Kerala

  കെ റെയിലിന്റെ ഡിപിആർ പ്രസിദ്ധീകരിച്ചത് ജനങ്ങളുടെ ആശങ്ക മാറാനാണെന്ന് ധനമന്ത്രി കെ എൻ ബാലഗോപാൽ. ഡിപിആർ പഠിച്ച് പ്രതിപക്ഷം പോസിറ്റീവായ നിലപാടിലേക്ക് വരുമെന്നാണ് പ്രതീക്ഷ. ഡിപിആർ നോക്കി ജനങ്ങളുടെ ആശങ്ക മാറട്ടെ. എന്തെങ്കിലും സംശയമുണ്ടെങ്കിൽ പറയാനുള്ള അവസരമുണ്ട് ആദ്യ ഘട്ടത്തിലെന്ന പോലെ പ്രതിപക്ഷം ഇപ്പോൾ കണ്ണുമടച്ച് എതിർക്കുന്നില്ല. ഭാവിയിലേക്കുള്ള വലിയ പദ്ധതിയാണിത്. ബിജെപിയും യുഡിഎഫും നെഗറ്റീവായ സമീപനമാണ് സ്വീകരിക്കുന്നത്. അതുമാറ്റി പോസിറ്റീവായ നിലപാടിലേക്ക് അവർ വരുമെന്ന് തന്നെയാണ് പ്രതീക്ഷിക്കുന്നതെന്നും മന്ത്രി പറഞ്ഞു.

  കണ്ണൂർ പെരിങ്ങത്തൂർ ടൗണിൽ മഴുവുമായി എത്തി ഭീകരാന്തരീക്ഷം സൃഷ്ടിച്ച് യുവാവ്. ടൗണിലെ സൂപ്പർ മാർക്കറ്റിലെ സാധനങ്ങളും കൗണ്ടറും യുവാവ് അടിച്ചു തകർത്തു. ഗുരുജിമുക്ക് സ്വദേശി ജമാലാണ് ആക്രമണം നടത്തിയത്. ഇയാളെ പോലീസ് അറസ്റ്റ് ചെയ്തു ഞായറാഴ്ച രാത്രി ഒമ്പത് മണിയോടെയാണ് സംഭവം. കട അടയ്‌ക്കേണ്ട സമയമായതിനാൽ ഒരു ഷട്ടർ മാത്രമേ തുറന്നിരുന്നുള്ളു. അക്രമാസക്തനായി എത്തിയ യുവാവ് ആദ്യം കൗണ്ടർ അടിച്ചു തകർത്തു. പിന്നാലെ സൂപ്പർ മാർക്കറ്റിനുള്ളിലെ സാധനങ്ങളും തകർത്തു. ആക്രമണം കണ്ട് ഭയന്ന ജീവനക്കാർ ഓടി…

  കൊവിഡ് വ്യാപനം രൂക്ഷമായ സാഹചര്യത്തിൽ കോഴിക്കോട് നിയന്ത്രണങ്ങൾ കടുപ്പിക്കാൻ തീരുമാനം. ടിപിആർ ഉയരുന്ന പശ്ചാത്തലത്തിൽ ബീച്ചിൽ അടക്കം നിയന്ത്രണങ്ങളേർപ്പെടുത്തുമെന്ന് ജില്ലാ കലക്ടർ അറിയിച്ചു. പൊതുയോഗങ്ങൾക്ക് വിലക്കേർപ്പെടുത്തി. ബസിൽ നിന്നുകൊണ്ടുള്ള യാത്ര അനുവദിക്കില്ല. നഗരത്തിലടക്കം പരിശോധന കർശനമാക്കുമെന്നും കലക്ടർ തേജ് ലോഹിത് റെഡ്ഡി പറഞ്ഞു കോഴിക്കോട് ഇന്നലെ 38 പേർക്ക് ഒമിക്രോൺ സ്ഥിരീകരിച്ചിരുന്നു. 51 പേരിൽ നടത്തിയ പരിശോധനയിലാണ് 38 പേർ രോഗബാധിതരാണെന്ന് കണ്ടെത്തിയത്. ഇത് സമൂഹ വ്യാപന ആശങ്കയുണ്ടാക്കുന്നതായി വിദഗ്ധർ പറയുന്നു. ഇന്നലെ 30.55 ശതമാനമാണ്…

  തിരുവനന്തപുരം കുറ്റിച്ചലിൽ ബൈക്ക് അപകടത്തിൽ രണ്ട് യുവാക്കൾ മരിച്ചു. റോഡരികിൽ കൂട്ടിയിട്ടിരുന്ന തടികളിൽ ബൈക്ക് ഇടിച്ചാണ് അപകടം സംഭവിച്ചത്. നെയ്യാർ ഡാം ആഴങ്കൽ സ്വദേശി അച്ചു(20), ശ്രീജിത്ത്(19)എന്നിവരാണ് മരിച്ചത്. ഷൊർലകോട് റോഡിൽ വെച്ചായിരുന്നു അപകടം. അപകടസ്ഥലത്ത് വെച്ച് തന്നെ അച്ചു മരിച്ചു. ശ്രീജിത്തിനെ നാട്ടുകാർ ചേർന്ന് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. റോഡിൽ അനധികൃതമായി തടികൾ തടി മില്ലുടമകൾ ഇട്ടിരിക്കുകയാണെന്നും ഇതാണ് അപകടങ്ങൾക്ക് വഴിവെക്കുന്നതെന്നും നാട്ടുകാർ ആരോപിച്ചു.

  കോട്ടയത്ത് 19കാരനെ തല്ലിക്കൊന്ന ശേഷം മൃതദേഹം പോലീസ് സ്‌റ്റേഷന് മുന്നിലിട്ട സംഭവത്തിൽ പ്രതികരണവുമായി പ്രതിപക്ഷ നേതാവ് വി ഡി സതീശൻ. സംഭവം പോലീസ് സേനക്കും സംസ്ഥാനത്തിനും അപമാനമാണ്. ഗുണ്ടകളെ നിലയ്ക്ക് നിർത്താനാകുന്നില്ല. ഇതിന്റെ പൂർണ ഉത്തരവാദിത്വം ആഭ്യന്തര വകുപ്പിനാണ്. സിപിഎമ്മാണ് ഇത്തരം ഗുണ്ടകളെ സംരക്ഷിക്കുന്നത്. പോലീസ് നടപടിയെടുത്താൽ അതിനെ പുറകോട്ടടിപ്പിക്കാൻ സിപിഎം നേതൃത്വം ഇടപെടുന്നു. ക്രമിനലുകളെ രാഷ്ട്രീയമായി സിപിഎം ഉപയോഗിക്കുകയാണ്. അതുകൊണ്ട് പാർട്ടിക്ക് ഗുണ്ടകളെ സംരക്ഷിക്കേണ്ടി വരുന്നു. മുഖ്യമന്ത്രി ആഭ്യന്തര വകുപ്പ് ഒഴിയണമെന്നും വി ഡി…

  കോട്ടയത്ത് 19കാരനെ തല്ലിക്കൊന്ന ശേഷം മൃതദേഹം പോലീസ് സ്‌റ്റേഷന് മുന്നിലിട്ട സംഭവത്തിന് പിന്നിൽ ഗുണ്ടാസംഘങ്ങൾ തമ്മിലുള്ള പകയെന്ന് പോലീസ്. പ്രതിയായ ജോമോനെ നേരത്തെ കാപ്പ ചുമത്തി ജില്ലയിൽ നിന്ന് നാടുകടത്തിയിരുന്നു. അടുത്തിടെ അപ്പീൽ നൽകി ഇയാൾ തിരിച്ചെത്തി തിരിച്ചെത്തിയപ്പോൾ ഗുണ്ടാസംഘങ്ങൾക്കിടയിൽ തന്റെ സ്വാധീനം നഷ്ടമായതായി ഇയാൾ മനസ്സിലാക്കി. ഇത് തിരികെ പിടിക്കുന്നതിനായാണ് കൊലപാതകം നടത്തിയതെന്ന് പോലീസ് പറയുന്നു. ഇന്നലെ രാത്രി ഒമ്പതരയോടെയാണ് 19കാരനായ ഷാൻ ബാബുവിനെ ജോമോനും സംഘവും തട്ടിക്കൊണ്ടുപോകുന്നത്. തുടർന്ന് മർദിച്ച് കൊലപ്പെടുത്തുകയായിരുന്നു പുലർച്ചെ…

  നടിയെ ആക്രമിച്ച കേസിലെ അന്വേഷണ ഉദ്യോഗസ്ഥരെ അപായപ്പെടുത്താൻ ഗൂഢാലോചന നടത്തിയെന്ന സംഭവത്തിൽ ദിലീപിന്റെ അടുത്ത സുഹൃത്തായ ശരത്ത് ഫോൺ ഓഫാക്കി മുങ്ങിയതായി റിപ്പോർട്ട്. കേസിൽ ശരത്തിനെയും ബിസിനസ് പങ്കാളി മെഹ്ബൂബ് പി അബ്ദുള്ളയെയും ഒന്നിച്ചിരുത്തി ചോദ്യം ചെയ്യാൻ തീരുമാനിച്ചിരുന്നു. ഇതോടെയാണ് ശരത്ത് മുങ്ങിയത് ശരത്തിന്റെ കൂടുതൽ വിവരങ്ങൾ ക്രൈംബ്രാഞ്ച് സംഘം ഇതുവരെ പുറത്തുവിട്ടിട്ടില്ല. പ്രതികൾ നടത്തിയ ഗൂഢാലോചനയുടെ ശബ്ദരേഖയുമായി ശാസ്ത്രീയമായി ഒത്തുനോക്കാൻ ഇരുവരുടെയും ശബ്ദസാമ്പിളുകൾ ശേഖരിക്കും. കേസിലെ വിഐപി താനല്ലെന്ന് വ്യക്തമാക്കി മെഹ്ബൂബ് നേരത്തെ രംഗത്തുവന്നിരുന്നു….

  കുട്ടികൾക്ക് വാക്സിനേഷൻ മാർച്ചിൽ ആരംഭിക്കും. 12 മുതൽ 14 വയസ് വരെയുള്ള കുട്ടികൾക്കാണ് മാർച്ച് മുതൽ വാക്സിൻ നൽകി തുടങ്ങുന്നത്.  ഫെബ്രുവരി അവസാനത്തോടെ കുട്ടികൾക്കുള്ള വാക്സിനേഷൻ ആരംഭിച്ചേക്കുമെന്ന് ഇമ്യുണൈസേഷന്റെ നാഷണൽ ടെക്നിക്കൽ അഡൈ്വസറി ഗ്രൂപ്പ് ചെയർമാൻ ഡോ.എൻ.കെ അറോറ അറിയിച്ചിരുന്നു. 15 നും 18 നും ഇടയിൽ പ്രായമുള്ള 45 ശതമാനം കുട്ടികൾ ആദ്യ ഡോസ് വാക്സിൻ സ്വീകരിച്ചിട്ടുണ്ട്. 12 വയസ്സിൽ താഴെയുള്ള കുട്ടികൾക്ക് സെപ്റ്റംബർ മുതൽ വാക്സിൻ നൽകാൻ ആലോചനയുണ്ട്. ജനുവരി അവസാനത്തോടെ 15-17…

  നടിയെ ആക്രമിച്ച കേസിൽ ഹൈക്കോടതിയുടെ നിർണായക വിധി. കേസിൽ എട്ട് സാക്ഷികളെ കൂടി വിസ്തരിക്കാൻ പ്രോസിക്യൂഷന് ഹൈക്കോടതി അനുമതി നൽകി. വിചാരണക്കോടതിക്കെതിരെ പ്രോസിക്യൂഷൻ നൽകിയ അപ്പീലിലാണ് ഹൈക്കോടതി വിധി. വിചാരണ കോടതി ഈ ആവശ്യം തള്ളിയതോടെയാണ് പ്രോസിക്യൂഷൻ ഹൈക്കോടതിയെ സമീപിച്ചത് കേസിൽ പത്ത് ദിവസത്തിനകം പുതിയ സ്‌പെഷ്യൽ പ്രോസിക്യൂട്ടറെ നിയമിക്കണമെന്നും ഹൈക്കോടതി നിർദേശിച്ചു. രേഖകൾ വിളിച്ചു വരുത്തണമെന്ന ആവശ്യവും കോടതി അംഗീകരിച്ചിട്ടുണ്ട്. വിചാരണ കോടതിയുടെ രണ്ട് ഉത്തരവുകൾ റദ്ദാക്കിക്കൊണ്ടാണ് കേസിൽ ഹൈക്കോടതിയുടെ വിധി വന്നിരിക്കുന്നത് കേസിലെ…

  കോട്ടയം ഈസ്റ്റ് പോലീസ് സ്‌റ്റേഷനിൽ മൃതദേഹവുമായി ഗുണ്ട ജോമോൻ എത്തിയ സംഭവത്തിൽ കൂടുതൽ വിവരങ്ങൾ പുറത്ത്. വീടിന് സമീപത്ത് സുഹൃത്തുക്കളുമായി സംസാരിച്ച് നിൽക്കുകയായിരുന്ന ഷാൻ ബാബുവിനെ രാത്രി ഒമ്പത് മണിയോടെയാണ് ജോമോനും സംഘവും തട്ടിക്കൊണ്ടുപോയത്. സ്ഥലത്തെ മറ്റൊരു ഗുണ്ടയായ സൂര്യനെ തേടിയാണ് ജോമോനും സംഘവുമെത്തിയത് ഓട്ടോയിലെത്തിയ ജോമോൻ ഷാനെ ബലമായി ഓട്ടോറിക്ഷയിൽ പിടിച്ചുകയറ്റി. തുടർന്ന് വണ്ടിയിലിട്ട് ക്രൂരമായി മർദിച്ച് കൊലപ്പെടുത്തുകയായിരുന്നു. രാത്രി വൈകിയും മകൻ തിരികെ വരാതായതോടെ ഷാന്റെ അമ്മ പോലീസിൽ പരാതി നൽകി. ഇതിൽ…