Kerala

തിരുവനന്തപുരം: സ്വർണ്ണക്കടത്ത് കേസിൽ നിർണ്ണായക കണ്ടെത്തലയുമായി എൻഐഎ. യുഎഇയിൽ നിന്ന് തിരുവന്തപുരത്തേക്ക് നയതന്ത്ര പാഴ്‌സലിൽ സ്വർണ്ണം അയച്ചവരെ എൻഐഎ തിരിച്ചറിഞ്ഞു. ദുബായ് വിമാനത്താവളത്തിൽ നിന്നാണ് എല്ലാ കൺസൈൻമെന്‍റുകളും അയച്ചിട്ടുള്ളത്. 21 തവണയായി 166 കിലോ സ്വർണമാണ് ദുബായിൽ നിന്ന് അയച്ചതെന്ന് എൻ ഐ എ വ്യകത്മാക്കി.   ആദ്യ നാല് കൺസൈൻമെന്റുകകൾ അയച്ചത് പശ്ചിമബംഗാൾ സ്വദേശി മുഹമ്മദിന്‍റെ പേരിലാണ്. അഞ്ച് മുതൽ 18 വരെയുള്ള കൺസൈൻമെന്‍റുകൾ വന്നിരിക്കുന്നത് യുഎഇ പൗരനായ ദാവൂദിന്‍റെ പേരിൽ. പത്തൊമ്പതാമത്തെ കൺസൈൻമെന്‍റ് വന്നിരിക്കുന്നത് ദുബായ്…

കൊച്ചി: കൊച്ചി മെട്രോ സർവീസ് ഉടൻ പുനഃരാരംഭിക്കും. സമയക്രമവും സർവീസുകളുടെ എണ്ണവും മാറ്റം വരുത്തിയാണ് സർവീസുകൾ ആരംഭിക്കുന്നത്. കേന്ദ്ര സർക്കാർ അനുവാദം ലഭിക്കുന്ന മുറയ്ക്ക് സർവീസ് തുടങ്ങുമെന്നും ഒരുക്കങ്ങൾ എല്ലാം പൂർത്തിയായതായും കൊച്ചി മെട്രോ അധികൃതർ അറിയിച്ചു. കൊവിഡ് പ്രതിരോധ നടപടികൾ ശക്തമാക്കി സർവീസുകൾ പുനഃരാരംഭിക്കാനാണ് കൊച്ചി മെട്രോ തയ്യാറെടുക്കുന്നത്. നാലാംഘട്ട ലോക്ക് ഡൗൺ ഇളവുകളുടെ ഭാഗമായി മെട്രോ സർവീസ് പുനഃരാരംഭിക്കാൻ സാധിക്കുമെന്ന കേന്ദ്ര സർക്കാർ സൂചനകളുടെ അടിസ്ഥാനത്തിലാണ് ഒരുക്കങ്ങൾ പൂർത്തിയായത്. സർവീസുകളുടെ എണ്ണത്തിലും സമയ ക്രമത്തിലും…

സെക്രട്ടേറിയറ്റിലെ തീപിടിത്തവുമായി ബന്ധപ്പെട്ട് പ്രതിപക്ഷ നേതാവ് രമേശ് ചെന്നിത്തല നൽകിയ പരാതി ഗവർണർ ആരിഫ് മുഹമ്മദ് ഖാൻ മുഖ്യമന്ത്രി പിണറായി വിജയന് കൈമാറി. ഉചിതമായ പരിഗണന വേണമെന്നും ഗവർണർ നിർദേശിച്ചിട്ടുണ്ട്. തീപിടിത്തവുമായി ബന്ധപ്പെട്ട് മുഖ്യമന്ത്രിയെയും ചീഫ് സെക്രട്ടറിയെയും വിളിച്ചു വരുത്തണമെന്നതായിരുന്നു രമേശ് ചെന്നിത്തലയുടെ ആവശ്യം. എന്നാൽ ഗവർണർ ഇത് തള്ളി. പരാതി മുഖ്യമന്ത്രിയുടെ തന്നെ പരിഗണനക്ക് വിടാനാണ് ഗവർണർ താത്പര്യപ്പെട്ടത്. തീപിടിത്തവുമായി ബന്ധപ്പെട്ട് അന്വേഷണ സംഘം പരിശോധന തുടരുകയാണ്. മുഴുവൻ ഫയലുകളും പരിശോധിക്കുന്നുണ്ട്. നഷ്ടപ്പെട്ട ഫയലുകൾ ഏതൊക്കെയെന്ന്…

കോയമ്പത്തൂർ വിമാനത്താവളത്തിൽ ഒന്നേകാൽ കോടി രൂപയുടെ സ്വർണം കടത്തിയ ദമ്പതികൾ പിടിയിൽ. പേസ്റ്റ് രൂപത്തിലാക്കിയാണ് സ്വർണം കടത്താൻ ശ്രമിച്ചത്. വന്ദേഭാരത് പദ്ധതിയുടെ ഭാഗമായി ദുബൈയിൽ നിന്നെത്തിയ വിമാനത്തിലാണ് ദമ്പതികൾ സ്വർണം കടത്തിയത്. ഇരുവരുടെയും പെരുമാറ്റത്തിൽ സംശയം തോന്നിയതിനെ തുടർന്നാണ് പരിശോധിക്കാൻ തീരുമാനിച്ചത്. അടിവസ്ത്രങ്ങളോട് തുന്നിച്ചേർത്ത നിലയിൽ പാക്കറ്റുകൾ കണ്ടെത്തുകയും ഇവയ്ക്കുള്ളിൽ പേസ്റ്റ് രൂപത്തിലാക്കിയ സ്വർണം കണ്ടെത്തുകയുമായിരുന്നു. 2.61 കിലോ സ്വർണമാണ് ഇവരിൽ നിന്ന് പിടികൂടിയത്.

സംസ്ഥാന സർക്കാർ അഴിമതി നടത്തുന്നുവെന്ന് ആരോപിച്ച് യുഡിഎഫ് നേതൃത്വത്തിൽ സംസ്ഥാനത്തെ തദ്ദേശ വാർഡുകളിൽ സമരം. ഇരുപത്തിയൊന്നായിരം വാർഡുകളിലാണ് സമരം നടക്കുന്നത്. ലൈഫ് മിഷൻ ആരോപണവിധേയമായ വടക്കാഞ്ചേരി ഫ്‌ളാറ്റ് സമുച്ചയം രമേശ് ചെന്നിത്തല സന്ദർശിച്ചു. ബെന്നി ബെഹന്നാൻ, രമ്യാ ഹരിദാസ്, അനിൽ അക്കര തുടങ്ങിയ നേതാക്കളും അദ്ദേഹത്തിന് ഒപ്പമുണ്ട്. സമരത്തിന്റെ സംസ്ഥാനതല ഉദ്ഘാടനം രമേശ് ചെന്നിത്തല വടക്കാഞ്ചേരി ടൗണിൽ നിർവഹിക്കും സ്വർണക്കടത്ത്, ലൈഫ് മിഷൻ കോഴ, പ്രളയത്തട്ടിപ്പ്, പിൻവാതിൽ നിയമനം എന്നിവ സിബിഐ അന്വേഷിക്കുക. സെക്രട്ടേറിയറ്റിലെ ഫയൽ കത്തിച്ച…

ഹോർട്ടികോർപിന്‍റെ 2000 ഓണസമൃദ്ധി ചന്തകൾക്ക് തുടക്കമായി. ഓണം വീട്ടിലിരുന്ന് തന്നെ ആഘോഷിക്കുന്നതിനുളള സൗകര്യങ്ങളാണ് സർക്കാർ ഒരുക്കുന്നതെന്ന് ഓണച്ചന്ത ഉദ്ഘാടനം ചെയ്തു കൊണ്ട് മുഖ്യമന്ത്രി പിണറായി വിജയൻ പറഞ്ഞു. ഈ മാസം 30 വരെയാണ് ചന്തകള്‍ പ്രവര്‍ത്തിക്കുക ഹോര്‍ട്ടികോര്‍പ്പിന്‍റെയും കൃഷിവകുപ്പിന്‍റെയും വിഎഫ്പിസികെയുടെയും നേതൃത്വത്തിലാണ് ഓണ സമൃദ്ധി ചന്തകള്‍ ഒരുക്കിയിരിക്കുന്നത്. പ്രാദേശിക കര്‍ഷകരില്‍ നിന്നും സംഭരിച്ച പച്ചക്കറികളാണ് വിപണനം നടത്തുന്നത്. കോവിഡ് മാനദണ്ഡങ്ങൾ പാലിച്ചായിരിക്കും വിപണിയുടെ പ്രവർത്തനം. ഓണചന്തകളുടെ ഉദ്ഘാടനം ഓണ്‍ലൈനിലൂടെ മുഖ്യമന്ത്രി പിണറായി വിജയന്‍ നിര്‍വഹിച്ചു. ഈ മാസം…

സെക്രട്ടേറിയറ്റിലെ പ്രോട്ടോക്കോൾ വിഭാഗത്തിലുണ്ടായ തീപിടിത്തം അന്വേഷിക്കുന്ന പ്രത്യേക പോലീസ് സംഘം സ്ഥലത്ത് നിന്ന് ശേഖരിച്ച ശാസ്ത്രീയ തെളിവുകൾ ഇന്ന് കോടതിയിൽ സമർപ്പിക്കും. ശാസ്ത്രീയ പരിശോധനകൾക്കായി ഫോറൻസിക് ലാബിലേക്ക് അയക്കുന്നതിന് വേണ്ടിയാണിത്. കൂടുതൽ സാക്ഷികളുടെ മൊഴികൾ അന്വേഷണ സംഘം രേഖപ്പെടുത്തും തീപിടിത്തം ആദ്യം കണ്ട ജലവിഭവവകുപ്പ് മന്ത്രിയുടെ ഓഫീസിലെ ജീവനക്കാരന്റെയും സ്ഥലത്തേക്ക് ഓടിയെത്തിയവരുടെയും മൊഴികൾ പോലീസ് രേഖപ്പെടുത്തിയിരുന്നു. സിസിടിവി ഉൾപ്പെ പോലീസ് പരിശോധിക്കും. ഫോറൻസിക് പരിശോധന ഫലം വന്നാലുടൻ റിപ്പോർട്ട് നൽകും. അതേസമയം തീപിടിത്തം അട്ടിമറിയാണെന്ന കാര്യത്തിൽ ഉറച്ചു…

ആയുധങ്ങളുമായി പോകുകയായിരുന്ന സൈനിക ലോറി അപകടത്തിൽപ്പെട്ടു. മധ്യപ്രദേശിലെ ജബൽപൂരിലേക്ക് പോകുകയായിരുന്ന ലോറി കാറുമായി കൂട്ടിയിടിക്കുകയായിരുന്നു ഇന്നലെ രാത്രി കുണ്ടന്നൂർ പാലത്തിൽ വെച്ചാണ് അപകടം സംഭവിച്ചത്. ഇരു വാഹനങ്ങളും കൂട്ടിയിടിയിൽ തകർന്നു. പോലീസും നാവികസേനാ ഉദ്യോഗസ്ഥരും ഉടൻ സ്ഥലത്ത് എത്തി ലോറി നാവികസേനാ ആസ്ഥാനത്തേക്ക് മാറ്റി