പോസീറ്റിവായാണ് കാണുന്നതെന്ന് എഐസിസി ജനറൽ സെക്രട്ടറി കെ സി വേണുഗോപാൽ. പാർട്ടിക്ക് വീഴ്ച പറ്റുമ്പോൾ പ്രവർത്തകർക്ക് വേദനയുണ്ടാകും. അവർ ഫീൽഡിൽ പെരുമാറുന്നവരാണ്. അവരുടെ വികാരത്തെ മാനിക്കുന്നു. കേരളത്തിലുള്ളവർക്ക് എന്റെ മേൽ സവിശേഷമായ ഒരു അധികാരമുണ്ട്. അതാകാം ഇതിനൊക്കെ പിന്നിലെന്നും കെ സി വേണുഗോപാൽ പറഞ്ഞു പദവിക്ക് വേണ്ടി പ്രവർത്തിക്കുന്നയാളല്ല താൻ. സ്ഥാനമാനങ്ങൾ എല്ലാക്കാലത്തും ഒരാൾക്ക് അവകാശപ്പെട്ടതല്ല. പാർട്ടി പറയുന്ന പോലെ പ്രവർത്തിക്കുന്നയാളാണ് താൻ. വിജയത്തിന് ഒരുപാട് അവകാശികളുണ്ടാകും. പരാജയത്തിന് അവകാശികളുണ്ടാകില്ല….