Kerala

  കേരളത്തിൽ ഇന്ന് 41,953 പേർക്ക് കോവിഡ്-19 സ്ഥിരീകരിച്ചു. എറണാകുളം 6558, കോഴിക്കോട് 5180, മലപ്പുറം 4166, തൃശൂർ 3731, തിരുവനന്തപുരം 3727, കോട്ടയം 3432, ആലപ്പുഴ 2951, കൊല്ലം 2946, പാലക്കാട് 2551, കണ്ണൂർ 2087, ഇടുക്കി 1396, പത്തനംതിട്ട 1282, കാസർഗോഡ് 1056, വയനാട് 890 എന്നിങ്ങനേയാണ് ജില്ലകളിൽ ഇന്ന് രോഗ ബാധ സ്ഥിരീകരിച്ചത്. കഴിഞ്ഞ 24 മണിക്കൂറിനിടെ 1,63,321 സാമ്പിളുകളാണ് പരിശോധിച്ചത്. ടെസ്റ്റ് പോസിറ്റിവിറ്റി നിരക്ക് 25.69 ആണ്. റുട്ടീൻ സാമ്പിൾ, സെന്റിനൽ…

  നിയമസഭാ തെരഞ്ഞെടുപ്പിലെ തിളക്കമാർന്ന വിജയത്തിൽ കേരളാ ഘടകത്തെ അനുമോദിച്ച് സിപിഎം പിബി. ജനവിധി പിണറായിക്കുള്ള അംഗീകാരമാണ്. മുഖ്യമന്ത്രി ആരെന്നതിൽ ചർച്ച ആവശ്യമില്ല. മന്ത്രിമാരെ കുറിച്ചും ചർച്ച നടന്നിട്ടില്ല. ബംഗാളിലെ കനത്ത പരാജയം ഗൗരവതരമാണെന്നും പി ബി വിലയിരുത്തി. രണ്ടാം പിണറായി സർക്കാരിൽ ഫ്രഷ് കാബിനറ്റ് കൊണ്ടുവരാനുള്ള നീക്കമാണ് പാർട്ടി നടത്തുന്നത്. ശൈലജ ടീച്ചറെയും പിണറായിയെയും മാത്രം നിലനിർത്തി ബാക്കി മന്ത്രിമാരെല്ലാം പുതുമുഖങ്ങളായിരിക്കും. ഇന്നലെ ചേർന്ന സെക്രട്ടേറിയറ്റ് യോഗത്തിലും ഇതുസംബന്ധിച്ച ധാരണയായിട്ടുണ്ട്

  യുപി പോലീസിന്റെ കസ്റ്റഡിയിൽ ഡൽഹി എയിംസിൽ ചികിത്സയിൽ കഴിയുന്ന സിദ്ധിഖ് കാപ്പനെ കാണാൻ അനുവദിക്കണമെന്നാവശ്യപ്പെട്ട് ഭാര്യ റെയ്ഹാനത്ത് മഥുര കോടതിയെ സമീപിച്ചു. കാപ്പന് കാവൽ നിൽക്കുന്ന പോലീസ് തന്നെയും അഭിഭാഷകരെയും തടയുന്നുവെനന്ന് ആരോപിച്ചാണ് കോടതിയെ സമീപിച്ചത്. കാപ്പനെ കാണാൻ സൗകര്യം ഒരുക്കണമെന്നാവശ്യപ്പെട്ട് അലഹബാദ് ഹൈക്കോടതി ചീഫ് ജസ്റ്റിസിനും റെയ്ഹാനത്ത് കത്തയച്ചു. ഏപ്രിൽ 30നാണ് സുപ്രീം കോടതി ഉത്തരവിനെ തുടർന്ന് കാപ്പനെ എയിംസിലേക്ക് ചികിത്സയ്ക്കായി മാറ്റിയത്.

കേരളത്തിൽ വേനൽമഴ വീണ്ടും ശക്തി പ്രാപിക്കുന്നു. എട്ട് വരെ സംസ്ഥാനത്ത് ഒറ്റപ്പെട്ടയിടങ്ങളിൽ ഇടിമിന്നലോട് കൂടിയ മഴ ലഭിക്കുമെന്ന് കേന്ദ്ര കാലാവസ്ഥ വകുപ്പ് അറിയിച്ചു. ശക്തമായ കാറ്റിനും സാധ്യതയുണ്ടെന്ന് മുന്നറിയിപ്പ് നൽകിയിട്ടുണ്ട്. കനത്ത മഴയ്ക്ക് സാധ്യതയുള്ളതിനാൽ വയനാട് ജില്ലയിൽ ഇന്ന് യെല്ലോ അലർട്ട് പ്രഖ്യാപിച്ചു. മത്സ്യത്തൊഴിലാളികൾക്കും ജാഗ്രത നിര്‍ദ്ദേശം പുറപ്പെടുവിച്ചിട്ടുണ്ട്.

ഇറക്കുമതി ചെയ്യുന്ന ദ്രവീകൃത മെഡിക്കൽ ഓക്സിജനിൽ ചുരുങ്ങിയത് ആയിരം മെട്രിക് ടൺ കേരളത്തിന് അനുവദിക്കണമെന്ന് പ്രധാനമന്ത്രി നരേന്ദ്ര മോഡിക്ക് അയച്ച കത്തിൽ മുഖ്യമന്ത്രി പിണറായി വിജയൻ ആവശ്യപ്പെട്ടു. രണ്ടാം തരംഗത്തിൽ കോവിഡ് രോഗികളുടെ എണ്ണം ദിനംപ്രതി ഉയരുന്ന സാഹചര്യത്തിൽ ഓക്സിജന്റെ ആവശ്യം വലിയതോതിൽ വർധിച്ചിരിക്കുകയാണ്. ഓക്സിജന്റെ സ്റ്റോക്ക് വളരെ വേഗം കുറയുന്നു. ഈ സാഹചര്യത്തിൽ മതിയായ കരുതൽശേഖരം ഉണ്ടാക്കുന്നതിന് കേന്ദ്രത്തിന്റെ സഹായം ആവശ്യമാണെന്ന് മുഖ്യമന്ത്രി പറഞ്ഞു. ഇപ്പോൾ ഇറക്കുമതി ചെയ്യുന്ന വിഹിതത്തിൽ നിന്ന് 500 മെട്രിക് ടൺ…

തിരുവനന്തപുരം: പ്രശസ്തസാഹിത്യകാരനും അധ്യാപകനുമായിരുന്ന കെ വി തിക്കുറിശ്ശി (88) കൊവിഡ് ബാധിച്ച് മരിച്ചു. ഏതാനും ദിവസങ്ങളായി ചികില്‍സയിലായിരുന്നു. ഇന്ന് രാവിലെയായിരുന്നു അന്ത്യം. മാര്‍ത്താണ്ഡം തിക്കുറിശ്ശി പട്ടത്തോട്ടത്തും വീട്ടില്‍ ജനിച്ച അദ്ദേഹത്തിന്റെ യഥാര്‍ഥ പേര് വി വി കൃഷ്ണവര്‍മ്മന്‍നായര്‍ എന്നാണ്. കന്യാകുമാരി ജില്ലാ വിഭജനത്തിന്റെ കാലത്താണ് തിരുവനന്തപുരം തന്റെ കര്‍മമേഖലയായി തിരഞ്ഞെടുത്തത്. കേരള സാഹിത്യഅക്കാദമി, കലാമണ്ഡലം, കേരള സംഗീത അക്കാദമി എന്നിവയില്‍ അംഗമായിരുന്നു. സാഹിത്യപ്രവര്‍ത്തക സഹകരണ സംഘം ഡയറക്ടര്‍ ബോര്‍ഡ് അംഗമായും പ്രവര്‍ത്തിച്ചു. തിരുവനന്തപുരത്തായിരുന്നു അദ്ദേഹത്തിന്റെ സാഹിത്യജീവിതം ആരംഭിച്ചത്.

കോൺഗ്രസിൽ തിരക്കിട്ട് നേതൃമാറ്റത്തിന്റെ ആവശ്യമില്ലെന്ന് കെ സുധാകരൻ. ആലോചിച്ച് ബുദ്ധിപൂർവം തീരുമാനിച്ച് തിരുത്തൽ വരുത്തിയാൽ മതി. നേതൃമാറ്റം പാർട്ടിയും ഹൈക്കമാൻഡും ഉചിതമായി തീരുമാനിക്കും. കൂട്ടത്തോൽവിയിൽ കൂടുതൽ പ്രതികരണത്തിനില്ലെന്നും സുധാകരൻ പറഞ്ഞു കെപിസിസി പ്രസിഡന്റ് സ്ഥാനത്ത് നിന്ന് മുല്ലപ്പള്ളിയെ പുറത്താക്കണമെന്ന് മുറവിളി ഉയരുന്നതിനിടെയാണ് സുധാകരന്റെ പ്രതികരണം. മുല്ലപ്പള്ളിയെ മാറ്റി കെ സുധാകരനെ കെപിസിസി പ്രസിഡന്റാക്കണമെന്നാണ് ഒരു വിഭാഗം ആവശ്യപ്പെടുന്നത്.

  തെരഞ്ഞെടുപ്പിൽ ജനം വിജയിപ്പിക്കുമ്പോൾ വിനയം കാണിക്കേണ്ട മുഖ്യമന്ത്രി പ്രതിപക്ഷത്തെയും മാധ്യമങ്ങളെയും ചീത്ത പറയുന്നുവെന്ന പരാതിയുമായി നേമത്തെ തോറ്റ യുഡിഎഫ് സ്ഥാനാർഥി കെ മുരളീധരൻ. ബിജെപി വോട്ട് കുറഞ്ഞ ഇടങ്ങളിൽ ൽെ ഡി എഫ് ആണ് ജയിച്ചതെന്ന് ഓർക്കണം. വട്ടിയൂർക്കാവിൽ യുഡിഎഫ് ജയിച്ച തെരഞ്ഞെടുപ്പിന്റെ കണക്ക് മുഖ്യമന്ത്രി പരിശോധിക്കണം ബിജെപിക്ക് ഒരു സീറ്റ് പോലും കിട്ടിയില്ലെന്നതാണ് വലിയ സന്തോഷം. അതിൽ സിപിഎം അഹങ്കരിക്കേണ്ട. ബംഗാൾ ഫലം എന്തായെന്നും മുരളീധരൻ ചോദിച്ചു. അതേസമയം ബംഗാളിൽ കോൺഗ്രസിനും പൂജ്യം സീറ്റാണെന്ന…

  രണ്ടാം പിണറായി സർക്കാരിൽ മന്ത്രിസ്ഥാനം വേണമെന്ന് കോവൂർ കുഞ്ഞുമോൻ. മുഖ്യമന്ത്രിക്ക് കത്ത് നൽകുമെന്ന് കോവൂർ കുഞ്ഞുമോൻ പറഞ്ഞു. അഞ്ച് ടേം തുടർച്ചയായി വിജയിച്ചത് പരിഗണിക്കണമെന്നാണ് കുഞ്ഞുമോൻ പറയുന്നത്. ഇടതുമുന്നണിക്കൊപ്പം ഉറച്ചു നിന്നതും കണക്കിലെടുക്കണം. തന്നെ മന്ത്രിയാക്കുന്നത് ആർഎസ്പി അണികളെ ഇടതുമുന്നണിയിലേക്ക് എത്തിക്കാൻ സഹായിക്കുമെന്നും അദ്ദേഹം പറഞ്ഞു. ഇത്തവണ 2700 വോട്ടിനാണ് ഉല്ലാസ് കോവൂരിനെ കുഞ്ഞുമോൻ പരാജയപ്പെടുത്തിയത്.

  നിയമസഭാ തെരഞ്ഞെടുപ്പിൽ ആകെയുണ്ടായിരുന്ന ഒരു സീറ്റും കൂടി തോറ്റ് നാണം കെട്ടതോടെ ബിജെപി സംസ്ഥാന പ്രസിഡന്റ് സ്ഥാനം രാജിവെക്കാൻ സന്നദ്ധത അറിയിച്ച് കെ സുരേന്ദ്രൻ. കേന്ദ്രനേതാക്കളെ സുരേന്ദ്രൻ തന്റെ നിലപാട് അറിയിച്ചു. തോൽവി വിശദമായി പരിശോധിക്കാമെന്ന് ബിജെപി കേന്ദ്ര നേതൃത്വം പ്രതികരിച്ചിട്ടുണ്ട്. തോൽവിയുടെ പ്രാഥമിക ഉത്തരവാദിത്വം തനിക്കാണെന്ന് സുരേന്ദ്രൻ ഇന്നലെ പറഞ്ഞിരുന്നു. വോട്ടുകച്ചവടം നടന്നുവെന്ന സിപിഎം ആരോപണം സുരേന്ദ്രൻ തള്ളിയിരുന്നു. രണ്ടിടത്ത് മത്സരിച്ചില്ലെങ്കിൽ മഞ്ചേശ്വരത്ത് ജയിക്കുമായിരുന്നു എന്ന് കരുതുന്നവരുണ്ട്. അത് ഓരോരുത്തരുടെ അഭിപ്രായമാണ്. താൻ പാർട്ടിക്ക്…