Kerala

കേരളത്തിൽ എൻസിപി ഇടതുമുന്നണിയിൽ തന്നെ തുടരും. ദേശീയ പ്രസിഡന്റ് ശരദ് പവാറിന്റെ വീട്ടിൽ നടന്ന ചർച്ചയ്ക്ക് ശേഷം മുതിർന്ന നേതാവ് പ്രഫുൽ പട്ടേലാണ് ഇക്കാര്യം അറിയിച്ചത്. പാലാ അടക്കം നേരത്തെ മത്സരിച്ച നാല് സീറ്റിലും ഇത്തവണയും മത്സരിക്കുമെന്നും പട്ടേൽ പറഞ്ഞു തുടർ ചർച്ചകൾക്കായി പ്രഫുൽ പട്ടേലിനെയാണ് ശരദ് പവാർ ചുമതലപ്പെടുത്തിയിരിക്കുന്നത്. പവാർ അടുത്ത് തന്നെ കേരളത്തിലെത്തി മുഖ്യമന്ത്രി പിണറായി വിജയൻ അടക്കമുള്ള നേതാക്കളുമായി ചർച്ച നടത്തും. പവാറിന്റെ വീട്ടിൽ നടന്ന യോഗത്തിനിടെ അപ്രതീക്ഷിതമായി സീതാറാം യെച്ചൂരിയും എത്തിയിരുന്നു…

തിരുവനന്തപുരം: പ്രതിവര്‍ഷം 60,000 ത്തോളം രോഗികള്‍ പുതിയതായി സംസ്ഥാനത്ത് രജിസ്റ്റര്‍ ചെയ്യപ്പെടുന്നുവെന്നു മന്ത്രി കെ കെ ശൈലജ ടീച്ചര്‍. ആഗോളതലത്തില്‍ ഫെബ്രുവരി നാലിന് ലോക കാന്‍സര്‍ ദിനം ആചരിക്കുമ്പോള്‍ അവബോധം ശക്തമാക്കും. കാന്‍സര്‍ രോഗ ചികിത്സയ്ക്ക് തുണയായി കാന്‍സര്‍ രോഗികളോടുള്ള അനുകമ്പയുടെയും അനുഭാവത്തിന്റെയും പ്രതീകമായി ‘ഓരോ വ്യക്തിയും കൂടെയുണ്ട്”കൂടെ പ്രവര്‍ത്തിക്കും’ (I am and I will) എന്നതാണ് ഈ വര്‍ഷത്തെ ദിനാചരണത്തിന്റെ സന്ദേശം. നമ്മുടെ സംസ്ഥാനം കാന്‍സര്‍ രോഗ ശരാശരിയില്‍ ദേശീയ ശരാശരിയെക്കാളും ഉയര്‍ന്ന നിലയിലാണ്…

സംസ്ഥാനത്ത് വീണ്ടും വാഹന പരിശോധന കര്‍ശനമാക്കി മോട്ടോര്‍ വാഹന വകുപ്പും പൊലീസും. റോഡ് സുരക്ഷാചരണ മാസത്തില്‍ പ്രത്യേക നിരീക്ഷണം നടത്താനുള്ള കേരള റോഡ് സുരക്ഷ അതോറിറ്റിയുടെ നിര്‍ദേശത്തെ തുടര്‍ന്നാണ് പരിശോധന ശക്തമാക്കിയത്. പതിവില്‍ നിന്ന് വ്യത്യസ്തമായി ഒരു മാസം നീണ്ടു നില്‍ക്കുന്ന പരിശോധനയില്‍ നിയമലംഘനം കണ്ടെത്തിയാല്‍ കര്‍ശന നടപടി സ്വീകരിക്കാനാണു തീരുമാനം. ഫെബ്രുവരി ആറുവരെ ഹെല്‍മറ്റ്, സീറ്റ് ബെല്‍റ്റ് പരിശോധനകള്‍ക്കാണ് പ്രാധാന്യം നല്‍കുക. പത്തുമുതല്‍ 13 വരെ അതിവേഗത്തില്‍ പോകുന്ന വാഹനങ്ങള്‍ക്കെതിരെ നടപടിയെടുക്കും. വിദ്യാലയ പരിധിയില്‍ പ്രത്യേക…

പാലക്കാട് തൃത്താലയിൽ അമ്മയും മക്കളും കിണറ്റിൽ മരിച്ച നിലയിൽ കണ്ടെത്തി. പഞ്ചായത്ത് ആലൂർ കയറ്റം ആട്ടയിൽപടി കുട്ടി അയ്യപ്പൻറെ മകൾ ശ്രീജ,(28) മക്കളായ അഭിഷേക് (6) വയസ്, അഭിനവിനെയുമാണ് (4) മരിച്ച നിലയിൽ കണ്ടെത്തിയത്. ഇവരെ ഇന്നലെ വൈകിട്ട് 5.30 മുതൽ കാണാതായിരുന്നു. തെരച്ചിലിനിടെ ഇന്ന് രാവിലെ ശ്രീജയുടെ വീട്ടിലെ കിണറ്റിൽ നിന്നാണ് മൃതദേഹങ്ങൾ കണ്ടെത്തിയത്

എം ശിവശങ്കർ ജയിൽ മോചിതനാകുന്നു. വിദേശത്തേക്ക് ഡോളർ കടത്തിയ കേസിലും ജാമ്യം ലഭിച്ചതോടെയാണ് ജയിൽ മോചനം സാധ്യമാകുന്നത്. എറണാകുളത്തെ പ്രത്യേക സാമ്പത്തിക കുറ്റവിചാരണ കോടതിയാണ് ജാമ്യം അനുവദിച്ചത്. ഇതോടെ ശിവശങ്കറിന് ഇന്ന് പുറത്തിറങ്ങാം സ്വർണക്കടത്ത് കേസിലെ അതേ ജാമ്യവ്യവസ്ഥകളോടെയാണ് ജാമ്യം. രണ്ട് ലക്ഷം രൂപയും തുല്യ തുകയ്ക്കുള്ള ആൾ ജാമ്യവും വേണം. എല്ലാ തിങ്കളാഴ്ചയും അന്വേഷണ ഉദ്യോഗസ്ഥന് മുന്നിൽ ഹാജരാകണമെന്നും കോടതി നിർദേശിച്ചു. ഒക്ടോബർ 28നാണ് ശിവശങ്കറെ ഇ ഡി അറസ്റ്റ് ചെയ്യുന്നത്. കള്ളപ്പണ കേസിൽ ചോദ്യം…

ഹൈക്കോടതി ജഡ്ജിയുടെ വാഹനത്തിൽ കരി ഓയിൽ ഒഴിച്ച് പ്രതിഷേധം. ജസ്‌നയുടെ തിരോധാനം അന്വേഷിക്കണമെന്ന് ആവശ്യപ്പെട്ട് ബന്ധുവാണ് കരി ഓയിൽ ഒഴിച്ചത്. ഹൈക്കോടതി ജഡ്ജി ഷിർസിയുടെ കാറിലാണ് കരി ഓയിൽ ഒഴിച്ചത്. ഹൈക്കോടതി എൻട്രൻസ് ഗേറ്റിൽ പ്ലക്കാർഡുമായി നിന്നയാളാണ് കരി ഓയിൽ ഒഴിച്ചത്. സംഭവത്തിന് പിന്നാലെ ഇയാളെ പോലീസ് പിടികൂടി. ജസ്‌നയുടെ തിരോധാനം അന്വേഷിക്കണമെന്നാവശ്യപ്പെട്ട് ബന്ധുക്കൾ ഹൈക്കോടതിയെ സമീപിച്ചിരുന്നു. കേസ് നിലവിൽ കോടതിയുടെ പരിഗണനയിലാണ്.

സംസ്ഥാനത്ത് സ്വർണവില ഇന്നും കുറഞ്ഞു. പവന് ബുധനാഴ്ച 320 രൂപയാണ് കുറഞ്ഞത്. ഇതോടെ ഒരു പവൻ സ്വർണത്തിന്റെ വില 35,800 രൂപയിലെത്തി. ഗ്രാമിന് 4475 രൂപയായി. കഴിഞ്ഞ അഞ്ച് മാസത്തിനിടെ സ്വർണവിലയിൽ 6200 രൂപയുടെ കുറവാണുണ്ടായിരിക്കുന്നത്. 2020 ഓഗസ്റ്റ് ഏഴിന് സ്വർണവില ചരിത്രത്തിലെ ഏറ്റവുമുയർന്ന വിലയായ 42,000ത്തിൽ എത്തിയിരുന്നു. 2020 നവംബർ 30ന് 35,760 രൂപയിലെത്തുകയും ചെയ്തു. പിന്നീട് പടിപടിയായി ഉയർന്നതിന് ശേഷമാണ് വീണ്ടും 35,800 രൂപയിലെത്തിയത്. ആഗോളവിപണിയിൽ സ്‌പോട്ട് ഗോൾഡ് ഔൺസിന് 1844.48 ഡോളറായി. ദേശീയ…

പ്രതിപക്ഷ നേതാവ് രമേശ് ചെന്നിത്തല നയിക്കുന്ന ഐശ്വര്യ കേരള യാത്രയിൽ മുഖ്യ പ്രചാരണ വിഷയം ശബരിമലയെന്ന് തെളിയുന്നു. രാഷ്ട്രീയം പറയാതെ ശബരിമല വിഷയം ആളിക്കത്തിച്ച് വോട്ട് കണ്ടെത്താനുള്ള ശ്രമമാണ് കോൺഗ്രസ് നടത്തുന്നത്. ശബരിമല വിഷയത്തിൽ സിപിഎമ്മിനും ബിജെപിക്കും ഒരേ നിലപാടാണെന്ന് രമേശ് ചെന്നിത്തല ആരോപിച്ചു ശബരിമല സ്ത്രീ പ്രവേശനം ഏറ്റവുമധികം വേദനിപ്പിച്ച സംഭവമാണ്. ഭക്തർക്ക് മുറിവുണ്ടാക്കി. ശബരിമല റിവ്യൂ ഹർജി വേഗത്തിൽ തീർപ്പുകൽപ്പിക്കാൻ സുപ്രീം കോടതിയോട് ആവശ്യപ്പെടാൻ സംസ്ഥാന സർക്കാർ തയ്യാറുണ്ടോയെന്നതിൽ മുഖ്യമന്ത്രി ഉത്തരം പറയണം. പാർലമെന്റിൽ…

ഡോളർ കടത്ത് കേസിൽ എം ശിവശങ്കർ നൽകിയ ജാമ്യാപേക്ഷയിൽ കൊച്ചിയിലെ സാമ്പത്തിക കുറ്റവിചാരണ കോടതി ഇന്ന് വിധി പറയും. ഇന്ന് ജാമ്യം ലഭിക്കുകയാണെങ്കിൽ കഴിഞ്ഞ മൂന്ന് മാസത്തിലേറെ അനുഭവിക്കുന്ന ജയിൽവാസത്തിൽ നിന്ന് ശിവശങ്കറിന് മോചനം നേടാം രാവിലെ 11 മണിയോടെയാണ് വിധിയുണ്ടാകുക. സ്വർണക്കടത്തുമായി ബന്ധപ്പെട്ട കസ്റ്റംസ് കേസിൽ കുറ്റപത്രം സമർപ്പിക്കാത്തതിനാൽ ശിവശങ്കറിന് കഴിഞ്ഞാഴ്ച സ്വാഭാവിക ജാമ്യം ലഭിച്ചിരുന്നു. ഇ ഡി രജിസ്റ്റർ ചെയ്ത കള്ളപ്പണ കേസിൽ ഹൈക്കോടതിയും ജാമ്യം നൽകിയിരുന്നു. ഇനി ബാക്കിയുള്ളത് ഡോളർ കടത്ത് കേസാണ്….

എറണാകുളം പിറവം തിരുമാറാടിയിൽ മദ്യലഹരിയിൽ പോലീസിനെ മൂന്നംഗ സംഘം ആക്രമിച്ചു. ആക്രമണത്തിൽ വനിതാ എസ് ഐക്ക് പരുക്കേറ്റു. അക്രമി സംഘത്തിലെ ഒരാളെ നാട്ടുകാരും പോലീസും ചേർന്ന് പിടികൂടി. രാമപുരം സ്വദേശി എൽദോകുട്ടിയാണ് പിടിയിലായത്. മാസ്‌ക് ധരിക്കാതെ നിന്നത് ചോദ്യം ചെയ്തതാണ് സംഭവങ്ങൾക്ക് തുടക്കം. പോലീസ് ജീപ്പിന്റെ താക്കോൽ സംഘം എടുത്തു കൊണ്ടു പോകുകയും ചെയ്തു. സംഘത്തിലെ രണ്ട് പേർക്കായുള്ള തെരച്ചിൽ തുടരുകയാണ്.