കരിപ്പൂർ വിമാനത്താവളത്തിൽ വൻ സ്വർണവേട്ട. ക്യാപ്സൂളുകളിലാക്കി കടത്താൻ ശ്രമിച്ച 1.144 ഗ്രാം സ്വർണമാണ് പിടികൂടിയത്. ഏകദേശം 60 ലക്ഷത്തോളം വില വരുന്ന സ്വർണമാണിതെന്ന് അധികൃതർ അറിയിച്ചു ദുബൈയിൽ നിന്നുമെത്തിയ മലപ്പുറം സ്വദേശി ഹസ്കറിൽ നിന്നാണ് സ്വർണം പിടികൂടിയത്. കഴിഞ്ഞ മാസം മാത്രം കരിപ്പൂരിൽ നിന്ന് ആറ് കിലോയോളം സ്വർണമാണ് പിടികൂടിയത്.
കെപിസിസി പ്രസിഡന്റ് മുല്ലപ്പള്ളി രാമചന്ദ്രന്റെ സ്ത്രീവിരുദ്ധ പരാമർശത്തിനെതിരെ ആരോഗ്യമന്ത്രി കെ കെ ശൈലജ രംഗത്ത്. മുല്ലപ്പള്ളിയുടെ പരാമർശം സമൂഹത്തിനാകെ അപമാനകരമാണ്. അങ്ങേയറ്റം പൈശാചികമായ ഒരു കൃത്യത്തെ എങ്ങനെയാണ് ന്യായീകരിക്കാൻ സാധിക്കുന്നതെന്ന് മന്ത്രി ചോദിച്ചു ആക്രമിക്കപ്പെട്ടുന്ന പെൺകുട്ടികളുടെ ജീവൻ രക്ഷിക്കാനും കുറ്റവാളിയെ ശിക്ഷിക്കാനുമാണ് നാം ആഗ്രഹിക്കുന്നത്. ബലാത്സംഗം ഉണ്ടാകുന്നത് സ്ത്രീകൾ ശ്രദ്ധിക്കാത്തതു കൊണ്ടല്ല. വ്യക്തമായ നിർദേശങ്ങൾ നൽകേണ്ടവർ ഇത്തരത്തിൽ പരാമർശം നടത്തുന്നത് സമൂഹത്തിൽ ഭവിഷ്യത്ത് ഉണ്ടാക്കും. പരാമർശത്തിൽ ഖേദം പ്രകടിപ്പിച്ചതു കൊണ്ട് മാത്രമായില്ലെന്നും മന്ത്രി പറഞ്ഞു. സംസ്ഥാനം മുഴുവൻ…
സിപിഎം കോൺഗ്രസ് കൂട്ടുകെട്ട് ഇന്ത്യൻ രാഷ്ട്രീയത്തിൽ അനിവാര്യമാണെന്ന് ഉമ്മൻ ചാണ്ടി. ബിജെപിയെ എതിർക്കുകയാണ് പ്രധാനം. കോൺഗ്രസിന്റെ ശക്തി കുറഞ്ഞിട്ടുണ്ട്. എന്നാൽ കോൺഗ്രസിനെ ആരും എഴുതി തള്ളേണ്ട. കോൺഗ്രസുമായുള്ള കൂട്ടുകെട്ടിനെ കേരളത്തിലെ സിപിഎം മാത്രമാണ് എതിർത്തത്. സിപിഎം എതിർത്തതിന്റെ ഫലം കഴിഞ്ഞ ബീഹാർ തെരഞ്ഞെടുപ്പിലും കണ്ടതാണ്. സിപിഎം സ്ഥാനാർഥികളെ നിർത്തിയതു കൊണ്ട് മാത്രം എട്ടോളം സീറ്റുകളിൽ ബിജെപി വിരുദ്ധ മുന്നണി തോറ്റു. ബിജെപിക്കെതിരെ മതേതര ശക്തികൾ ഒന്നിക്കണമെന്നും ഉമ്മൻ ചാണ്ടി പറഞ്ഞു. ബലാത്സംഗം ചെയ്യപ്പെട്ട ആത്മാഭിമാനമുള്ള…
നെയ്യാർ സഫാരി പാർക്കിലെ കൂട്ടിൽ നിന്നും പുറത്തുചാടിയ കടുവയെ കണ്ടെത്തി മയക്കുവെടി വെച്ചു. മണിക്കൂറുകൾ നീണ്ട തെരച്ചിലിനൊടുവിലാണ് കടുവയെ കണ്ടെത്തി വെടിവെച്ചത്. മയങ്ങിയ കടുവയെ വനംവകുപ്പ് അധികൃതരും ഡോക്ടർമാരും ചേർന്ന് കൂട്ടിലേക്ക് മാറ്റി ശനിയാഴ്ച ഉച്ചയോടെയാണ് സിംഹ സഫാരി പാർക്കിലെ കൂട്ടിൽ നിന്നും കടുവ ചാടിയത്. കടുവക്കായുള്ള തെരച്ചിൽ ശനിയാഴ്ച മുതലേ ആരംഭിച്ചിരുന്നു. ഡ്രോൺ ക്യാമറയുടെ സഹായത്തോടെ നടത്തിയ തെരച്ചിലിൽ ശനിയാഴ്ച വൈകുന്നേരം സഫാരി പാർക്കിന്റെ പ്രവേശനകവാടത്തിന് സമീപമുള്ള പാറയ്ക്ക് അരികിലായി കടുവയെ കണ്ടെത്തി. എന്നാൽ…
തിരുവനന്തപുരം: സ്വര്ണക്കടത്തുകേസില് അറസ്റ്റിലായ, മുഖ്യമന്ത്രിയുടെ മുന് പ്രിന്സിപ്പല് സെക്രട്ടറി എം ശിവശങ്കര് രഹസ്യങ്ങളുടെ കാവല്ക്കാരന്. ശിവശങ്കറിന് നാഗര്കോവിലില് കോടികളുടെ നിക്ഷേപമുണ്ടെന്നാണ് ഇപ്പോള് കണ്ടെത്തിയിരിക്കുന്നത്. ഇഡിയ്ക്ക് ലഭിച്ചത് പുതിയ കേസിലേയ്ക്കുള്ള രഹസ്യങ്ങളാണെന്നാണ് സൂചനകള് സംസ്ഥാനത്തെ പലഉന്നതന്മാരുമായി ചേര്ന്ന് ശിവശങ്കര് നാഗര്കോവിലില് കാറ്റാടിപ്പാടം സ്വന്തമാക്കി എന്നാണ് ഒടുവില് പുറത്തുവരുന്ന വിവരം. കോടികളുടെ നിക്ഷേപമാണ് ശിവശങ്കര് നാര്ഗകോവിലില് നടത്തിയിരിക്കുന്നതത്രേ. ശിവശങ്കറിന്റെ ചാര്ട്ടേഡ് അക്കൗണ്ടന്റ് പി. വേണുഗോപാലില് നിന്നാണ് പുതിയ രഹസ്യം അന്വേഷണ സംഘത്തിന് (ഇ.ഡി) ലഭിച്ചത്. സ്വപ്നയുടെ രഹസ്യ ലോക്കര്…
കൈറ്റ് വിക്ടേഴ്സില് സ്കൂള് കുട്ടികള്ക്കായി ആരംഭിച്ച ഫസ്റ്റ് ബെല് ഡിജിറ്റല് ക്ലാസുകളുടെ ഭാഗമായി നവംബര് 2 തിങ്കള് മുതല് പ്ലസ് വണ് ക്ലാസുകളും ആരംഭിക്കുന്നു. ആദ്യ ആഴ്ചകളില് ഇംഗ്ലീഷ്, മാത്തമാറ്റിക്സ്, ഫിസിക്സ്, ഇക്കണോമിക്സ്, അക്കൗണ്ടന്സി തുടങ്ങിയ വിഷയങ്ങളാണ് സംപ്രേഷണം ചെയ്യുന്നത്. തുടർന്നുള്ള ദിവസങ്ങളില് മറ്റ് വിഷയങ്ങളുടെ സംപ്രേഷണവും ഉണ്ടായിരിക്കുമെന്ന് കൈറ്റ് സി.ഇ.ഒ കെ. അന്വർ സാദത്ത് അറിയിച്ചു. തിങ്കള് മുതല് വെള്ളി വരെ രാവിലെ 9.30-നും 10.00-നുമായി രണ്ടു ക്ലാസുകള് വീതമാണ് സംപ്രേഷണം ചെയ്യുന്നത്. ക്ലാസുകള് കഴിയുന്ന…
സ്വർണക്കടത്ത് ഉൾപ്പെടെയുള്ള അഴിമതിക്കേസുകളിൽ സർക്കാരിനെ താഴെയിറക്കും വരെ സമരം തുടരുമെന്ന് പ്രഖ്യാപിച്ച് പ്രതിപക്ഷം. സർക്കാരിനെതിരെ യുഡിഎഫ് ഇന്ന് സംസ്ഥാന വ്യാപകമായി വഞ്ചനാദിനം ആചരിക്കുകയാണ്. ബംഗളൂരു മയക്കുമരുന്ന് കേസിലെ പ്രതി അനൂപ് മുഹമ്മദ് ബിനീഷ് കോടിയേരിയുടെ ബിനാമിയെങ്കിൽ എം ശിവശങ്കർ ആരുടെ ബിനാമിയാണെന്ന് രമേശ് ചെന്നിത്തല ചോദിച്ചു. സെക്രട്ടേറിയറ്റിന് മുന്നിൽ നടന്ന സമരത്തിൽ സംസാരിക്കുകയായിരുന്നു ചെന്നിതത്ല മുഖ്യമന്ത്രിയുടെ ഓഫീസ് അധോലോക സംഘങ്ങളുടെ താവളമായി മാറിക്കഴിഞ്ഞു. മാധ്യമ പ്രവർത്തകരുടെ ചോദ്യങ്ങൾക്ക് മുന്നിൽ എത്ര ദിവസം മുഖ്യമന്ത്രി മൈക്ക് ഓഫ് ചെയ്തു…
കണ്ണൂർ ജില്ലാ ആശുപത്രിക്ക് സമീപം അലഞ്ഞ് തിരിഞ്ഞ് നടക്കുന്നവർ തമ്മിലുണ്ടായ അടിപിടിയിൽ ഒരാൾ മരിച്ചു . മധ്യവയസ്കൻ ആണ് മരിച്ചത് ഇന്ന് രാവിലെയാണ് ജില്ലാ ആശുപത്രി പരിസരത്തെ പെട്ടിക്കടയുടെമുന്നിലാണ് മൃതദേഹം കണ്ടെത്തിയത്. സംഭവത്തിൽ ഒരാളെ പൊലീസ് അറസ്റ്റ് ചെയ്തു
ബംഗളൂരു മയക്കുമരുന്ന് കേസുമായി ബന്ധപ്പെട്ട അന്വേഷണം മലയാള സിനിമാ മേഖലയിലേക്കും. കേസിലെ പ്രതി അനൂപ് മുഹമ്മദിന് മലയാള സിനിമാ മേഖലയുമായി ബന്ധമുണ്ടെന്ന് എൻ സി ബി കണ്ടെത്തി. ഇതിന്റെ അടിസ്ഥാനത്തിൽ എൻസിബി കൊച്ചി യൂനിറ്റ് അന്വേഷണം ആരംഭിച്ചു നാല് സിനിമാ താരങ്ങളെ എൻസിബി ചോദ്യം ചെയ്തു. അനൂപിന്റെ സിനിമാ ഇടപാടുകൾക്കൊപ്പം ബിനീഷ് കോടിയേരിയുടെ സിനിമാ ബന്ധങ്ങളും അന്വേഷണ വിധേയമാക്കും. കേസിൽ ബിനീഷിനെയും പ്രതി ചേർക്കാൻ എൻ സി ബി ശ്രമം ആരംഭിച്ചിട്ടുണ്ട്. ഇന്നലെ വൈകുന്നേരത്തോടെ എൻ സി…
ഈ വർഷത്തെ മലയാള ദിനാഘോഷം ഇന്ന് സംഘടിപ്പിക്കും. മുഖ്യമന്ത്രി പിണറായി വിജയൻ രാവിലെ 10ന് ഓൺലൈനായി മലയാളദിന സന്ദേശം നൽകും. വിപുലമായ ആഘോഷ പരിപാടികൾ ഒഴിവാക്കിയാകും ചടങ്ങുകൾ. ഭരണഭാഷാ വാരാഘോഷം നവംബർ ഏഴുവരെ നടക്കും. സംസ്ഥാനത്തെ എല്ലാ ഓഫീസുകളിലും ഓരോ ദിവസവും ഭരണരംഗത്ത് ഉപയോഗിക്കുന്ന അഞ്ച് ഇംഗ്ലീഷ് പദങ്ങളും സമാന മലയാള പദങ്ങളും എഴുതി പ്രദർശിപ്പിക്കണമെന്ന് ഉദ്യോഗസ്ഥ ഭരണ പരിഷ്കാര വകുപ്പ് നിർദ്ദേശം നൽകി.