Movies

മലയാളത്തിന്റെ പ്രിയതാരം ദുൽഖർ സൽമാൻ മലയാള സിനിമ നായകനിരയിലെത്തിയത് അതിവേഗമായിരുന്നു. മലയാളത്തിന് പുറമെ തമിഴ് തെലുങ്ക് ഹിന്ദി ഭാഷകളിലും താരം തന്റെ സാന്നിധ്യം അറിയിച്ചു. അഭിനേതാവെന്നതിന് പുറമെ ഗായകനെന്ന നിലയിലും താരം തിളങ്ങി. ഇപ്പോഴിതാ ഇൻസ്റ്റാഗ്രാം ഫോളോവേഴ്‌സിൽ മമ്മൂട്ടിയെയും മോഹൻലാലിനെയും പിന്തള്ളിയിരിക്കുകയാണ് ദുൽഖർ. ഇൻസ്റ്റഗ്രാമിൽ ഒരു കോടി ഫോളോവർമാരെയാണ് ദുൽഖർ സ്വന്തമാക്കിയിരിക്കുന്നത്. ദുൽഖർ തന്നെയാണ് ഇക്കാര്യം പങ്കുവച്ചത്. തന്റെ പോസ്റ്റുകളും ചിന്തകളും സഹിക്കുന്ന ആരാധകരോട് സ്‌നേഹവും കടപ്പാടും താരം കുറിച്ചു. മോഹൻലാലിനും, മമ്മൂട്ടിക്കും വളരെ ദൂരം മുന്നിലാണ്…

പ്രേക്ഷകർ പ്രതീക്ഷയോടെ കാത്തിരിക്കുന്ന ധനുഷ്- കാർത്തിക് നരേൻ ചിത്രം മാരന്റെ ട്രൈലർ എത്തി. ട്വിറ്റർ അൺ ലോക്ക് ഫീച്ചറിലൂടെ ആദ്യമായി ട്രെയിലർ പങ്കുവയ്ക്കുന്ന തമിഴ് ചിത്രമായി മാരൻ മാറിയെന്നാണ് അണിയറ പ്രവർത്തകർ അവകാശപ്പെടുന്നത്. സെലിബ്രിറ്റികൾ റിലീസ് ചെയ്യുക എന്ന പതിവിന് വിപരീദമായി പ്രേക്ഷകർക്കും ട്രെയിലർ പുറത്തുവിടാനുള്ള അവസരം ഇതിലൂടെ അണിയറ പ്രവർത്തകർ ഒരുക്കി. മാർച്ച് 11ന് ഡിസ്നി-ഹോട്ട് സ്റ്റാറിലൂടെ ചിത്രം പ്രേക്ഷകരിലേക്കെത്തും. മാധ്യമപ്രവർത്തകനായാണ് ചിത്രത്തിൽ ധനുഷ് എത്തുന്നത്. സത്യ ജ്യോതി ഫിലിംസിന്റെ ബാനറൽ സെന്തിൽ ത്യാഗരാജൻ, അർജുൻ…

  മലയാള സിനിമാപ്രേമികൾ ഒരേപോലെ കാത്തിരിക്കുന്ന ചിത്രമാണ് മമ്മൂട്ടി നായകനാകുന്ന സിബിഐ അഞ്ചാം ഭാഗം. സിനിമയിലെ പേര് എന്തായിരിക്കുമെന്ന ആവേശത്തിലാണ് ആരാധകർ. ഇപ്പോഴിതാ സിനിമയുടെ ടൈറ്റിൽ അണിയറപ്രവർത്തകർ പുറത്തുവിട്ടിരിക്കുകയാണ്. ‘സിബിഐ 5: ദി ബ്രെയിൻ’ എന്നാണ് സിനിമയുടെ പേര്. സൈന മൂവീസിന്റെ യൂട്യൂബ് ചാനലിലൂടെയാണ് പേര് പുറത്തുവിട്ടിരിക്കുന്നത്. മമ്മൂട്ടിയും പേര് സമൂഹ മാധ്യമങ്ങളിലൂടെ പങ്കുവെച്ചിട്ടുണ്ട്. മമ്മൂട്ടിയുടെ സിനിമയിലെ ലുക്കും പുറത്തുവിട്ടിട്ടുണ്ട്. 1988ൽ പുറത്തിറങ്ങിയ ഒരു സിബിഐ ഡയറികുറിപ്പ് എന്ന ചിത്രത്തിലൂടെയാണ് സിബിഐ സീരീസ് ആരംഭിച്ചത്. തുടർന്ന് ജാഗ്രത,…

ആസിഫ് അലിയെ നായകനാക്കി ജീത്തു ജോസഫ് സംവിധാനം ചെയ്യുന്ന ചിത്രം കൂമന്റെ ചിത്രീകരണം ആരംഭിച്ചു. അനന്യ ഫിലിംസിന്റെ ബാനറിൽ ആൽവിൻ ആന്റണിയാണ് ചിത്രം നിർമിക്കുന്നത്. മോഹൻലാൽ നായകനാകുന്ന ജീത്തു ജോസഫ് ചിത്രം ’12ത് മാന്റെ’ തിരക്കഥാകൃത്ത് കെ ആർ കൃഷ്ണകുമാറാണ് ‘കൂമന്റേ’യും രചയിതാവ്. ആസിഫലിയോടപ്പം രൺജി പണിക്കറും ചിത്രത്തിൽ ഒരു പ്രധാന വേഷത്തിലെത്തും. സതീഷ് കുറുപ്പാണ് ചിത്രത്തിന്റെ ഛായാഗ്രാഹണം. ശശികുമാർ ഒരുക്കുന്ന ഗാനങ്ങൾക്ക് വിഷ്ണു ശ്യാമാണ് സംഗീതം നൽകുന്നത്. എഡിറ്റിങ് വി എസ് വിനായക്. കൊല്ലം. പൊള്ളാച്ചി,…

  കൊച്ചി: നടി കെ.പി.എ.സി ലളിത (74) അന്തരിച്ചു. കൊച്ചിയിലെ ആശുപത്രിയിലായിരുന്നു അന്ത്യം. ദീര്‍ഘനാളായി അസുഖത്തെ തുടര്‍ന്ന് ചികിത്സയിലായിരുന്നു അവര്‍. കായംകുളം രാമപുരത്ത് കടയ്ക്കല്‍ തറയില്‍ അനന്തന്‍നായരുടെയും ഭാര്‍ഗവി അമ്മയുടെയും മകളായി 1947 മാര്‍ച്ച് പത്തിന് ഇടയാറന്മുളയിലാണ് കെ.പി.എ.സി ലളിത ജനിച്ചത്. മഹേശ്വരി എന്നായിരുന്നു യഥാര്‍ഥ പേര്. ചെങ്ങന്നൂര്‍ അമ്പലത്തില്‍ മാതാപിതാക്കള്‍ ഭജനമിരുന്ന് പിറന്നതിനാലാണത്രേ മഹേശ്വരിയെന്ന് പേരിട്ടത്. സ്‌കൂള്‍ കാലം മുതല്‍ നൃത്തത്തിലായിരുന്നു ലളിതയ്ക്ക് താത്പര്യം. രാമപുരത്തെ സ്‌കൂളില്‍ വച്ചാണ് ആദ്യമായി നൃത്തവേദിയില്‍ കയറിയത്. എക്കാലത്തെയും മികച്ച…

  ചോറ്റാനിക്കരയിൽ ക്ഷേത്രത്തിൽ ദർശനത്തിനെത്തി ലേഡി സൂപ്പർ സ്റ്റാർ നയൻ താരയും കാമുകനും സംവിധായകനുമായ വിഘ്‌നേഷ് ശിവനും. മകം തൊഴലിനായാണ് ഇരുവരും ക്ഷേത്രത്തിലെത്തിയത്. പുലർച്ചെ രണ്ട് മണിയോടെയാണ് മകം തൊഴലിനായി നട തുറന്നത്. മകം നാളിൽ അണിയിക്കുന്ന വിശേഷപ്പെട്ട തങ്ക ഗോളകയും അടയാഭരണങ്ങളും രത്‌നകിരീടവും പട്ടുടയാടകളും ധരിച്ചാണ് താമരപ്പൂ മാല ചാർത്തി ദേവി ഭക്തർക്ക് മുന്നിൽ പ്രത്യക്ഷമാകുന്നത്. രാത്രി പത്ത് മണി വരെ ദർശനം തുടരും.

  പ്രശസ്ത സംഗീത സംവിധായകനും ഗായകനുമായ ബപ്പി ലാഹിരി അന്തരിച്ചു. 69 വയസ്സായിരുന്നു. മുംബൈയിലെ ക്രിട്ടികെയർ ആശുപത്രിയിൽ ചികിത്സയിലിരിക്കെയാണ് അന്ത്യം. ഒരു മാസത്തെ ആശുപത്രി ചികിത്സക്ക് ശേഷം തിങ്കളാഴ്ച ഡിസ്ചാർജ് ചെയ്തിരുന്നു. എന്നാൽ ആരോഗ്യസ്ഥിതി മോശമായതിനെ തുടർന്ന് വീണ്ടും ആശുപത്രിയിൽ പ്രവേശിപ്പിക്കുകയായിരുന്നു 80കളിലും 90കളിലും ഡിസ്‌കോ സംഗീതത്തിലൂടെ ജനപ്രിയനായ സംഗീതജ്ഞനാണ് ബപ്പി ലാഹിരി. 2020ൽ പുറത്തിറങ്ങിയ ബാഗി 3 ആണ് അദ്ദേഹത്തിന്റെ അവസാന ചിത്രം  

ബോളിവുഡില്‍ നിര്‍മ്മാതാക്കള്‍ക്ക് ഏറ്റവും വിശ്വാസത്തോടെ പണം നിക്ഷേപിക്കാവുന്ന നായക നടന്മാരുടെ പട്ടികയില്‍ അക്ഷയ് കുമാര്‍ ഒന്നാം സ്ഥാനത്താണ്. ബോളിവുഡിന്‍റെ സമീപകാല ചരിത്രത്തില്‍ ഏറ്റവുമധികം സാമ്പത്തിക വിജയങ്ങള്‍ നേടിയ താരം ചെയ്യുന്ന സിനിമകളുടെ എണ്ണത്തിലും മുന്നിലാണ്. റിപബ്ലിക് ദിനത്തില്‍ എത്തുമെന്ന് ഒരു വര്‍ഷം മുന്‍പ് പ്രഖ്യാപിക്കപ്പെട്ടിരുന്ന ചിത്രം കൊവിഡ് മൂന്നാം തരംഗത്തെത്തുടര്‍ന്ന് നീട്ടുവെക്കുകയായിരുന്നു. ഹോളി റിലീസ് ആയി മാര്‍ച്ച് 18ന് എത്തുമെന്നാണ് നിലവില്‍ പ്രഖ്യാപിക്കപ്പെട്ടിരിക്കുന്നത്. റിലീസിന് അഞ്ച് ആഴ്ചകള്‍ മാത്രം ശേഷിക്കെ ചിത്രത്തെക്കുറിച്ചുള്ള പല വിവരങ്ങളും റിപ്പോര്‍ട്ടുകളായി പുറത്തെത്തുന്നുണ്ട്. ഈ…

താൻ ദുൽഖർ സൽമാന്റെ ചിത്രങ്ങളുടെ കടുത്ത ആരാധകനാണെന്ന് ബോളിവുഡ് താരം രൺബീർ കപൂർ. ഒരു അഭിനേതാവ് എന്ന നിലയിൽ ദുൽഖറിനെ ഏറെ ബഹുമാനിക്കുന്ന ആളാണ് താനെന്ന് രൺബീർ പറയുന്നു. ദുൽഖർ നായകനായി എത്തുന്ന തമിഴ് ചിത്രം ‘ഹേ സിനാമികാ’ എന്ന ചിത്രത്തിന് ആശംസകളുമായി എത്തിയതായിരുന്നു ബോളിവുഡ് താരം. ‘ഇന്ന് പുറത്തിറങ്ങുന്ന ഹേയ് സിനാമികയിലെ ഗാനത്തിന് ചിത്രത്തിൻറെ എല്ലാ അണിയറപ്രവർത്തകർക്കും എൻറെ ആശംസകൾ. ഞാൻ ദുൽഖർ സിനിമകളുടെ വലിയ ആരാധകനാണ്. ഒരു നടൻ എന്ന നിലയിൽ ഞാനദ്ദേഹത്തെ ഏറെ…