Kerala

കൊളത്തൂര്‍: ജോലിക്കെത്തിയ വീട്ടിലെ വൈദ്യുതി ലൈനില്‍ നിന്നു ഷോക്കേറ്റ് യുവാവ് മരിച്ചു. ഓണപ്പുട സ്വദേശി മൂഴിക്കല്‍ മുസ്തഫ(36)യാണ് മരിച്ചത്. വെള്ളിയാഴ്ച്ച ഉച്ചയോടെയാണ് സംഭവം. കൊളത്തൂര്‍ ഓണപ്പുട വില്ലേജുപടിയിലെ വീട്ടില്‍ ജോലി ചെയ്തുകൊണ്ടിരിക്കെ വൈദ്യുതി ലൈനില്‍ തട്ടി അപകടമുണ്ടായത്. മുസ്തഫ ജോലി ചെയ്തിരുന്ന വീടിന്റെയും തൊട്ടടുത്ത കെട്ടിടത്തിന്റെയും ഇടയിലൂടെ കടന്നുപോവുന്ന ലൈനില്‍ ഇരുമ്പുകോണി തട്ടിയാണ് അപകടമുണ്ടായത്. പിതാവ്: പരേതനായ മോഴിക്കല്‍ മൊയ്തീന്‍. മാതാവ്:  ഫാത്തിമ. ഭാര്യ: നൂര്‍ജഹാന്‍. മക്കള്‍: റിഫ ഫാത്തിമ, റെസിന്‍ഷാദ്, റൈസ ഫാത്തിമ.

തിരുവനന്തപുരം കരമനയാറിലേക്ക് ചാടിയ രണ്ട് കുട്ടികളിൽ ഒരാളുടെ മൃതദേഹം ലഭിച്ചു. 17 വയസ്സുള്ള ആൺകുട്ടിയും പെൺകുട്ടിയുമാണ് പുഴയിൽ ചാടിയത്. ഇതിൽ കാച്ചാണി സ്വദേശിയായ ആൺകുട്ടിയുടെ മൃതദേഹമാണ് ലഭിച്ചത് ഫായർഫോഴ്‌സും നാട്ടുകാരും ചേർന്ന് നടത്തിയ തെരച്ചിലിൽ മണിക്കൂറുകൾക്കൊടുവിലാണ് ഒരാളുടെ മൃതദേഹം ലഭിച്ചത്. ഇരുവരും പ്രണയത്തിലായിരുന്നു. വീട്ടുകാർ വഴക്കുപറഞ്ഞതിന്റെ വിഷമത്തിലാണ് ആത്മഹത്യാശ്രമമെന്ന് കരുതുന്നു. സംഭവത്തിൽ പോലീസ് കേസെടുത്ത് അന്വേഷണം ആരംഭിച്ചു  

കൊവിഡ് ബാധിച്ച് മരിക്കുന്നയാളുടെ മുഖം അടുത്ത ബന്ധുക്കൾക്ക് അവസാനമായി കാണാനുള്ള അവസരം നൽകുമെന്ന് ആരോഗ്യമന്ത്രി കെ കെ ശൈലജ. മാർഗനിർദേശങ്ങളനുസരിച്ചാകും അനുമതി. സുരക്ഷാ മാനദണ്ഡങ്ങൾ പാലിച്ച് ജീവനക്കാരന് മൃതദേഹത്തിന്റെ മുഖം വരുന്ന ഭാഗത്തെ കവറിന്റെ സിപ് തുറന്ന് മുഖം ബന്ധുക്കൾക്ക് കാണിക്കാം കൊവിഡിനെ തുടർന്ന് മരിച്ചവരുടെ മൃതദേഹം സംസ്‌കരിക്കുമ്പോൾ ശ്രദ്ധിക്കേണ്ട കാര്യങ്ങളെ കുറിച്ചുള്ള മാർഗനിർദേശങ്ങൾ തദ്ദേശ സ്വയം ഭരണവകുപ്പ് പുറപ്പെടുവിച്ചിട്ടുണ്ട്. കൊവിഡ് ബാധിച്ച് മരിച്ചവരുടെ മൃതദേഹത്തിൽ നിന്ന് പെട്ടെന്ന് രോഗവ്യാപനം ഉണ്ടാകാനിടയുണ്ട്. അതിനാൽ മൃതദേഹം നേരിട്ട് കാണാനോ…

തുലാമഴയെന്നറിയപ്പെടുന്ന വടക്ക് കിഴക്കന്‍ മണ്‍സൂണ്‍ 28ന് കേരളത്തിലെത്താന്‍ സാധ്യതയെന്ന് കേന്ദ്ര അന്തരീക്ഷ ശാസ്ത്ര കേന്ദ്രത്തിന്റെ നിഗമനം. രാജ്യത്ത് നിന്ന് 27നകം തെക്ക് പടിഞ്ഞാറന്‍ മണ്‍സൂണ്‍ അഥവ കാലവര്‍ഷം പൂര്‍ണ്ണമായും പിന്‍വാങ്ങുമെന്നാണ് ഐഎംഡിയുടെ ഇന്നലെ വൈകിട്ടിറങ്ങിയ നിരീക്ഷണത്തില്‍ വ്യക്തമാക്കുന്നത്. ഗുജറാത്ത്, മദ്ധ്യ-തെക്കന്‍ ഇന്ത്യന്‍ മേഖലകള്‍ എന്നിവിടങ്ങളില്‍ നിന്ന് കാലവര്‍ഷത്തിന്റെ വിടവാങ്ങള്‍ തുടരുകയാണ്.നിലവിലെ അന്തരീക്ഷ സ്ഥിതി അനുകൂലമായതിനാല്‍ 28നകം കേരളം, തമിഴ്നാട്, പുതുച്ചേരി, ആന്ധ്രാപ്രദേശ്, കര്‍ണ്ണാടക സംസ്ഥാനങ്ങളില്‍ തുലാമഴയെത്തുമെന്നാണ് നിഗമനം. ഇത് സംബന്ധിച്ച കൃത്യമായ വിവരം വരും ദിവസങ്ങളിലെ വ്യക്തമാകുകയുള്ളൂ….

വീട് പൊളിക്കാൻ കോർപറേഷൻ നോട്ടീസ് നൽകിയ സാഹചര്യത്തിൽ പറയുന്ന പിഴ അടച്ചോളാമെന്ന് മുസ്ലിം ലീഗ് എംഎൽഎ കെ എം ഷാജി. കെട്ടിട നിർമാണചട്ടം ലംഘിച്ചിട്ടില്ല. കോർപറേഷൻ നടപടി രാഷ്ട്രീയ ലക്ഷ്യം വെച്ചാണെന്നും കെ എം ഷാജി പറഞ്ഞു   പ്ലസ് ടു കോഴക്കേസുമായി ബന്ധപ്പെട്ട് എൻഫോഴ്‌സ്‌മെന്റ് ഡയറക്ടറേറ്റ് നിർദേശപ്രകാരം കെഎം ഷാജിയുടെ വീട് നഗരസഭ അളന്നു നോക്കിയിരുന്നു. 3000 സ്‌ക്വയർ ഫീറ്റിൽ വീട് നിർമിക്കാനാണ് അനുമതി നൽകിയിരുന്നത്. എന്നാൽ 5260 സ്‌ക്വയർഫീറ്റിലാണ് വീട് നിർമിച്ചിരിക്കുന്നത്.    

സംസ്ഥാനത്തിന്റെ പരിധിയിലുള്ള കേസുകളിൽ സി.ബി.ഐ. നേരിട്ട് കേസെടുക്കുന്നത് വിലക്കി ഉത്തരവിറക്കുന്ന കാര്യം സർക്കാർ പരിശോധിക്കണമെന്ന് സി.പി.എം. സംസ്ഥാന സെക്രട്ടറി കോടിയേരി ബാലകൃഷ്ണൻ ആവശ്യപ്പെട്ടു. മഹാരാഷ്ട്ര അടക്കമുള്ള സംസ്ഥാനങ്ങളുടെ മാതൃക പിന്തുടർന്ന് സിബിഐയെ പുറത്തുനിർത്താനുള്ള വഴി ആലോചിക്കാൻ സംസ്ഥാന സെക്രട്ടേറിയറ്റ് സർക്കാരിനോട് ആവശ്യപ്പെട്ടു.   സിബിഐയെ കേന്ദ്ര സർക്കാർ രാഷ്ട്രീയമായി ഉപയോഗിക്കുന്ന സാഹചര്യത്തിലാണ് ഈ നിലപാടെന്നു സംസ്ഥാന സെക്രട്ടറി കോടിയേരി ബാലകൃഷ്ണൻ വ്യക്തമാക്കി. കേന്ദ്ര അന്വേഷണ ഏജൻസികളെ രാഷ്ട്രീയമായി ഉപയോഗിക്കുന്നുവെന്ന് രാഹുൽഗാന്ധിപോലും പറഞ്ഞ പശ്ചാത്തലത്തിൽ മുൻകൂർ അനുമതി റദ്ദാക്കുന്നതിന്റെ…

തിരുവനന്തപുരം: കെഎസ്ആര്‍ടിസിയ്ക്ക് പുതിയ 360 ബസുകള്‍ വാങ്ങാന്‍ ഗതാഗതവകുപ്പിന്റെ അനുമതി. ഇതിനായി കിഫ്ബിയില്‍ നിന്നും 259 കോടി രൂപ വായ്പയായി അനുവദിച്ചു. 50 ഫാസ്റ്റ് പാസഞ്ചര്‍ വൈദ്യുതി ബസുകളും, 310 സിഎന്‍ജി സൂപ്പര്‍ഫാസ്റ്റ് ബസുകളുമാണ് വാങ്ങുന്നത്. ബസുകള്‍ വാങ്ങാന്‍ 286.50 കോടി രൂപയാണ് ആകെ ചെലവ് വരുന്നത്. ഇതില്‍ ഇലക്ട്രിക് ബസുകള്‍ വാങ്ങുന്നതിനുള്ള 27.50 കോടി രൂപ കേന്ദ്ര സര്‍ക്കാരിന്റെ ഫെയിം ടു പദ്ധതിയുടെ കീഴിലെ സബ്‌സിഡി വഴി ലഭ്യമാകും. ശേഷിക്കുന്ന തുകയായ 259 കോടി രൂപ…

കണ്ടെയ്നര്‍ വഴി ആന്ധ്രയില്‍ നിന്ന് കേരളത്തിലേക്ക് 500 കിലോ കഞ്ചാവ് കടത്തിയ കേസില്‍ മുഴുവന്‍ പ്രതികളും പിടിയില്‍. സംസ്ഥാനാനന്തര ബന്ധമുള്ള കഞ്ചാവ് കടത്തിന്റെ സൂത്രധാരന്‍ പഞ്ചാബ് സ്വദേശി മന്‍ദീപ് സിംഗ്, വടകര സ്വദേശി ജിതിന്‍ രാജ് എന്നിവര്‍ അറസ്റ്റിലായതോടെ കേസില്‍ പിടിയിലായവരുടെ എണ്ണം ഏഴായി.സെപ്റ്റംബര്‍ ആറിന് ആറ്റിങ്ങല്‍ കോരാണിയില്‍ വച്ചാണ് കണ്ടെയ്നര്‍ ലോറിയില്‍ കടത്തിയ 500 കിലോഗ്രാം കഞ്ചാവ് പിടികൂടിയത്. രണ്ടു പ്രതികളെ അന്ന് തന്നെ പിടികൂടിയിരുന്നു. തുടര്‍ന്ന് തിരുവനന്തപുരം അസിസ്റ്റന്റ് എക്‌സൈസ് കമ്മിഷണര്‍ ജി ഹരികൃഷ്ണ…

തിരുവനന്തപുരം: കൊവിഡ് കാലത്ത് കൂടുതല്‍ യാത്രക്കാരെ ആകര്‍ഷിക്കാനായി കെഎസ്ആര്‍ടിസി ടിക്കറ്റ് നിരക്കുകള്‍ കുറയ്ക്കുന്നു. ടിക്കറ്റ് ചാര്‍ജ് കൂടുതലായതിനാല്‍ കെഎസ്ആര്‍ടിസിയില്‍ യാത്രക്കാര്‍ കുറവായതിനാലാണ് ടിക്കറ്റ് നിരക്ക് കുറയ്ക്കാന്‍ തീരുമാനമെന്നാണ് റിപോര്‍ട്ടുകള്‍. സൂപ്പര്‍ഫാസ്റ്റ് മുതല്‍ മുകളിലേക്കുള്ള സര്‍വീസുകളില്‍ ചൊവ്വ, ബുധന്‍, വ്യാഴം ദിവസങ്ങളില്‍ പഴയ ടിക്കറ്റ് നിരക്ക് തന്നെ യാത്രക്കാരില്‍ നിന്ന് ഈടാക്കാനാണ് തീരുമാനം. ഇതിന് കെഎസ്ആര്‍ടിസി ഡയറക്ടര്‍ ബോര്‍ഡ് അംഗീകാരം നല്‍കി. യാത്രക്കാര്‍ കൂടുന്ന പക്ഷം ഫാസ്റ്റ് ഉള്‍പ്പെടെയുള്ള മറ്റു സര്‍വീസുകള്‍ക്ക് പഴയ നിരക്കുതന്നെ ഏര്‍പ്പെടുത്താനും തീരുമാനമെടുത്തിട്ടുണ്ട്.  …

കർഷകർക്ക് ആശ്വാസമായി റബ്ബർ വില കുതിക്കുന്നു. ഒരു വർഷത്തിന് ശേഷം റബർ വില കിലോയ്ക്ക് 150 രൂപയിലെത്തി. 2019 ജൂണിന് ശേഷം ഇതാദ്യമായാണ് റബർ വില 150ലെത്തുന്നത്.   തുടർച്ചയായ മഴയും കൊവിഡ് നിയന്ത്രണങ്ങളെയും തുടർന്ന് വിപണിയിൽ റബറിന്റെ ലഭ്യത കുറഞ്ഞിരുന്നു. ഇതോടെയാണ് വിലവർധനവിന് കാരണമായത്. കേരളത്തിൽ ഒക്ടോബർ 20ന് റബർ വില 140 രൂപയായിരുന്നു. മൂന്ന് ദിവസം കൊണ്ട് 150 രൂപയിലേക്ക് എത്തി.   ചൈനയിൽ ഓട്ടോ മൊബൈൽ വ്യവസായം ശക്തമായതും വിപണിയെ ചലിപ്പിക്കുന്നുണ്ട്. വില…