Kerala

  അക്രമങ്ങളും മയക്കുമരുന്ന് കടത്തും അടക്കമുള്ളവ തടയാൻ ഓപറേഷൻ കാവൽ എന്ന പേരിൽ പ്രത്യേക പദ്ധതിയുമായി പോലീസ്. മയക്കുമരുന്ന് കടത്ത്, മണൽക്കടത്ത്, കള്ളക്കടത്ത്, സംഘം ചേർന്നുള്ള ആക്രമണങ്ങൾ എന്നിവ തടയുന്നതിനും പിന്നിൽ പ്രവർത്തിക്കുന്നവരെ കണ്ടെത്തി നിയമ നടപടികൾക്ക് വിധേയരാക്കുന്നതിനുമാണ് പ്രത്യേക പദ്ധതിക്ക് രൂപം നൽകിയിരിക്കുന്നത്. കുറ്റകൃത്യങ്ങളിൽ ഏർപ്പെട്ട ശേഷം ഒളിവിൽ കഴിയുന്നവരെ കണ്ടെത്താനായി ജില്ലാ പോലീസ് മേധാവിമാർ പ്രത്യേക സംഘങ്ങൾക്ക് രൂപം നൽകും. സാമൂഹ്യ വിരുദ്ധ പ്രവർത്തനങ്ങളിൽ ഏർപ്പെടുന്നവരുടെ പട്ടിക സ്‌പെഷ്യൽ ബ്രാഞ്ച് തയ്യാറാക്കുകയും പട്ടികയിൽ ഉൾപ്പെട്ടവരെ…

  കേരളത്തെ വ്യവസായ സൗഹൃദമാക്കുന്നതിനെ ദ്രോഹ മനഃസ്ഥിതിയുള്ള ചിലർ എതിർക്കുന്നുവെന്ന് മുഖ്യമന്ത്രി പിണറായി വിജയൻ. തിരുവനന്തപുരത്ത് ലുലു മാളിന്റെ ഉദ്ഘാടനം നിർവഹിച്ച് സംസാരിക്കുകയായിരുന്നു അദ്ദേഹം. സർക്കാരിന്റെ പ്രവർത്തനങ്ങൾക്ക് പ്രയാസം സൃഷ്ടിക്കലാണ് ഇത്തരക്കാരുടെ പരിപാടി. നാടിന് തന്നെ ഇവർ ശല്യമാണ് ഇത്തരക്കാരെ ജനം തിരിച്ചറിയണം. വ്യവസായങ്ങൾക്ക് തടസ്സം സൃഷ്ടിക്കാനാണ് ഇവരുടെ ശ്രമം. സംസ്ഥാനത്ത് വ്യവസായങ്ങൾക്ക് അപേക്ഷ നൽകിയാൽ ഏഴ് ദിവസത്തിനകം അനുമതി ലഭിക്കും. മൈക്രോ ചെറുകിട ഇടത്തരം സംരംഭകർക്ക് ലൈസൻസില്ലാതെ മൂന്ന് വർഷം വരെ പ്രവർത്തിക്കാം. പരിശോധനകളാണ് വ്യവസായികൾക്കും…

കോവിഡിന്‍റെ പുതിയ വകഭേദമായ ഒമിക്രോണിന് മറ്റു വകഭേദങ്ങളെക്കാള്‍ 70 മടങ്ങ് വ്യാപനശേഷിയുള്ളതായി പഠനം. രോഗതീവ്രത വളരെ കുറവായിരിക്കുമെന്നും ശ്വാസകോശ കലകളെ വൈറസ് ബാധ സാരമായി ബാധിക്കില്ലെന്നും ഹോങ്കോങ്ങ് സര്‍വകലാശാല നടത്തിയ പഠനം വ്യക്തമാക്കുന്നു. ഒമിക്രോണ്‍ സംബന്ധിച്ച് പുറത്തുവന്ന ആദ്യഘട്ട കണ്ടെത്തലുകള്‍ക്ക് ശക്തിപകരുന്നതാണ് പുതിയ പഠനം. മൂന്നാഴ്ചകള്‍ക്ക് മുമ്പാണ് ദക്ഷിണാഫ്രിക്കയില്‍ കോവിഡിന്‍റെ പുതിയ വകഭേദം കണ്ടെത്തിയത്. ഇതിനോടകം 77ഓളം രാജ്യങ്ങളില്‍ വൈറസ് സാന്നിധ്യം സ്ഥിരീകരിച്ചിട്ടുണ്ട്. വൈറസ് ബാധയേറ്റവര്‍ക്ക് തീവ്ര പരിചരണത്തിന്‍റെയോ ഓക്സിജന്‍റെയോ ആവശ്യം വന്നിട്ടില്ലെന്നാണ് ആരോഗ്യ വിദഗ്ധര്‍ ചൂണ്ടിക്കാട്ടുന്നത്….

രാജ്യത്ത് കഴിഞ്ഞ 24 മണിക്കൂറിനിടെ 7974 പേർക്ക് കൂടി കൊവിഡ് സ്ഥിരീകരിച്ചു. കഴിഞ്ഞ ദിവസത്തെ അപേക്ഷിച്ച് 14 ശതമാനം വർധനവാണ് രോഗികളുടെ എണ്ണത്തിലുണ്ടായിരിക്കുന്നത്. ഒരു ദിവസത്തിനിടെ 343 പേർ കൊവിഡ് ബാധിച്ച് മരിക്കുകയും ചെയ്തു നിലവിൽ 87,245 പേരാണ് രാജ്യത്ത് ചികിത്സയിലുള്ളത്. 7948 പേർ ഇന്നലെ രോഗമുക്തി നേടി. ഇതിനോടകം 3,41,54,879 പേരാണ് കൊവിഡിൽ നിന്ന് മുക്തി നേടിയത്. അതേസമയം രാജ്യത്ത് ഇതിനോടകം കൊവിഡ് ബാധിച്ച് മരിച്ചവരുടെ എണ്ണം 4,76,478 ആയി

ഇനി മുതൽ മെഡിക്കൽ കോളജുകളിൽ രാത്രി സമയത്തും പോസ്റ്റുമോർട്ടം നടത്താൻ നടപടിയെടുക്കണമെന്ന് ഹൈക്കോടതി. ആറ് മാസത്തിനുള്ളിൽ കേരളത്തിലെ അഞ്ച് മെഡിക്കൽ കോളജുകളിൽ ഇതിനാവശ്യമായ സൗകര്യമൊരുക്കണം. ആറ് കൊല്ലം മുമ്പ് ഇതിനായി ഉത്തരവിറക്കിയിട്ടും സർക്കാർ സൗകര്യങ്ങളൊരുക്കാത്തത് ആശ്ചര്യപ്പെടുത്തുന്നുവെന്നായിരുന്നു കോടതിയുടെ പരാമർശം സാമ്പത്തിക പ്രതിസന്ധിയുടെ പേരിൽ രാത്രി പോസ്റ്റുമോർട്ടത്തിനുള്ള സൗകര്യങ്ങൾ ഒരുക്കാതിരിക്കരുത്. രാത്രി പോസ്റ്റുമോർട്ടം ഒഴിവാക്കുന്നതിന് ഫോറൻസിക് സർജൻമാർ മുന്നോട്ടുവെച്ച കാരണങ്ങൾ സ്വീകാര്യമല്ല. സർക്കാരിന്റെ സാമ്പത്തിക പരിമിതികൾ കൂടി കണക്കിലെടുത്ത് ഫോറൻസിക് സർജൻമാർ സഹകരിക്കണം. മൃതദേഹങ്ങളോട് അവഗണന വേണ്ട. അസ്വാഭാവിക…

മൂന്ന് കുട്ടികൾക്ക് വിഷം നൽകിയ ശേഷം യുവതി ആത്മഹത്യ ചെയ്തു. തിരുവനന്തപുരം വെഞ്ഞാറുമ്മൂടാണ് സംഭവം. ബിജുവിന്റെ ഭാര്യ കുന്നുമ്മൽ സ്വദേശി ശ്രീജ(26)യാണ് മരിച്ചത്. വിഷം ഉള്ളിൽ ചെന്ന മൂന്ന് കുട്ടികൾ ഗുരുതരാവസ്ഥയിൽ ചികിത്സയിലാണ് ഇന്നലെ രാത്രിയോടെയാണ് സംഭവം. ഒമ്പതും ഏഴും വയസ്സുള്ള പെൺകുട്ടികൾക്കും മൂന്നര വയസ്സുള്ള ആൺകുട്ടിക്കും വിഷയം നൽകിയ ശേഷം ഇവർ ആത്മഹത്യ ചെയ്യുകയായിരുന്നു. ശ്രീജയുടെ ഭർത്താവ് ബിജു പൂനെയിലാണ് ജോലി ചെയ്യുന്നത് കുടുംബവുമായി കുറച്ചുകാലമായി ബിജു പിണങ്ങിക്കഴിയുകയാണ്. ഇതാണോ ആത്മഹത്യക്ക് കാരണമായതെന്ന കാര്യം പോലീസ്…

കണ്ണൂർ പേരാവൂരിൽ യുവതിയെ വീട്ടുമുറ്റത്ത് പൊള്ളലേറ്റ് മരിച്ച നിലയിൽ കണ്ടെത്തി. തൊണ്ടിയിൽ മുച്ചിലോട്ട് ഭഗവതി ക്ഷേത്രത്തിന് സമീപം കുഞ്ഞിംവീട്ടിൽ ദീപേഷിന്റെ ഭാര്യ നിഷയെയാണ്(24) വീട്ടുമുറ്റത്ത് മരിച്ച നിലയിൽ കണ്ടെത്തിയത്. തൊണ്ടിയിൽ ബാർബർ ഷോപ്പ് ജീവനക്കാരനാണ് ദീപേഷ്. ആറളം പുനരധിവാസ മേഖലയിലെ നാരായണന്റെയും സുജാതയുടെയും മകളാണ് നിഷ. പോലീസ് സ്ഥലത്തെത്തി അന്വേഷണം ആരംഭിച്ചിട്ടുണ്ട്.  

കടുത്ത സമര രീതികളിൽ നിന്ന് പിന്നോട്ടുപോയി പി ജി ഡോക്ടർമാർ. ആരോഗ്യമന്ത്രി വീണ ജോർജുമായുള്ള ചർച്ചക്ക് ശേഷമാണ് നിലപാട് മയപ്പെടുത്താൻ ഇവർ തീരുമാനിച്ചത്. ചർച്ച ഫലപ്രദമാണെന്ന് ചൂണ്ടിക്കാട്ടിയാണ് തീരുമാനം. അത്യാഹിത വിഭാഗം ഡ്യൂട്ടികൾ ബഹിഷ്‌കരിച്ചുള്ള സമരം പി ജി ഡോക്ടർമാർ അവസാനിപ്പിച്ചു അത്യാഹിത വിഭാഗങ്ങളിൽ ഡോക്ടർമാർ ജോലിക്ക് തിരികെ കയറി. അതേസമയം ഒപി, വാർഡ് ബഹിഷ്‌കരണം തുടരുമെന്നും ഇവർ അറിയിച്ചു. ഇന്നലെയാണ് ആരോഗ്യമന്ത്രി ഇവരുമായി മൂന്നാംവട്ട ചർച്ച നടത്തിയത്. സ്റ്റൈപ്പൻഡ് വർധന ധനസ്ഥിതി മെച്ചപ്പെടുന്നതിനനുസരിച്ച് പരിഗണിക്കാമെന്നാണ് സർക്കാർ…

കോട്ടയത്ത് കൈക്കൂലി വാങ്ങുന്നതിനിടെ അറസ്റ്റിലായ മലിനീകരണ നിയന്ത്രണ ബോര്‍ഡ് ജില്ലാ ഓഫീസര്‍ എ എം ഹാരിസിന്റെ വീട്ടില്‍ വിജിലന്‍സ് പരിശോധന. ആലുവയിലെ വീട്ടില്‍ നിന്ന് 16 ലക്ഷം രൂപ പിടികൂടി. ബാസ്‌കറ്റുകളില്‍ 50,000 രൂപ വീതം കവറുകളിലായി സൂക്ഷിച്ച നിലയിലായിരുന്നു പണം. ഇയാള്‍ താമസിക്കുന്ന ഫ്‌ളാറ്റിന് 80 ലക്ഷം രൂപ വിലമതിക്കും. ബേങ്ക് അക്കൗണ്ടില്‍ 20 ലക്ഷം രൂപയുടെ നിക്ഷേപമുണ്ട്. തിരുവനന്തപുരത്ത് 2000 സ്‌ക്വയര്‍ ഫീറ്റ് വീടും പന്തളത്ത് 33 സെന്റ് സ്ഥലവും ഹാരിസിനുണ്ട്. ടയര്‍ അനുബന്ധ…

  വയനാട്ടിലെ കുറുക്കൻമൂലയെയും പരിസരപ്രദേശങ്ങളെയും നാളുകളായി വിറപ്പിക്കുന്ന കടുവ വനംവകുപ്പിന്റെ സെൻസസിൽ ഉൾപ്പെടാത്തതെന്ന് വ്യക്തമായി. ജനവാസകേന്ദ്രത്തിൽ കടുവയെ നിരീക്ഷിക്കാനായിവെച്ച ക്യാമറകളിൽ പതിഞ്ഞ ചിത്രങ്ങളിൽനിന്നാണ് ഇക്കാര്യം സ്ഥിരീകരിച്ചത്. 2016- മുതൽ ക്യാമറാ ട്രാപ്പിൽ കടുവയുടെ ചിത്രം പതിഞ്ഞിട്ടില്ലെന്ന് ചീഫ് ഫോറസ്റ്റ് വെറ്ററിനറി സർജർ ഡോ. അരുൺ സഖറിയ പറഞ്ഞു. സമീപത്തുള്ള മുതുമല, ബന്ദിപ്പുർ കടുവാ സങ്കേതങ്ങളിൽനിന്ന് കടുവ വയനാട്ടിലെ കാടുകളിലെത്തിയതാകാമെന്നാണ് പ്രാഥമിക നിഗമനം. സ്ഥിരീകരണത്തിനായി കടുവയുടെ ചിത്രങ്ങൾ മുതുമല, ബന്ദിപ്പുർ കടുവാസങ്കേതത്തിലേക്ക് അയച്ചു നൽകിയിട്ടുണ്ട്. മാനന്തവാടി നഗരസഭയിലെ കുറുക്കൻമൂലയിലും…