Kerala

നാടുകാണി പവലിയന് സമീപം പാറക്കെട്ടിൽ വീണ കാഞ്ഞാർ സ്വദേശിയായ പെൺകുട്ടി ഗുരുതര പരിക്കുകളോടെ അത്ഭുതകരമായി രക്ഷപ്പെട്ടു. എന്നാൽ, പെൺകുട്ടി മരിച്ചെന്ന്‌ കരുതി ഒപ്പമുണ്ടായിരുന്ന മേലുകാവ്‌ സ്വദേശിയായ യുവാവ്‌ സമീപമുള്ള മരത്തിൽ തൂങ്ങി മരിച്ചു. ഇല്ലിക്കൽ(മുരിക്കൻ തോട്ടത്തിൽ) അലക്‌സാ‌(23) ണ്‌ മരിച്ചത്‌. വ്യാഴാഴ്ച വൈകിട്ടാണ് സംഭവം എന്ന് കരുതുന്നു. നാടുകാണി പവലിയന് സമീപം പാറക്കെട്ടിൽ ഇരുന്ന് സംസാരിക്കുന്നതിനിടെ പെൺകുട്ടി താഴേക്ക്‌ വിഴുകയായിരുന്നു. നൂറടി താഴ്‌ചവരുന്ന പാറക്കെട്ടിലൂടെ ഇറങ്ങി പെൺകുട്ടിയുടെ അടുത്തെത്തിയ യുവാവ് ബോധരഹിതയായ പെൺകുട്ടിയെ കാണുകയും മരിച്ചെന്നു കരുതി…

തിരുവനന്തപുരം: പൗരത്വ ഭേദഗതി നിയമം രാജ്യത്ത് വിഭജനം ഉണ്ടാക്കുന്നതിന് കൊണ്ടുവന്ന നിയമമാണെന്നും അതൊരിക്കലും കേരളത്തില്‍ നടപ്പാക്കില്ലെന്നും മുഖ്യമന്ത്രി പിണറായി വിജയന്‍. എല്‍ഡിഎഫ് സര്‍ക്കാര്‍ പൗരത്വനിയമത്തെ തുറന്നെതിര്‍ക്കുമെന്നും മുഖ്യമന്ത്രി പറഞ്ഞു. തിരുവനന്തപുരത്ത് സംഘടിപ്പിച്ച എല്‍ഡിഎഫ് തിരഞ്ഞെടുപ്പ് റാലിയില്‍ സംസാരിക്കുകയായിരുന്നു മുഖ്യമന്ത്രി. ”പൗരത്വഭേദഗതി നിയമം രാജ്യത്തെ ജനങ്ങളെ വിഭജിക്കുന്നതിനാണ് കൊണ്ടുവന്നത്. അത് ജനങ്ങളില്‍ ഭയം ജനിപ്പിക്കാന്‍ ഉദ്ദേശിച്ചുകൊണ്ടുള്ളതാണ്. രാജ്യത്ത് തലമുറകളായി താമസിച്ചുവരുന്നവര്‍ക്ക് ഇവിടെ താമസിക്കാന്‍ അവകാശമില്ലെന്നാണ് നിയമം പറയുന്നത്. പൗരത്വനിയമം പാസ്സാക്കിയപ്പോള്‍ എല്‍ഡിഎഫിന് അത് നടപ്പാക്കില്ലെന്ന് പ്രഖ്യാപിക്കുന്നതില്‍ ഒരു സംശയവുമുണ്ടായില്ല”-…

മുതിര്‍ന്ന നാടക പ്രവര്‍ത്തകനും സിനിമാനടനുമായ പി.സി. സോമന്‍ അന്തരിച്ചു. എണ്‍പത്തിയൊന്നു വയസ്സായിരുന്നു. വാര്‍ധക്യസഹജമായ അസുഖങ്ങള്‍ കാരണം ഇന്ന് വെളുപ്പിനായിരുന്നു അന്ത്യം. അമച്വര്‍ നാടകങ്ങളിലൂടെ കലാരംഗത്ത് കടന്ന പി.സി സോമന്‍ മികച്ച സംഘാടകനുമായിരുന്നു. അടൂര്‍ഗോപാലകൃഷ്ണന്റെ ആദ്യചിത്രമായ സ്വയംവരം മുതല്‍ ഒട്ടേറെ സിനിമകളില്‍ അഭിനയിച്ചിട്ടുണ്ട്. വിധേയന്‍, മതിലുകള്‍ തുടങ്ങിയ ചിത്രങ്ങളില്‍ ശ്രദ്ധേയമായ വേഷങ്ങള്‍ ചെയ്തു. ഒട്ടേറെ ടെലിവിഷന്‍ പരമ്പരകളിലും അഭിനയിച്ചിട്ടുണ്ട്. ട്രാവന്‍കൂര്‍ ടൈറ്റാനിയത്തിലെ ജീവനക്കാരന്‍ കൂടിയായിരുന്നു. അന്തരിച്ച മുതിര്‍ന്ന പത്രപ്രവര്‍ത്തകന്‍ പി.സി. സുകുമാരന്‍ നായരുടെ സഹോദരനാണ്.

സംസ്ഥാനത്ത് തിങ്കളാഴ്ച വരെ ഇടിമിന്നലോടു കൂടിയ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥാ നിരീക്ഷണ കേന്ദ്രം. പൊതുജനങ്ങൾ ജാഗ്രത പാലിക്കണം. മാർച്ച് 29 വരെ ഒറ്റപ്പെട്ട മഴയ്ക്ക് സാധ്യതയുണ്ടെന്നാണ് മുന്നറിയിപ്പ്. ഇതോടൊപ്പമാണ് ഇടിമിന്നൽ ജാഗ്രതാ നിർദേശവും. കഴിഞ്ഞ ദിവസങ്ങളിലും സംസ്ഥാനത്തിന്റെ വിവിധ ഭാഗങ്ങളിൽ കനത്ത മഴ ലഭിച്ചിരുന്നു.

കിഫ്ബിയിലെ ആദായ നികുതി വകുപ്പിന്റെ പരിശോധനക്കെതിരെ വിമർശനവുമായി മുഖ്യമന്ത്രി പിണറായി വിജയൻ. കേന്ദ്രത്തിലെ അധികാരം ഉപയോഗിച്ച് അപമാനിക്കാൻ ശ്രമിച്ചാൽ സ്വയം അപമാനിതരായി മാറുമെന്ന് മുഖ്യമന്ത്രി പറഞ്ഞു. പരിശോധനയെ തെമ്മാടിത്തരമെന്നാണ് ധനമന്ത്രി തോമസ് ഐസക് വിമർശിച്ചത്വികസനം നടക്കാൻ പാടില്ലെന്ന നിലപാടാണ് യുഡിഎഫിനും ബിജെപിക്കും ഉള്ളത്. കേരളത്തിൽ യുഡിഎഫും ബിജെപിയും തമ്മിൽ ഒരു കേരളാ തല യോജിപ്പുണ്ടെന്ന് മുഖ്യമന്ത്രി പറഞ്ഞു. സ്വന്തം താത്പര്യങ്ങൾക്കനുസരിച്ചല്ല ആദായ നികുതി വകുപ്പിന്റെ ഇടപെടൽ. ഇൻകം ടാക്സിന് വിവരങ്ങൾ ചോദിക്കാൻ അതിന്റേതായ രീതിയുണ്ട്. മറുപടി നൽകാൻ…

ഏപ്രിൽ ഒന്ന് മുതൽ 45 വയസ്സിന് മുകളിൽ പ്രായമുള്ളവർക്ക് കൊവിഡ് വാക്‌സിൻ നൽകുന്നതിനാവശ്യമായ സംവിധാനങ്ങൾ ഏർപ്പെടുത്തിയതായി ആരോഗ്യവകുപ്പ്. കേന്ദ്ര, സംസ്ഥാന സർക്കാർ ആശുപത്രികൾ, സർക്കാർ നിശ്ചയിച്ച സ്വകാര്യ ആശുപത്രികൾ, പൊതു കെട്ടിടങ്ങൾ എന്നിവിടങ്ങളിൽ വാക്‌സിനേഷൻ സൗകര്യം ലഭ്യമായിരിക്കും 45 വയസ്സിന് മുകളിൽ പ്രായമുള്ള ആരും തന്നെ കൊവിഡ് വാക്‌സിൻ എടുക്കാൻ മടി കാണിക്കരുത്. കുറഞ്ഞ രോഗബാധ നിരക്ക് സംസ്ഥാനത്ത് തുടർന്നും നിലനിർത്തണമെങ്കിൽ സ്‌കൂളുകൾ തുറക്കുന്നതിന് മുമ്പായി മുൻഗണനാ ക്രമം അനുസരിച്ച് വാക്‌സിൻ സ്വീകരിക്കേണ്ടവർ സ്വീകരിക്കണം. വിദ്യാഭ്യാസ സ്ഥാപനങ്ങൾ…

സ്വർണക്കടത്ത് കേസിൽ മുഖ്യമന്ത്രിക്കും പങ്കുണ്ടെന്ന തരത്തിൽ മൊഴി നൽകാൻ ഇ ഡി ഉദ്യോഗസ്ഥർ സമ്മർദം ചെലുത്തിയെന്ന സന്ദീപ് നായരുടെ പരാതിയിൽ മറുപടി നൽകാൻ ഇ ഡി കൂടുതൽ സമയം ആവശ്യപ്പെട്ടു. ഈ മാസം 30ന് വിശദമായ മറുപടി നൽകാമെന്ന് ഇ ഡി കോടതിയെ അറിയിച്ചു ഉന്നതരുടെ പേര് പറയാൻ ഇഡി നിർബന്ധിച്ചുവെന്നും സന്ദീപ് കോടതിക്ക് കത്തയച്ചതിൽ ഗൂഢാലോചനയുണ്ടെന്നും ഇ ഡി പറയുന്നു. കസ്റ്റഡിയിലുള്ളപ്പോൾ സന്ദീപ് നായർക്ക് പരാതി ഉന്നയിച്ചില്ലായിരുന്നു. ഇപ്പോഴത്തെ പരാതി കേസ് അട്ടിമറിക്കാനുള്ള നീക്കമാണെന്നും ഇഡി…

ഇരട്ട വോട്ടുകൾ മരവിപ്പിക്കണമെന്ന പ്രതിപക്ഷ നേതാവ് രമേശ് ചെന്നിത്തല നൽകിയ ഹർജിയിൽ ഹൈക്കോടതി തെരഞ്ഞെടുപ്പ് കമ്മീഷന്റെ വിശദീകരണം തേടി. തിങ്കളാഴ്ച നിലപാട് വ്യക്തമാക്കാൻ കോടതി നിർദേശിച്ചു. ഇരട്ട വോട്ടുള്ളവർക്ക് തെരഞ്ഞെടുപ്പിൽ വോട്ടവകാശം നിഷേധിക്കണമെന്ന ഇടക്കാല ആവശ്യമാണ് ഹർജിയിൽ രമേശ് ചെന്നിത്തല ഉന്നയിച്ചത്. അഞ്ച് തവണ തെരഞ്ഞെടുപ്പ് കമ്മീഷന് പരാതി നൽകിയെങ്കിലും നടപടിയുണ്ടായില്ലെന്നും ചെന്നിത്തല പറയുന്നു. ഇരട്ട വോട്ട് നീക്കം ചെയ്യുന്നതിൽ സാങ്കേതിക തടസ്സമുണ്ടെന്ന് കമ്മീഷൻ മറുപടി നൽകിയതായും ഹർജിയിൽ പറയുന്നുണ്ട് ഹർജി അടിയന്തരമായി പരിഗണിക്കണമെന്ന് ചെന്നിത്തല ആവശ്യപ്പെട്ടിരുന്നു….

വലിയ ഭൂരിഭക്ഷത്തോടെ യു ഡി എഫ് സംസ്ഥാനത്ത് അധികാരത്തിൽ വരുമെന്ന് കെ പി സി സി പ്രസിഡന്റ് മുല്ലപ്പള്ളി രാമചന്ദ്രൻ. പുതുമുഖങ്ങളും യുവതലമുറയും പരിചയസമ്പന്നരുമുള്ള ഒന്നാന്തരം സ്ഥാനാർഥി പട്ടികയാണ് തയ്യാറാക്കിയിരിക്കുന്നത്. സീറ്റുകളുടെ കാര്യത്തിൽ ഉറപ്പിച്ചോളൂ. യു ഡി എഫ് സെഞ്ച്വറി അടിക്കുമെന്നും രാമചന്ദ്രൻ പറഞ്ഞു. ജനങ്ങളുമായി ആശയ സംവാദം നടത്തി തയ്യാറാക്കിയ പ്രകടന പത്രിക യാഥാർഥ്യ ബോധ്യവും ജനകീയ സ്വഭാവവുമുള്ളതാണ്. അത് വോട്ടെടുപ്പിലും പ്രതിഫലിക്കും. ഇപ്പോൾ നടക്കുന്ന സർവേകളിൽ ഒന്നും വിശ്വാസമില്ല. ജനങ്ങളാണ് യജമാനന്മാർ അവരുടെ സർവ്വേ…