Kerala

  കോഴിക്കോട് മന്ത്രവാദ ചികിത്സക്കിടെ വനിതാ ഡോക്ടറുടെ 45 പവൻ സ്വർണവും തട്ടിയെടുത്ത് ഉസ്താദ് മുങ്ങി. ഡോക്ടറുടെയും കുടുംബത്തിന്റെയും ഐശ്വര്യത്തിന് എന്ന പേരിലാണ് ഇയാൾ മന്ത്രവാദ ചികിത്സ നടത്തിയത്. ഫറോക്ക് സ്വദേശിനിയായ ഡോക്ടറുടെ പരാതിയിൽ മലപ്പുറം സ്വദേശി കോയ ഉസ്ദാത്, ഇയാളുടെ രണ്ട് സഹായികൾ എന്നിവർക്കെതിരെ പോലീസ് കേസെടുത്തു തട്ടിപ്പ് നടത്തിയവരുടെ പൂർണവിവരങ്ങൾ വനിതാ ഡോക്ടർക്കുമറിയില്ല. പരാതിക്കാരി നൽകിയ മൊബൈൽ നമ്പർ കേന്ദ്രീകരിച്ചാണ് പോലീസ് അന്വേഷണം നടത്തുന്നത്. ഉസ്താദും സഹായികളും നിലവിൽ ഒളിവിലാണ്. പരീക്ഷണമെന്ന നിലക്കാണ് ഐശ്വര്യ…

  മുല്ലപ്പെരിയാർ ബേബി ഡാമിന് കീഴിലെ 15 മരങ്ങൾ മുറിച്ച് നീക്കാൻ തമിഴ്‌നാടിന് അനുമതി നൽകിയത് സംസ്ഥാന സർക്കാർ അറിഞ്ഞത് തമിഴ്‌നാട് മുഖ്യമന്ത്രിയുടെ അഭിനന്ദന കത്ത് കിട്ടിയപ്പോൾ മാത്രമെന്ന് വനംവകുപ്പ് മന്ത്രി എ കെ ശശീന്ദ്രൻ. തനിക്കോ ജലവിഭവ വകുപ്പ് മന്ത്രിക്കോ ഇക്കാര്യമറിയുമായിരുന്നില്ല. മുഖ്യമന്ത്രിയുടെ ഓഫീസിനും ഇക്കാര്യത്തിൽ നേരത്തെ അറിവുണ്ടായിരുന്നില്ല മരം മുറിക്ക് അനുമതി നൽകിയ ഉദ്യോഗസ്ഥന് വീഴ്ച സംഭവിച്ചിട്ടുണ്ട്. ഉദ്യോഗസ്ഥ തലത്തിൽ മാത്രം തീരുമാനമെടുക്കാൻ പാടില്ല ഇക്കാര്യത്തിൽ നയപരമായ പ്രശ്‌നങ്ങൾ ഉൾക്കൊള്ളുന്ന കാര്യമാണ്. ഏത് സാഹചര്യത്തിലാണ്…

  പാലക്കാട് മുണ്ടൂരിൽ ഇതര സംസ്ഥാന തൊഴിലാളികൾ തമ്മിലുണ്ടായ സംഘർഷത്തിൽ ഒരാൾ കൊല്ലപ്പെട്ടു. യുപി സ്വദേശി വാസിം ആണ് കൊല്ലപ്പെട്ടത്. ഫർണിച്ചർ സ്ഥാപനത്തിലെ ജീവനക്കാർ തമ്മിലാണ് സംഘർഷമുണ്ടായത്. ഒരു കുടുംബത്തിൽപ്പെട്ടവർ തമ്മിലായിരുന്നു വഴക്ക് വാജിദ്, വാസിം എന്ന് പേരുള്ള മറ്റൊരു തൊഴിലാളിയും പരുക്കുകളുമായി ആശുപത്രിയിലാണ്. വാജിദാണ് വാസിമിനെ വെട്ടിയത്. ഇതിന് ശേഷം ഇയാൾ സ്വയം കഴുത്തുമുറിക്കാൻ ശ്രമിച്ചു. പരുക്കേറ്റ വാസിമിന്റെ നിലയും ഗുരുതരമാണ്.

  മുല്ലപ്പെരിയാർ ബേബി ഡാമിന് താഴെയുള്ള മരങ്ങൾ വെട്ടിനീക്കാൻ തമിഴ്‌നാടിന് അനുമതി നൽകി കേരളം. തമിഴ്‌നാടിന്റെ ആവശ്യം അംഗീകരിച്ച കേരള മുഖ്യമന്ത്രി പിണറായി വിജയന് നന്ദി അറിയിച്ച് തമിഴ്‌നാട് മുഖ്യമന്ത്രി എം കെ സ്റ്റാലിൻ കത്തയച്ചു. ബേബി ഡാമിന് കീഴിലുള്ള 15 മരങ്ങളും വെട്ടാനാണ് കേരളം അനുമതി നൽകിയത്. തീരുമാനം കേരളവും തമിഴ്‌നാടും തമ്മിലുള്ള ബന്ധം ശക്തമാകാൻ സഹായിക്കുമെന്ന് സ്റ്റാലിൻ കത്തിൽ പറയുന്നു. ബേബി ഡാം ബലപ്പെടുത്താൻ ഇതിന് താഴെയുള്ള മരങ്ങൾ വെട്ടേണ്ടതുണ്ടെന്ന് തമിഴ്‌നാട് കഴിഞ്ഞ ദിവസം…

  മുല്ലപ്പെരിയാർ ബേബി ഡാമിന് സമീപത്തെ 15 മരങ്ങൾ മുറിക്കാൻ തമിഴ്നാടിന് അനുമതി നൽകി കേരളം.ബേബി ഡാം ശക്തിപ്പെടുത്താൻ തടസമായ 3 മരങ്ങൾ ഉൾപ്പെടെ മുറിക്കാനാണ് അനുമതി നൽകിയത്. അനുമതിക്ക് നന്ദി അറിയിച്ച് പിണറായി വിജയന് തമിഴ്നാട് മുഖ്യമന്ത്രിയുടെ കത്ത്. കേരളം അംഗീകരിച്ചത് ഏറെ കാലത്തെ ആവശ്യമെന്ന് എം കെ സ്റ്റാലിൻ. ബേബി ഡാം ശക്തിപ്പെടുത്താനുള്ള ശ്രമം വേഗത്തിൽ ആരംഭിക്കുമെന്ന് എം കെ സ്റ്റാലിൻ പറഞ്ഞു. ബേബിഡാമും എർത്ത് ഡാമും ബലപ്പെടുത്താനുള്ള തടസം നീങ്ങിയെന്ന് തമിഴ്നാട് പറഞ്ഞു….

ലോവര്‍ പെരിയാര്‍: മുല്ലപ്പെരിയാര്‍ ജലനിരപ്പ് 152 അടിയാക്കി ഉയര്‍ത്തുമെന്നുള്ള തമിഴ്‌നാട് ജലവിഭവ വകുപ്പ് മന്ത്രി ദുരൈമുരുകന്റെ പ്രസ്താവന പെരിയാര്‍ തീരത്ത് താമസിക്കുന്നവരെ വീണ്ടും ആശങ്കയിലാക്കിയിരിക്കുകയാണ്. പുതിയ ഡാം നിര്‍മ്മിക്കുന്നതിന് തമിഴ്‌നാടിനു മേല്‍ സംസ്ഥാന സര്‍ക്കാര്‍ സമ്മര്‍ദ്ദം ചെലുത്തണമെന്നാണ് ഇവരുടെ ആവശ്യം. ബേബി ഡാമിന്റെ ബലപ്പെടുത്തല്‍ പൂര്‍ത്തിയാക്കി മുല്ലപ്പെരിയാറിലെ ജലനിരപ്പ് 152 അടിയാക്കാനാണ് തമിഴ്‌നാടിന്റെ തീരുമാനം. ജലനിരപ്പ് 136 അടിയിലെത്തുമ്പോള്‍ തന്നെ പെരിയാര്‍ തീരത്തെ ആളുകള്‍ ആശങ്കയിലാകും. ഓരോ തവണ ഷട്ടര്‍ തുറക്കുമ്പോഴും സാധനങ്ങള്‍ കെട്ടിപ്പെറുക്കി ക്യാമ്പലേക്ക് മാറാന്‍…

  🔳എല്‍.പി.ജി. വിലവര്‍ധനയില്‍ കേന്ദ്രസര്‍ക്കാരിനെ രൂക്ഷമായി വിമര്‍ശിച്ച് കോണ്‍ഗ്രസ് നേതാവ് രാഹുല്‍ ഗാന്ധി. ട്വിറ്ററിലൂടെയാണ് അദ്ദേഹത്തിന്റെ പ്രതികരണം. സര്‍ക്കാരിന്റെ വികസന വാചകമടിയില്‍ നിന്ന് അകലെയുള്ള ലക്ഷക്കണക്കിന് കുടുംബങ്ങള്‍ വിറകടുപ്പ് ഉപയോഗിക്കാന്‍ നിര്‍ബന്ധിതരാവുകയാണെന്ന് അദ്ദേഹം പറഞ്ഞു. നരേന്ദ്ര മോദിയുടെ വികസനവണ്ടി റിവേഴ്‌സ് ഗിയറില്‍ ആണെന്നും അതിന്റെ ബ്രേക്ക് തകരാറിലാണെന്നും രാഹുല്‍ ട്വീറ്റില്‍ പറഞ്ഞു. 🔳മുന്‍ മന്ത്രിയും സിപിഎമ്മിന്റെ സംസ്ഥാനത്തെ നേതാക്കളില്‍ പ്രമുഖനുമായ ജി സുധാകരനെ പരസ്യമായി ശാസിക്കാന്‍ സംസ്ഥാന കമ്മിറ്റി തീരുമാനം. ഇന്നലെ ചേര്‍ന്ന സിപിഎം സംസ്ഥാന സമിതി…

  തിരുവനന്തപുരം: കേരളത്തിലെ ലോക്ക്ഡൗൺ കാലത്തെ പലിശകൾ ഈടാക്കി തുടങ്ങിയിരിക്കുകയാണ് പല ബാങ്കുകളും. മുഖ്യമന്ത്രി ലോക്ക്ഡൗൺ പ്രഖ്യാപിച്ചതു കൊണ്ട് കടകളും മറ്റു സ്ഥാപനങ്ങളും എല്ലാ അടഞ്ഞുകിടന്നു. എന്നാൽ ആ കാലയളവിലെ തുക തിരിച്ചടക്കാത്തതിന് ഇപ്പോൾ ബാങ്കുകളിൽ നിന്നും നിരന്തരം ജീവനക്കാർ വീടുകളിലെത്തി ഭീക്ഷണിപെടുത്തി ആഴ്ച്ച അടവ് വാങ്ങുകയും അത് പലിശയിലിറക്കുകയും ചെയ്യുന്നു. പലിശയും പിഴപലിശയും കൂട്ടുപലിശയുമായാണ് ബാങ്കുകൾ കണക്ക് കൂട്ടി വാങ്ങുന്നത്. മൈക്രോഫൈനാൻസ് ബാങ്കുകളാണ് ഇതിന് മുന്നിട്ട് നിൽക്കുന്നത്. സിവിൽ സ്കോറും, ഇനി ഒരു ബാങ്കിൽ നിന്നും…

  പത്ത്, പ്ലസ് ടു ക്ലാസുകളിലേക്കുള്ള ഒന്നാം ടേം പരീക്ഷയുടെ മാര്‍ഗരേഖ സിബിഎസ്ഇ പുറത്തിറക്കി. പരീക്ഷ ഓഫ്‌ലൈനായി നടപ്പാക്കുന്നതിനുള്ള മാര്‍ഗരേഖയാണ് പുറത്തിറക്കിയത്. തന്നിരിക്കുന്ന ഉത്തരങ്ങളില്‍നിന്നു ശരിയുത്തരം കണ്ടെത്തുന്ന തരത്തില്‍ ഒഎംആർ പരീക്ഷയാണ് നടക്കുക. കോവിഡ് പശ്ചാത്തലത്തില്‍ പരീക്ഷകള്‍ ഓണ്‍ലൈനായി എഴുതാന്‍ അനുവദിക്കണമെന്ന് ആവശ്യമുയര്‍ന്നിരുന്നു. എന്നാല്‍ ഓഫ്‌ലൈനായി തന്നെ പരീക്ഷ നടത്താന്‍ തീരുമാനിക്കുകയായിരുന്നു സിബിഎസ്ഇ. പത്താം ക്ലാസിലെ ഒന്‍പത് വിഷയങ്ങളിലും പ്ലസ് ടുവിലെ 19 വിഷയങ്ങളിലുമാണ് ഓഫ്‌ലൈന്‍ പരീക്ഷ നടക്കുക. നവംബര്‍ 16 മുതല്‍ പ്ലസ് ടു പരീക്ഷയും…

  പ്ലസ് വൺ പഠനം ആഗ്രഹിക്കുന്ന എല്ലാ വിദ്യാർത്ഥികൾക്കും തുടർ വിദ്യാഭ്യാസത്തിനുള്ള സൗകര്യം ഒരുക്കുമെന്ന് വിദ്യാഭ്യാസ മന്ത്രി വി. ശിവൻകുട്ടി. അതിനായി സീറ്റ് അധികം ആവശ്യമുള്ള സ്‌കൂളുകളിൽ ഈ മാസം 23 ഓടെ പുതിയ ബാച്ച് അനുവദിക്കും. ഇക്കാര്യത്തിൽ ആർക്കും ആശങ്ക വേണ്ടെന്നും മന്ത്രി പറഞ്ഞു. സ്‌കൂൾ തുറക്കുന്നത് സംബന്ധിച്ച് പൊതുസമൂഹത്തിലാകെ ഉത്കണ്ഠയുണ്ടായിരുന്നു. മാർഗ്ഗരേഖ അനുസരിച്ചുള്ള അധ്യാപനം ഉറപ്പാക്കിയതിലൂടെ സർക്കാരിന് ആ ഉത്കണ്ഠ അകറ്റാൻ സാധിച്ചുവെന്നും സ്‌കൂൾ തുറന്നതിനു ശേഷം 80 ശതമാനത്തോളം വിദ്യാർത്ഥികൾ പല ദിവസങ്ങളിലായി…