Kerala

നിയമസഭാ തെരഞ്ഞെടുപ്പിൽ പിന്തുണ അഭ്യർഥിച്ച് കോൺഗ്രസ് നേതാക്കൾ മർകസിലെത്തി. എഐസിസി ജനറൽ സെക്രട്ടറി താരിഖ് അൻവറിന്റെ നേതൃത്വത്തിലാണ് കോൺഗ്രസ് നേതാക്കൾ കാന്തപുരം അബൂബക്കർ മുസ്ലിയാരുമായി ചർച്ച നടത്തിയത് പി വി മോഹനൻ, ടി സിദ്ദിഖ്, കെ പി അനിൽകുമാർ തുടങ്ങിയ നേതാക്കളും താരിഖ് അൻവറിനൊപ്പമുണ്ടായിരുന്നു. പാർലമെന്റിൽ മാത്രം ശ്രദ്ധ കേന്ദ്രീകരിച്ചാൽ പോരെന്നും പ്രാദേശിക വിഷയങ്ങളിൽ സജീവമായി ഇടപെടണമെന്നും നേതാക്കളോടായി കാന്തപുരം നിർദേശിച്ചു മതേതരത്വം ശക്തിപ്പെടുത്താനുള്ള ശ്രമങ്ങളിൽ നിന്ന് കോൺഗ്രസ് പിന്നോട്ടു പോകുന്നതായി സംശയങ്ങളുണ്ട്. ഉചിതമായ നടപടികൾ വേണമെന്നും…

വണ്ടൂര്‍: ഒന്നര വയസ്സുകാരി ബക്കറ്റിലെ വെള്ളത്തില്‍ വീണ് മരിച്ചു. പഴയ ചന്തക്കുന്ന് ചുമട്ടുതൊഴിലാളിയായ മക്കണ്ണന്‍ സറഫുദ്ദീന്റെ മകളാണ് ബക്കറ്റിലെ വെള്ളത്തില്‍ വീണ് മരിച്ചത്. കൂരാട് തെക്കുംപുറത്ത് കുട്ടിയുടെ മാതാവിന്റെ വീട്ടില്‍വച്ചാണ് സംഭവം. ഉടന്‍ വണ്ടൂരിലെ സ്വകാര്യാശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല.

കേരളത്തിൽ കൊവിഡ് രോഗികളുടെ എണ്ണം വർധിക്കുന്ന സാഹചര്യത്തിൽ കേന്ദ്രസർക്കാർ വീണ്ടും പ്രത്യേക സംഘത്തെ അയക്കും. കേന്ദ്ര ആരോഗ്യമന്ത്രാലയത്തിലെ മുതിർന്ന ഉദ്യോഗസ്ഥന്റെ നേതൃത്വത്തിലാണ് സംഘമെത്തുക സംസ്ഥാന ആരോഗ്യവകുപ്പുമായി ചേർന്ന് കൊവിഡ് പ്രതിരോധ പ്രവർത്തനങ്ങൾ ഊർജിതപ്പെടുത്തുകയാണ് സംഘത്തിന്റെ ചുമതല. ഡൽഹി ലേഡി ഹാർഡിംഗ് മെഡിക്കൽ കോളജിലെയും ആരോഗ്യ കുടുംബക്ഷേമ മന്ത്രാലയത്തിന്റെ തിരുവനന്തപുരം റീജ്യണൽ ഓഫീസിലെ വിദഗ്ധരും അടങ്ങുന്നതാണ് സംഘം കേരളത്തിന് പുറമെ മഹാരാഷ്ട്രയിലേക്കും കേന്ദ്രം പ്രത്യേക സംഘത്തെ അയക്കുന്നുണ്ട്. രാജ്യത്ത് നിലവിലുള്ള രോഗികളിൽ 70 ശതമാനവും ഈ രണ്ട് സംസ്ഥാനങ്ങളിലാണ്.

ഉന്നത വിദ്യാഭ്യാസ മേഖലയിൽ മികവിന്റെ കേന്ദ്രങ്ങൾ ഉയർന്നു വരണമെന്ന് മുഖ്യമന്ത്രി പിണറായി വിജയൻ. കുസാറ്റിൽ നവകേരളം യുവകേരളം പരിപാടിയുടെ സംസ്ഥാനതല ഉദ്ഘാടനം നിർവഹിച്ച് സംസാരിക്കുകയായിരുന്നു മുഖ്യമന്ത്രി. അഞ്ച് സർവകലാശാലയിൽ നിന്നായി 200 വിദ്യാർഥികളാണ് പരിപാടിയിൽ പങ്കെടുത്തത്. 33 പേർ മുഖ്യമന്ത്രിക്ക് മുന്നിൽ ആശയങ്ങൾ അവതരിപ്പിച്ചു. കൊവിഡിനെ തുടർന്ന് പ്രതിസന്ധിയിലായ വീട്ടമ്മമാർക്ക് തൊഴിലവസരങ്ങൾ സൃഷ്ടിക്കണമെന്നതടക്കമുള്ള നിർദേശങ്ങളാണ് യോഗത്തിൽ നിന്നുയർന്നത് വീട്ടമ്മമാരുടെ തൊഴിൽശേഷി ഉപയോഗപ്പെടുത്തുന്നതിന് വെബ് പോർട്ടൽ മുഖേന അവസരങ്ങൾ സൃഷ്ടിക്കുമെന്ന് മുഖ്യമന്ത്രി പറഞ്ഞു. വീട്ടിലിരുന്ന് ജോലി ചെയ്യാൻ നിർബന്ധിതരായവർക്ക്…

മുസ്ലിം ലീഗിനെ കുറിച്ചും പാണക്കാട് വീട്ടിലേക്കുള്ള കോൺഗ്രസ് നേതാക്കളുടെ യാത്രയെ കുറിച്ചും സിപിഎം സംസ്ഥാന സെക്രട്ടറി എ വിജയരാഘവൻ നടത്തിയ പ്രസ്താവനകൾ അതിരുകടന്നതെന്ന് സിപിഎം സംസ്ഥാന സെക്രട്ടേറിയറ്റ്. മുസ്ലീം ലീഗ് വർഗീയ കക്ഷിയാണെന്നും ചെന്നിത്തലയും ഉമ്മൻ ചാണ്ടിയും പാണക്കാട്ടേക്ക് പോയത് തീവ്രവാദ ബന്ധം ഉറപ്പിക്കാനാണെന്നുമുള്ള പ്രസ്താവനയാണ് സിപിഎം സംസ്ഥാന സെക്രട്ടേറിയറ്റ് തള്ളിയത്. തെരഞ്ഞെടുപ്പിന് മുമ്പ് ഇത്തരം വിവാദങ്ങൾ ഒഴിവാക്കണമെന്ന് വിജയരാഘവനോട് പാർട്ടി നിർദേശിച്ചതായാണ് സൂചന. പ്രസ്താവന തിരിച്ചടിയായേക്കുമെന്ന വിലയിരുത്തലാണ് സെക്രട്ടേറിയറ്റ് യോഗത്തിലുണ്ടായത്. പാണക്കാട്ട് കുടുംബത്തിന് നേരെ നടന്ന…

ആർടിപിസിആർ ടെസ്റ്റുകൾ സംസ്ഥാനത്ത് വർധിപ്പിക്കണമെന്ന മുഖ്യമന്ത്രിയുടെ നിർദേശം നടപ്പാക്കാൻ കഴിയില്ലെന്ന് ആരോഗ്യവകുപ്പ്. ആർടിപിസിആർ ടെസ്റ്റുകൾക്ക് ചെലവ് കൂടുതലാണെന്നും ഫലം വരാൻ വൈകുമെന്നുമാണ് വിശദീകരണം. കടുത്ത ലക്ഷണമുള്ളവർക്കും രോഗസാധ്യത കൂടുതലുള്ള സമ്പർക്ക പട്ടികയിലുള്ളവർക്കും ആർടിപിസിആർ ടെസ്റ്റ് നടത്തിയാൽ മതി. ആർടിപിസിആർ ടെസ്റ്റിനേക്കാൾ ഫലപ്രദം ആന്റിജൻ ടെസ്റ്റ് ആണെന്നും സംസ്ഥാനത്ത് കഴിഞ്ഞ ഒരാഴ്ചയായി രോഗവ്യാപനത്തിൽ കുറവുണ്ടെന്നും ആരോഗ്യവകുപ്പ് പറയുന്നു പ്രതിദിന സാമ്പിൾ പരിശോധന ഒരു ലക്ഷം ആക്കണമെന്നും ഇതിൽ 75 ശതമാനവും ആർടിപിസിആർ ടെസ്റ്റ് ആയിരിക്കണമെന്നുമായിരുന്നു മുഖ്യമന്ത്രിയുടെ നിർദേശം. എന്നാൽ…

കെപിസിസി പ്രസിഡന്റ് ആകുന്നതിൽ നിന്ന് തന്നെ തടയാൻ ഒരു വിഭാഗം ഗൂഢനീക്കം നടത്തിയിട്ടുണ്ടെന്ന് കെ സുധാകരൻ. എഐസിസി നേതൃത്വത്തിൽ നിന്ന് തന്നെയാണ് താനീക്കാര്യം അറിഞ്ഞത്. കോൺഗ്രസിനകത്തെ ഗൂഢസംഘം ഇപ്പോൾ സജീവമല്ലെന്നും സുധാകരൻ പറഞ്ഞു രാഹുൽ ഗാന്ധിയുമായി നാളെ കൂടിക്കാഴ്ച നടത്തും. കെപിസിസി പ്രസിഡന്റ് ആകണമോ വേണ്ടയോ എന്ന് തീരുമാനിക്കേണ്ടത് ഹൈക്കമാൻഡാണ്. കെപിസിസി പ്രസിഡന്റ് ആകണമെന്ന് ആവശ്യപ്പെട്ടിട്ടില്ല. മാധ്യമങ്ങളിലൂടെ അറിഞ്ഞുവെന്നല്ലാതെ ഹൈക്കമാൻഡിൽ നിന്ന് ഒരു അറിയിപ്പും ലഭിച്ചിട്ടില്ല കെപിസിസി പ്രസിഡന്റ് സ്ഥാനത്തിൽ മാറ്റം വേണമോയെന്നത് പോലും ചർച്ചയായിട്ടില്ല. സ്ഥാനാർഥി…

നിയമസഭാ തെരഞ്ഞെടുപ്പിൽ മത്സരിക്കണോ വേണ്ടയോ എന്ന കാര്യം പാർട്ടി തീരുമാനിച്ചിട്ടില്ലെന്ന് ബിജെപി സംസ്ഥാന പ്രസിഡന്റ് കെ സുരേന്ദ്രൻ. മത്സരിക്കാതെ പ്രചാരണം നടത്തണമെന്ന് പാർട്ടി പറഞ്ഞാൽ അതാണ് ഏറ്റവും സന്തോഷം. മത്സരിച്ചേ മതിയാകൂവെന്ന് പാർട്ടി പറഞ്ഞാൽ മത്സരിക്കേണ്ടി വരും മുതിർന്ന നേതാക്കളെല്ലാം മത്സരിക്കണമെന്നാണ് പാർട്ടി ആഗ്രഹിക്കുന്നത്. തെരഞ്ഞെടുപ്പ് തയ്യാറെടുപ്പുകൾ, പ്രചാരണം എന്നിവക്കായി കുറച്ചുപേർ മാറി നിൽക്കണം. ഐക്യത്തോടെയാണ് പാർട്ടി തെരഞ്ഞെടുപ്പിനെ നേരിടുന്നത്. എല്ലാവരും സജീവമാകും. ആരും മാറി നിൽക്കില്ലെന്നാണ് പ്രതീക്ഷയെന്നും ശോഭാ സുരേന്ദ്രൻ വിഷയത്തിൽ കെ സുരേന്ദ്രൻ പറഞ്ഞു….

ശബരിമല വിഷയം തെരഞ്ഞെടുപ്പിൽ പ്രധാന ചർച്ചയാകുമെന്ന് പ്രതിപക്ഷ നേതാവ് രമേശ് ചെന്നിത്തല. പാണക്കാട് പരാമർശം സിപിഎമ്മിന് തിരിച്ചടിയാകുമെന്നും ചെന്നിത്തല പറഞ്ഞു. ചെന്നിത്തല നയിക്കുന്ന ഐശ്വര്യ കേരള യാത്ര ഇന്ന് കണ്ണൂർ ജില്ലയിൽ പര്യടനം നടത്തും ശബരിമല വിധി തന്നെ സർക്കാരിന്റെ നിലപാടിനെ തുടർന്നല്ലേ ഉണ്ടായത്. സത്യവാങ്മൂലം മാറ്റി ഉമ്മൻ ചാണ്ടി സർക്കാർ കൊടുത്ത സത്യവാങ്മൂലം നൽകാൻ സർക്കാർ തയ്യാറാകണമെന്നും ചെന്നിത്തല പറഞ്ഞു. സർക്കാർ ഒളിച്ചു കളിക്കുകയാണെന്നും ചെന്നിത്തല ആരോപിച്ചു. ബിജെപിക്ക് ഇക്കാര്യത്തിൽ കപടമുഖമാണുള്ളത്. ശബരിമല വിഷയത്തിൽ ഞാനടക്കമുള്ള…

നിയമസഭാ തെരഞ്ഞെടുപ്പിന്റെ മുന്നൊരുക്കങ്ങൾ ചർച്ച ചെയ്യാൻ സിപിഎം സംസ്ഥാന നേതൃയോഗങ്ങൾ ഇന്ന് തുടങ്ങും. ഇന്ന് സംസ്ഥാന സെക്രട്ടേറിയറ്റ് ചേരും. സർക്കാരിന്റെ വികസന പ്രവർത്തനങ്ങളുടെ പ്രചാരണവും പ്രകടന പത്രിക രൂപീകരണവും എൽ ഡി എഫ് ജാഥയും  യോഗത്തിൽ ചർച്ചയാകും നാളെയും മറ്റന്നാളുമായി സിപിഎം സംസ്ഥാന സമിതി യോഗങ്ങളും ചേരുന്നുണ്ട്. സ്ഥാനാർഥി നിർണയമടക്കമുള്ള കാര്യങ്ങൾ യോഗം ചർച്ച ചെയ്യും. ഘടകകക്ഷികൾക്ക് നൽകേണ്ട സീറ്റ് സംബന്ധിച്ചും യോഗത്തിൽ ചർച്ച നടക്കും. ജില്ലകളിലെ തെരഞ്ഞെടുപ്പ് ഒരുക്കങ്ങളും യോഗം വിശകലനം ചെയ്യും.