കൊൽക്കത്തയിൽ നടന്ന കൊലപാതക കേസിലെ പ്രതികൾ പെരുമ്പാവൂരിൽ പിടിയിൽ. ഷഫീഖ് ഉൽ ഇസ്ലാം, ഷിയാത്തോൺ ബീവി എന്നിവരാണ് പിടിയിലായത്. പെരുമ്പാവൂർ മുടിക്കലിൽ ഇവർ ഒളിവിൽ കഴിയുകയായിരുന്നു ഷഫീഷിന്റെ ആദ്യ ഭാര്യയെ കൊലപ്പെടുത്തിയ ശേഷമാണ് ഇവർ രണ്ട് പേരും കൊൽക്കത്തയിൽ നിന്ന് മുങ്ങിയത്. മൊബൈൽ ഫോൺ കേന്ദ്രീകരിച്ച് നടത്തിയ പരിശോധനയിലാണ് ഇവർ പെരുമ്പാവൂരിലുണ്ടെന്ന് വ്യക്തമായത്.
ന്യൂഡല്ഹി: ഒരു വര്ഷത്തെ ഇടവേളക്ക് ശേഷം രാത്രി സന്ദര്ശകര്ക്കായി വീണ്ടും താജ്മഹല് തുറന്നുകൊടുക്കുന്നു. ഇന്നുമുതല് താജിന്റെ രാത്രികാല ഭംഗി ആസ്വദിക്കാന് സന്ദര്ശകര്ക്ക് അനുമതി നല്കുമെന്ന് ആര്ക്കിയോളജിക്കല് സര്വേ ഓഫ് ഇന്ത്യ വ്യക്തമാക്കി. ഒന്നാം കോവിഡ് ലോക്ക്ഡൗണിനെ തുടര്ന്ന് കഴിഞ്ഞ വര്ഷം മാര്ച്ച് പതിനേഴിനാണ് താജ്മഹലിലേക്ക് രാത്രി സന്ദര്ശകരെ വിലക്കിയത്. ഒരു വര്ഷത്തിന് ശേഷമാണ് താജ്മഹലിലേക്ക് വീണ്ടും രാത്രി സന്ദര്ശനത്തിന് അനുമതി നല്കിയത്. മൂന്നു സ്ലോട്ടുകളിലായാണ് സന്ദര്ശകരെ കടത്തി വിടുക.
ചെന്നൈ : ഒമ്പത് മുതല് പന്ത്രണ്ടാം ക്ലാസ് വരെയുള്ളവര്ക്ക് സെപ്റ്റംബര് ഒന്നു മുതല് വിദ്യാഭ്യാസ സ്ഥാപനങ്ങള് തുറന്നു പ്രവര്ത്തിക്കാന് ഒരുങ്ങി തമിഴ്നാട് സര്ക്കാര്. നിലവില് സ്കൂളുകളും കോളേജുകളും ഒപ്പം തുറക്കും എന്നാണ് സര്ക്കാര് അറിയിച്ചിരിക്കുന്നത്. അതേസമയം സെപ്റ്റംബര് 15ന് ശേഷം ഒന്നു മുതല് എട്ടുവരെ ക്ലാസുകള് തുറക്കുന്നതും പരിഗണനയിലുണ്ട്. സാഹചര്യങ്ങള് വിലയിരുത്തിയശേഷം തീരുമാനമെടുക്കുമെന്ന് സര്ക്കാര് വൃത്തങ്ങള് അറിയിക്കുന്നത് എന്നാല് 50% കാണികളെ നിശ്ചയിച്ചുകൊണ്ട് തീയറ്ററുകള് തിങ്കളാഴ്ച മുതല് തുറന്നു പ്രവര്ത്തിക്കാന് അനുമതി നല്കിയിട്ടുണ്ട്. തമിഴ്നാട്ടില് കൂടുതല് ഇളവുകളോടെ…
കാബൂളിൽ നിന്ന് 220 ഇന്ത്യൻ പൗരന്മാരുമായുള്ള രണ്ട് വിമാനങ്ങൾ ഡൽഹിയിലെത്തി. ദോഹ വഴി 136 പേരും തജികിസ്താൻ വഴി 87 പേരുമാണ് തിരികെയെത്തിയത്. തിരിച്ചെത്തിയ വിമാനത്തിൽ രണ്ട് നേപ്പാൾ പൗരന്മാരും ഉൾപ്പെടുന്നു. അഫ്ഗാനിസ്താനിലെ ഒഴിപ്പിക്കൽ ദൗത്യം തുടരുകയാണെന്ന് വിദേശകാര്യ മന്ത്രാലയം വ്യക്തമാക്കി. ഇന്നലെ താലിബാൻ തടഞ്ഞ് പരിശോധിച്ച 150 പേരെകൂടി ഇന്ന് ഇന്ത്യയിലെയ്ക്ക് കൊണ്ടുവരും. ഇതിനായുള്ള വിമാനവു ഇപ്പോൾ കാബൂളിൽ എത്തിയിട്ടുണ്ട്. ആശാവഹമായ പുരോഗതി ആണ് ഒഴിപ്പിയ്ക്കൽ നടപടിയിൽ ഉണ്ടായിട്ടുള്ളതെന്ന് വിദേശകാര്യമന്ത്രാലയം അറിയിച്ചു. കാബൂളിൽ ഇന്ത്യക്കാരെ തടഞ്ഞുവച്ചതായുള്ള…
ലക്നോ: ഉത്തര് പ്രദേശ് മുന് മുഖ്യമന്ത്രി കല്യാണ് സിംഗ് അന്തരിച്ചു. 89 വയസ്സായിരുന്നു. ലക്നോയിലെ സഞ്ജയ് ഗാന്ധി പോസ്റ്റ് ഗ്രാജ്വേറ്റ് ഇന്സ്റ്റിറ്റ്യൂട്ട് ഓഫ് മെഡിക്കല് സയന്സസില് (എസ് ജി പി ജി ഐ എം എസ്) കഴിഞ്ഞ ദിവസം ഡയാലിസിസിന് വിധേയനായിരുന്നു. കഴിഞ്ഞ മാസമാണ് രോഗം മൂര്ച്ഛിച്ചതിനെ തുടര്ന്ന് ആശുപത്രിയില് പ്രവേശിപ്പിച്ചത്. രാജസ്ഥാന് മുന് ഗവര്ണര് കൂടിയായിരുന്നു. കല്യാണ് സിംഗ് യു പി ഭരിക്കുമ്പോഴാണ് ബാബരി മസ്ജിദ് സംഘ്പരിവാര് തകര്ത്തത്. അന്ന് കര്സേവകരെ തടയാതെ യു പി…
ന്യൂഡല്ഹി: ഇന്ത്യയില് പുതുതായി അടിയന്തര ഉപയോഗത്തിന് അനുമതി ലഭിച്ച സൈഡസ് കാഡില്ലയുടെ സൈക്കോവ് ഡി വാക്സിന് പ്രതിമാസം ഒരു കോടി ഡോസ് ഉത്പാദിപ്പിക്കുമെന്ന് കമ്പനി അധികൃതര്. ബയോടെക്നോളജി ഡിപ്പാര്ട്ട്മെന്റുമായി സഹകരിച്ചാണ് വാക്സിന് ഉത്പാദിപ്പിക്കുന്നത് കൊവാക്സിന് ശേഷം രാജ്യത്ത് അടിയന്തിര ഉപയോഗ അനുമതി ലഭിക്കുന്ന തദ്ദേശീയ വാക്സിനാണ് സൈക്കോവ് ഡി. ഡി സി ജി ഐ അനുതി ലഭിക്കുന്ന രാജ്യത്തെ ആറാമത്തെ വാക്സിന്. മനുഷ്യരില് ഉപയോഗിക്കുന്ന ആദ്യ ഡി എന് എ വാക്സിനെന്ന പ്രത്യേകതയുമുണ്ട് 12 വയസ്സിന് മുകളില്…
ന്യൂഡല്ഹി: രാജ്യത്ത് പുതിയ 34,457 കോവിഡ് കേസുകള് കൂടി റിപ്പോര്ട്ട് ചെയ്തു. കഴിഞ്ഞ 24 മണിക്കൂറിനിടെ 375 മരണങ്ങളും സ്ഥിരീകരിച്ചു. നിലവില് 3,61,340 സജീവകേസുകളാണ് രാജ്യത്തുള്ളത്. ഇതിനകം 3,23,93,286 കേസുകളും 4,33,964 മരണങ്ങളുമാണ് രാജ്യത്ത് ആകെയുണ്ടായത്. മഹാരാഷ്ട്രയിലാണ് ഏറ്റവും കൂടുതല് കേസുകള് റിപ്പോര്ട്ട് ചെയ്തതെങ്കിലും 24 മണിക്കൂറിനിടെ ഏറ്റവും കൂടുതല് കേസുകള് കേരളത്തിലാണ്. കേരളത്തില് ഇന്നലെ 20,224 പേര്ക്കാണ് രോഗം സ്ഥിരീകരിച്ചത്. ഡല്ഹിയില് ഇന്നലെ കോവിഡ് മൂലം ഒരു മരണംപോലും റിപ്പോര്ട്ട് ചെയ്തിട്ടില്ല. ടിപിആര് 0.08…
ജമ്മു കാശ്മീരിലെ ട്രാളിൽ സുരക്ഷാ സേനയുമായി നടന്ന ഏറ്റുമുട്ടലിൽ മൂന്ന് ജെയ്ഷെ മുഹമ്മദ് തീവ്രവാദികൾ കൊല്ലപ്പെട്ടു. ഇവരിൽ നിന്ന് ആയുധങ്ങളും മറ്റും കണ്ടെത്തി. 24 മണിക്കൂറിനിടെട്രാളിൽ നടക്കുന്ന രണ്ടാമത്തെ ഏറ്റുമുട്ടലാണിത് വെള്ളിയാഴ്ച ശ്രീനഗറിന് സമീപത്തുള്ള ക്രൂവിൽ രണ്ട് ഭീകരരെ സൈന്യം വധിച്ചിരുന്നു. കഴിഞ്ഞ ദിവസം രജൗറിയിൽ നടന്ന ഏറ്റുമുട്ടലിൽ ഒരു സൈനികൻ വീരമൃത്യു വരിക്കുകയും ചെയ്തു. ഒരു ഭീകരനെ ഏറ്റുമുട്ടലിൽ വധിച്ചു.
ഓണാശംസകൾ നേർന്ന് രാഷ്ട്രപതി രാംനാഥ് കോവിന്ദും പ്രധാനമന്ത്രി മോദിയും മലയാളികൾക്ക് ഓണാശംസകൾ നേർന്ന് രാഷ്ട്രപതി രാംനാഥ് കോവിന്ദും പ്രധാനമന്ത്രി നരേന്ദ്രമോദിയും. മലയാളത്തിലാണ് പ്രധാനമന്ത്രിയുടെ ആശംസ. കർഷകരുടെ പ്രയത്നത്തെ ഉയർത്തിക്കാണിക്കുന്ന വിളവെടുപ്പിന്റെ ആഘോഷമാണ് ഓണമെന്ന് രാഷ്ട്രപതി ട്വീറ്റ് ചെയ്തു. ഓണത്തിന്റെ പ്രത്യേക വേളയിൽ ഉത്സാഹവും സാഹോദര്യവും ഐക്യവും ചേർന്ന ഉത്സവത്തിന് ആശംസകൾ. ഏവരുടെയും ആരോഗ്യത്തിനും ക്ഷേമത്തിനും വേണ്ടി ഞാൻ പ്രാർഥിക്കുന്നു എന്നായിരുന്നു പ്രധാനമന്ത്രി ട്വീറ്റ് ചെയ്തത്.
ഭീകരതയുടെ അടിസ്ഥാനത്തിൽ കുറച്ചുകാലം സാമ്രാജ്യം സ്ഥാപിച്ചാലും അതിന്റെ നിലനിൽപ്പ് ഒരിക്കലും ശാശ്വതമാകില്ലെന്ന് പ്രധാനമന്ത്രി നരേന്ദ്രമോദി. അഫ്ഗാനിസ്ഥാന്റെ നിയന്ത്രണം താലിബാൻ പിടിച്ചെടുത്തതിന് പിന്നാലെയാണ് പ്രധാനമന്ത്രിയുടെ പ്രതികരണം. നശീകരണ ശക്തികൾ ഒരു നിശ്ചിതകാലയളവിൽ കുറച്ചുകാലം ആധിപത്യം സ്ഥാപിച്ചേക്കാം. പക്ഷേ അതിന്റെ നിലനിൽപ്പ് ശാശ്വതമല്ല. മനുഷ്യരാശിയെ ദീർഘകാലം അടിച്ചമർത്താനാകില്ലെന്നു മോദി പറഞ്ഞു. സോമനാഥ ക്ഷേത്രത്തിന്റെ വിവിധ പദ്ധതികൾ വീഡിയോ കോൺഫറൻസ് വഴി ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. സോമനാഥ ക്ഷേത്രവും വിഗ്രഹങ്ങളും പലവതണ നശിപ്പിക്കപ്പെട്ടു. അതിന്റെ അസ്ഥിത്വം തുടച്ചുനീക്കാൻ ശ്രമം നടന്നു….