Kerala

  നിരവധി നിയമലംഘനങ്ങൾ നടത്തിയ യൂട്യൂബർമാരായ ഇ ബുൾജെറ്റ് സഹോദരൻമാരുടെ വിവാദ വാഹനത്തിന്റെ രജിസ്‌ട്രേഷൻ മോട്ടോർ വാഹന വകുപ്പ് റദ്ദാക്കി. മോട്ടോർ വാഹനവകുപ്പ് നിയമത്തിലെ സെക്ഷൻ 53(1a) പ്രകാരമാണ് നടപടി. അപകടകരമായ രീതിയിൽ വാഹനമോടിച്ചതിനും റോഡ് നിയമങ്ങൾ പാലിക്കാത്തതിനുമാണ് നടപടി സർക്കാർ ഓഫീസിൽ കയറി ബഹളം വെക്കുകയും ജോലി തടസ്സപ്പെടുത്തുകയും പൊതുമുതൽ നശിപ്പിക്കുകയും ചെയ്ത ഈ പ്രതികളെ അറസ്റ്റ് ചെയ്തതിനെതിരെ കലാപ ആഹ്വാനം നടത്തിയ ഇവരുടെ രണ്ട് കൂട്ടാളികൾക്കെതിരെ കേസെടുത്തതായും കണ്ണൂർ സിറ്റി പോലീസ് കമ്മീഷണർ അറിയിച്ചു

നടി ശരണ്യ ശശിയുടെ സംസ്‌കാര ചടങ്ങുകൾ പൂർത്തിയായി. തൈക്കാട് ശാന്തികവാടത്തിലായിരുന്നു ചടങ്ങുകൾ. പൊതുദർശനത്തിന് ശേഷമാണ് മൃതദേഹം ദഹിപ്പിച്ചത്. ഇന്നലെ തിരുവനന്തപുരത്തെ സ്വകാര്യ ആശുപത്രിയിൽ വെച്ചാണ് ശരണ്യ മരിച്ചത് അർബുദ രോഗബാധിതയായിരുന്നു ശരണ്യ. 2012ലാണ് ഇവർക്ക് ബ്രെയിൻ ട്യൂമർ ആദ്യം തിരിച്ചറിയുന്നത്. നിരവധി തവണ ശസ്ത്രക്രിയകൾക്ക് വിധേയമാകേണ്ടി വന്നു. ഇതിനിടയിൽ കൊവിഡ് കൂടി ബാധിച്ചതോടെ ആരോഗ്യ സ്ഥിതി തീർത്തും മോശമാകുകയായിരുന്നു. കണ്ണൂർ പഴയങ്ങാടി സ്വദേശിയാണ് ശരണ്യ.

  കണ്ണൂര്‍: നിയമവിരുദ്ധമായി ട്രാവലര്‍ രൂപം മാറ്റിയതിന് പിഴയടയ്ക്കാമെന്ന് ഇ ബുള്‍ ജെറ്റ് സഹോദന്മാർ കോടതിയിൽ ഉറപ്പ് നൽകി. എന്നാൽ ജാമ്യാപേക്ഷയില്‍ കോടതി വിധി പറയാന്‍ മാറ്റുകയായിരുന്നു. നിയമലംഘനങ്ങള്‍ക്ക് പിഴയൊടുക്കാമെന്നും ജാമ്യം അനുവദിക്കണമെന്നുമായിരുന്നു വ്ളോഗര്‍മാര്‍ കോടതിയെ അറിയിച്ചത്. പൊതുമുതല്‍ നശിപ്പിച്ചതടക്കം പത്തിലേറെ വകുപ്പുകളാണ് ഇവര്‍ക്കെതിരെ ചുമത്തിയിരിക്കുന്നത്. കണ്ണൂർ സ്വദേശികളായ ലിബിന്‍, എബിന്‍ എന്നിവരാണ് ഇന്നലെ അറസ്റ്റിലായത്. നിയമവിരുദ്ധമായി ട്രാവലര്‍ രൂപം മാറ്റിയതിന് പിഴയൊടുക്കാന്‍ ആവശ്യപ്പെട്ടതിനെ തുടര്‍ന്ന് കണ്ണൂര്‍ ആര്‍ടിഒ ഓഫീസിലെത്തി ബഹളംവച്ചതിന് പിന്നാലെയായിരുന്നു നടപടി. അതേസമയം, കള്ളക്കേസില്‍…

  കാസർകോട് ഉളിയത്തടുക്കയിൽ 13കാരി പീഡനത്തിന് ഇരയായ സംഭവത്തിൽ മാതാവും പിതാവും അറസ്റ്റിൽ. പീഡന വിവരം മറച്ചുവെച്ചതിനാണ് അറസ്റ്റ്. നേരത്തെ കേസിൽ 9 പേരെ അറസ്റ്റ് ചെയ്തിരുന്നു. ഇതോടെ കേസിൽ അറസ്റ്റിലായവരുടെ എണ്ണം 11 ആയി. ജൂൺ 26ന് റഹ്മത്ത് നഗറിലെ ആളൊഴിഞ്ഞ വീട്ടിൽ വെച്ച് കുട്ടി പീഡനത്തിന് ഇരയായെന്നാണ് ആദ്യ കേസ്. പിന്നീടാണ് കൂടുതൽ പീഡന വിവരങ്ങൾ കുട്ടി അറിയിക്കുന്നത്. നിലവിൽ 9 കേസുകളാണ് രജിസ്റ്റർ ചെയ്തിട്ടുള്ളത്.

  സോഷ്യൽ മീഡിയയിലെ ലൈക്കും ഷെയറുകളുമാണ് ജീവിതമെന്ന് കരുതുന്ന ഒരു തലമുറയും വളർന്നുവരുന്നുണ്ടെന്നത് ഞെട്ടിപ്പിക്കുന്ന സത്യമാണ്. വാഹനങ്ങൾ കൊണ്ട് അപകടകരമായ അഭ്യാസങ്ങൾ കാണിച്ച് സ്വജീവനും മറ്റുള്ളവരുടെ ജീവനും അപകടത്തിലാക്കിയാണ് ഇത്തരം ലൈക്ക് തെണ്ടലുകളിലേറെയും. ഇതിന് വഴിവെക്കുന്നതാകട്ടെ യൂട്യൂബിലും മറ്റും ഒരുപാട് ഫാൻബേസുള്ള ചില വ്‌ളോഗർമാരും ആലപ്പുഴയിൽ ബൈക്കിൽ മരണപ്പാച്ചിൽ നടത്തുന്നവരെ പിടികൂടാൻ മോട്ടോർ വാഹനവകുപ്പ് ആരംഭിച്ച ഓപറേഷൻ റാഷിൽ കഴിഞ്ഞ മൂന്ന് ദിവസത്തിനിടെ പിടിയിലായത് 265 പേരാണ്. സമൂഹ മാധ്യമങ്ങളിലൂടെ കൂട്ടായ്മ രൂപീകരിച്ച ശേഷം മത്സരയോട്ടം നടത്തുന്നവരാണ്…

കോൺഗ്രസിൽ പുനഃസംഘടനാ ചർച്ചകൾ സജീവമായി. നിയമസഭാ തെരഞ്ഞെടുപ്പിൽ തോറ്റ വി ടി ബൽറാം, പത്മജ വേണുഗോപാൽ തുടങ്ങിയവരുടെ പേരുകളും ഡിസിസി പ്രസിഡന്റുമാരുടെ സാധ്യത പട്ടികയിലുണ്ട്. സമ്പൂർണ അഴിച്ചുപണിക്കാണ് കോൺഗ്രസ് ഒരുങ്ങുന്നത്. 14 ജില്ലകളിലെയും ഡിസിസി പ്രസിഡന്റുമാർ മാറും. പുതുമുഖങ്ങൾക്കൊപ്പം അനുഭവ സമ്പത്തുള്ളവരെയും പരിഗണിക്കും. തിരുവനന്തപുരത്ത് വി എസ് ശിവകുമാർ, ആർ വത്സലൻ, പാലോട് രവി, ശരത് ചന്ദ്ര പ്രസാദ് എന്നിവരാണ് പട്ടികയിൽ കൊല്ലത്ത് എഎം നസീർ, ഷാനവാസ് ഖാൻ എന്നിവരും ആലപ്പുഴയിൽ ബാബു പ്രസാദ്, കോശം എം,…

  സംസ്ഥാനത്തെ വാക്‌സിൻ ക്ഷാമത്തിന് താത്കാലിക പരിഹാരം. ഇന്ന് മൂന്ന് ലക്ഷം ഡോസ് വാക്‌സിൻ കൂടി ഉച്ചയോടെ എത്തും. വാക്‌സിൻ സ്‌റ്റോക്ക് തീർന്നതിനെ തുടർന്ന് അഞ്ച് ജില്ലകളിലെ വാക്‌സിനേഷൻ മുടങ്ങിയ നിലയിലാണ് അടുത്ത ബാച്ച് വാക്‌സിൻ നാളെ എത്തുമെന്നായിരുന്നു കേന്ദ്രം പറഞ്ഞിരുന്നത്. എന്നാൽ ഇന്നലെ അഞ്ച് ജില്ലകളിൽ വാക്‌സിൻ മുടങ്ങിയ സാഹചര്യത്തിലാണ് അടിയന്തരമായി മൂന്ന് ലക്ഷം ഡോസ് അനുവദിച്ചത് തിരുവനന്തപുരം, കൊല്ലം, ആലപ്പുഴ, കോട്ടയം, വയനാട് ജില്ലകളിലാണ് വാക്‌സിനേഷൻ മുടങ്ങിയത്.

  ഇ ബുൾ ജെറ്റെന്ന പേരിൽ കണ്ണൂരിലെ രണ്ട് യുവാക്കൾ റോഡിൽ നടത്തിക്കൂട്ടിയ തോന്ന്യാസങ്ങളും നിയമലംഘനങ്ങളും ഓരോന്നായി പുറത്തുവരുന്നു. അനധികൃതമായി വാഹനം മോഡിഫൈ ചെയ്തതിന് പിഴ ചുമത്തിയതിനെ തുടർന്ന് കണ്ണൂർ മോട്ടോർ വാഹന വകുപ്പ് ഓഫീസിൽ ആളെക്കൂട്ടിയെത്തി ഇവർ കാട്ടിക്കൂട്ടിയ കരച്ചിൽ നാടകത്തിന്റെ വീഡിയോ ഇന്നലെ വൈറലായിരുന്നു. ഇതിന് പിന്നാലെയാണ് ഈ രണ്ട് യുവാക്കളും കാണിച്ച നിയമലംഘനങ്ങൾ ഓരോന്നായി പുറത്തുവരുന്നത് റോഡിലൂടെ വേഗത്തിൽ പോകുന്നതിനായി ആംബുലൻസിന്റെ സൈറൺ വരെ ഇവർ ഉപയോഗിച്ചിരുന്നുവെന്നാണ് പുറത്തുവരുന്ന വീഡിയോകളിൽ നിന്ന് വ്യക്തമാകുന്നത്….

  കടം നൽകിയ 250 രൂപ തിരികെ ചോദിച്ചതിന് യുവാവിനെ വടിവാളിന് വെട്ടിപ്പരുക്കേൽപ്പിച്ചു. പയ്യന്നൂർ കവ്വായിലാണ് സംഭവം. ഇടച്ചേരിയൻ സന്തോഷ് എന്ന യുവാവിനാണ് വെട്ടേറ്റത്. കവ്വായി സ്വദേശി കുമാരന്റെ മക്കളായ അനൂപ്, അനീഷ് എന്നിവരാണ് ആക്രമണം നടത്തിയത്. ഇവരെ പോലീസ് അറസ്റ്റ് ചെയ്തു സന്തോഷിന്റെ കൈകൾ അനീഷ് പിടിച്ചുവെക്കുകയും അനൂപ് വെട്ടുകയുമായിരുന്നു. സന്തോഷിന്റെ വലതു ചുമലിലും ഇടതു തുടയ്ക്കുമാണ് വെട്ടേറ്റത്. മോതിര വിരൽ അറ്റുപോകുകയും ചെയ്തു. കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു

നടിയെ അക്രമിച്ച കേസിൽ സാക്ഷി വിസ്താരത്തിനായി നടി കാവ്യ മാധവൻ ഇന്ന് കോടതിയിൽ ഹാജരാകും. കൊച്ചിയിലെ പ്രത്യേക സി.ബി.ഐ കോടതിയിലാണ് ഹാജരാകുന്നത്. കഴിഞ്ഞ മെയ് മാസത്തിൽ കാവ്യ കോടതിയിൽ എത്തിയിരുന്നെങ്കിലും അന്ന് വിസ്താരം നടന്നിരുന്നില്ല. കേസിൽ 178 പേരുടെ വിസ്താരമാണ് ഇതുവരെ പൂർത്തിയായിട്ടുള്ളത്. ആറു മാസത്തിനകം വിചാരണ തീര്‍ക്കണമെന്നാണ് സുപ്രിം കോടതി വിചാരണ കോടതിക്ക് നല്‍കിയ നിര്‍ദേശം. അടുത്ത മാസത്തോടെ സുപ്രിം കോടതി അനുവദിച്ച സമയം അവസാനിക്കും. എന്നാല്‍ വിചാരണ അതിവേഗത്തില്‍ തീര്‍ക്കാന്‍ സാധിക്കില്ലെന്നാണ് വിചാരണ കോടതി…