കാസർകോട് കീഴൂരിൽ പോക്സോ കേസ് പ്രതി തെളിവെടുപ്പിനിടെ കടലിൽ ചാടി. കാസർകോട് സ്വദേശി മഹേഷാണ് കൈവിലങ്ങോടെ കടലിൽ ചാടിയത്. അയൽവാസിയായ പ്രായപൂർത്തിയാകാത്ത പെൺകുട്ടി കുളിക്കുന്ന ദൃശ്യങ്ങൾ ചിത്രീകരിച്ചുവെന്നാണ് മഹേഷിനെതിരായ കേസ്. ദൃശ്യങ്ങൾ ചിത്രീകരിച്ച മൊബൈൽ ഫോൺ കസബ കടപ്പുറത്ത് ഉപേക്ഷിച്ചുവെന്ന് ഇയാൾ പോലീസിന് മൊഴി നൽകിയിരുന്നു. ഈ മൊബൈൽ കണ്ടെടുക്കുന്നതിനാണ് പ്രതിയെ കടപ്പുറത്ത് എത്തിച്ചത്. തെിനിടെയാണ് ഇയാൾ പോലീസിനെ വെട്ടിച്ച് കൈവിലങ്ങോടെ കടലിൽ ചാടിയത്.‌

കോട്ടയം: കോട്ടയം മെഡിക്കല്‍ കോളേജില്‍ ചികിത്സയില്‍ കഴിഞ്ഞിരുന്ന അഞ്ച് പേര്‍ക്ക് കോവിഡ്. ഗൈനോക്കോളജി വിഭാഗത്തില്‍ ചികിത്സയിലുണ്ടായിരുന്ന അഞ്ച് പേര്‍ക്കാണ് കൊവിഡ് വൈറസ് ബാധ സ്ഥിരീകരിച്ചത്. രോഗം സ്ഥിരീകരിച്ചവരില്‍ രണ്ട് പേര്‍ ഗര്‍ഭിണികളാണ്. മെഡിക്കല്‍ കോളേജിലെ ജി 7, ജി 8 വാര്‍ഡുകളിലുള്ളവര്‍ക്കാണ് രോഗം സ്ഥിരീകരിച്ചത്. ഇതേതുടര്‍ന്ന് ഈ വാര്‍ഡുകളിലുണ്ടായിരുന്ന മറ്റു മുഴുവന്‍ രോഗികളേക്കും മാറ്റി പാര്‍പ്പിച്ചു. രോഗികളുമായി സമ്പര്‍ക്കത്തിലുള്ള ഡോക്ടര്‍മാരുടേും നഴ്‌സുമാരുടേയും സമ്പര്‍ക്കപ്പട്ടിക ഇന്ന് തയ്യാറാക്കും. നിലവില്‍ മെഡിക്കല്‍ കോളേജിലെ 16 ഡോക്ടര്‍മാര്‍ നിരീക്ഷണത്തിലാണ്. നേരത്തെ തിരുവനന്തപുരം…

ധനബില്‍ പാസാക്കുന്നതിനായി ഈ മാസം 27 ന് ചേരാന്‍ നിശ്ചയിച്ചിരുന്ന നിയമസഭാ സമ്മേളനം മാറ്റിവെച്ചു. തലസ്ഥാനത്ത് കൊവിഡ് വ്യാപനം രൂക്ഷമായ പശ്ചാത്തലത്തിലാണ് സഭാ സമ്മേളനം മാറ്റിവച്ചത്. ധനബില്‍ പരിഗണിക്കുന്നത് നീട്ടാന്‍ ഓര്‍ഡിനന്‍സ് ഇറക്കും. ജൂലൈ 31 നകം ധനബില്‍ പാസാക്കേണ്ടതുണ്ട്. ഇതിനാലാണ് 27 ന് പ്രത്യേക സമ്മേളനം വിളിച്ചത്. എന്നാല്‍ സര്‍ക്കാരിനും സ്പീക്കര്‍ക്കുമെതിരെ പ്രതിപക്ഷം അവിശ്വാസത്തിന് നോട്ടീസ് നല്‍കിയിരുന്നു. ഈ പശ്ചാത്തലത്തില്‍ കൂടിയാണ് സഭാ സമ്മേളനം മാറ്റി വെക്കുന്നതെന്നാണ് സൂചനകള്‍. സ്വര്‍ണ്ണക്കടത്ത് വിവാദവും കൊവിഡ് വ്യാപനവും സജീവമായി…

പത്തനംതിട്ടയിൽ മാമോദീസ ചടങ്ങിൽ പങ്കെടുത്ത യുവാവിന് കൊവിഡ് സ്ഥിരീകരിച്ചതോടെ എട്ട് വൈദികരടക്കം എഴുപതോളം പേർ നിരീക്ഷണത്തിൽ പോയി. പ്രക്കാനത്തിന് സമീപം പള്ളിയിൽ ജൂലൈ 9ന് നടന്ന മാമോദീസ ചടങ്ങിലാണ് കൊവിഡ് സ്ഥിരീകരിച്ച യുവാവ് പങ്കെടുത്തത്. ചടങ്ങിൽ യുവാവ് ഭക്ഷണം വിളമ്പുകയും ചെയ്തിരുന്നു. വൈദികർ 12, 19 തീയതികളിൽ വിവിധ ദേവാലയങ്ങളിൽ കുർബാനയും നടത്തിയിട്ടുണ്ട്. മാമോദീസ കഴിഞ്ഞ് പത്താം ദിവസമാണ് യുവാവിന് രോഗം സ്ഥിരീകരിച്ചത്.

സംസ്ഥാനത്ത് കൊവിഡ് ബാധിച്ച് മൂന്ന് പേർ കൂടി മരിച്ചു. കാസർകോട് പച്ചക്കാട് സ്വദേശി ഹൈറുന്നീസ(48), കോഴിക്കോട് കല്ലായി സ്വദേശി കോയ(56) എന്നിവരാണ് ഇന്ന് മരിച്ചത്. ഇന്നലെ മരിച്ച കൊല്ലം കുലശേഖരപുരം സ്വദേശി റെയ്ഹാനത്തിനും(55) കൊവിഡ് സ്ഥിരീകരിച്ചു. വീട്ടിൽ കുഴഞ്ഞുവീണു മരിച്ച ഇവരുടെ സ്രവം മരണശേഷമാണ് പരിശോധിച്ചത്. ഇതോടെ സംസ്ഥാനത്തെ കൊവിഡ് മരണങ്ങളുടെ എണ്ണം 48 ആയി പരിയാരം മെഡിക്കൽ കോളജ് ആശുപത്രിയിൽ ചികിത്സയിലിരിക്കെയാണ് ഹൈറുന്നീസ മരിച്ചത്. രണ്ട് ദിവസം മുമ്പാണ് ഇവർക്ക് രോഗം സ്ഥിരീകരിച്ചത്. ന്യൂമോണിയ തുടർന്ന്…