തൃശൂർ: കയ്പമംഗലം മൂന്നുപീടിക ഗോൾഡ് ഹാർട്ട് ജ്വല്ലറിയിൽ വൻ കവർച്ച. ജ്വല്ലറിയുടെ ഭിത്തി തുരന്ന് ലോക്കറിൽ സൂക്ഷിച്ചിരുന്ന മൂന്നര കിലോ സ്വർണാഭരണങ്ങൾ കവർന്നു. രാവിലെ 10 മണിയോടെ ജ്വല്ലറി തുറക്കാനെത്തിയ ഉടമ സലിമാണ് മോഷണം വിവരം ആദ്യം അറിയുന്നത്. ജ്വല്ലറിക്കകത്ത് ലോക്കറിൽ സൂക്ഷിച്ചിരുന്ന സ്വർണമാണ് നഷ്ടപ്പെട്ടത്. മോഷണം നടത്തിയതിന് ശേഷം ജ്വല്ലറിക്കകത്ത് മോഷ്ടാക്കൾ തെളിവുകൾ നശിപ്പിക്കുന്നതിനായി മുളക് പൊടി വിതറിയിട്ടുണ്ട്. ദേശീയപാതയോട് ചേർന്ന് പ്രവർത്തിക്കുന്ന ജ്വല്ലറിയുടെ വലത് വശത്ത് പുല്ലുകൾ നിറഞ്ഞ് കാട് പിടിച്ച ഭാഗത്ത് ഏകദേശം…

സ്വർണക്കടത്ത് കേസിൽ എൻഫോഴ്‌സ്‌മെന്റ് ഡയറക്ടറേറ്റ് രജിസ്റ്റർ ചെയ്ത കേസിലും സ്വപ്‌ന സുരേഷിന് ജാമ്യമില്ല. രാജ്യത്തും വിദേശത്തും ഉന്നത സ്വാധീനമുള്ള വ്യക്തികൾ ഉൾപ്പെട്ട കേസാണിതെന്നും സ്വർണക്കടത്തുമായി ബന്ധപ്പെട്ട് ഉന്നതതല ബന്ധങ്ങൾ പരിശോധിക്കണമെന്നും ചൂണ്ടിക്കാട്ടിയാണ് എറണാകുളം പ്രിൻസിപ്പൽ സെഷൻസ് കോടതി ജാമ്യം നിഷേധിച്ചത്. ബാങ്ക് ലോക്കറിൽ സൂക്ഷിച്ച പണവും സ്വർണവും കള്ളപ്പണമാണെന്ന അന്വേഷണസംഘത്തിന്റെ വാദം തള്ളിക്കളയാനാകില്ല. കൂടാതെ പണത്തിന്റെ ഉറവിടമെന്ന് പ്രതി പറയുന്നത് തെളിയിക്കേണ്ടത് പ്രതിയുടെ ബാധ്യതയാണെന്നും കോടതി പറഞ്ഞു. സ്വപ്‌നക്കെതിരെ കൃത്യമായ തെളിവുകളുണ്ടെന്ന് എൻഫോഴ്‌സ്‌മെന്റ് കോടതിയിൽ പറഞ്ഞിരുന്നു ലോക്കറിൽ…

പാലാ കോടതി വളപ്പിൽ ജഡ്ജിയുടെ വാഹനത്തിന് നേരെ ആക്രമണം. കോടതി വളപ്പിൽ പാർക്ക് ചെയ്തിരുന്ന ജഡ്ജിയുടെ കാർ ഉൾപ്പെടെ രണ്ട് വാഹനങ്ങൾ സാമൂഹ്യവിരുദ്ധർ അടിച്ചു തകർത്തു എംഎസിടി ജഡ്ജിയുടെയും കോടതി ജീവനക്കാരന്റെയും വാഹനങ്ങളാണ് അടിച്ചു തകർത്തത്. സംഭവത്തിൽ പോലീസ് അന്വേഷണം ആരംഭിച്ചു. പ്രതികളാരെന്ന് സൂചന ലഭിച്ചിട്ടില്ല. പാലാ ബാർ അസോസിയേഷൻ വിഷയത്തിൽ ശക്തമായി അപലപിച്ചു.

പാലാരിവട്ടം പാലം പൊളിക്കുന്നതിനുള്ള വിലക്ക് നീക്കണമെന്ന് ആവശ്യപ്പെട്ട് സംസ്ഥാന സർക്കാർ സുപ്രീം കോടതിയെ സമീപിച്ചു. പാലത്തിൽ തൽസ്ഥിതി തുടരണമെന്ന ജസ്റ്റിസ് റോഹിംഗ്ടൺ നരിമാൻ അധ്യക്ഷനായ ബഞ്ചിന്റെ മുൻ ഉത്തരവ് ഭേദഗതി ചെയ്യണമെന്നാവശ്യപ്പെട്ടാണ് സർക്കാർ സുപ്രീം കോടതിയിൽ അപേക്ഷ നൽകിയത് അപകാതകൾ നിറഞ്ഞ നിർമാണം കണ്ടെത്തിയതിനെ തുടർന്ന് ഒരു വർഷമായി പാലം അടഞ്ഞുകിടക്കുകയാണ്. ജനങ്ങളുടെ അസൗകര്യം കാരണം പാലം പൊളിച്ച് പണിയാൻ തീരുമാനിച്ചതാണ്. കോടതി നടപടികളെ തുടർന്ന് നിർമാണം വൈകുകയാണ്. കുണ്ടന്നൂർ, വൈറ്റില പാലങ്ങൾ ഈ വർഷം കമ്മീഷൻ…

കൊവിഡ് രോഗികളുടെ ഫോൺ വിവരശേഖരണത്തിനുള്ള സർക്കാർ തീരുമാനത്തിനെതിരെ പ്രതിപക്ഷ നേതാവ് രമേശ് ചെന്നിത്തല നൽകിയ ഹർജി ഹൈക്കോടതി തീർപ്പാക്കി. കൊവിഡ് രോഗികളുടെ ടവർ ലൊക്കേഷൻ മാത്രമാണ് പരിശോധിക്കുന്നതെന്ന സർക്കാർ വാദം കോടതി അംഗീകരിച്ചു കൊവിഡ് രോഗികളുടെ എണ്ണം ദിനംപ്രതി ഉയരുകയാണ്. അതിനാൽ ഇത്തരത്തിലൊരു തീരുമാനത്തിൽ അപാകതയില്ലെന്ന് കോടതി അഭിപ്രായപ്പെട്ടു. നിലവിലെ പ്രത്യേക സാഹചര്യം മനസ്സിലാക്കണമെന്ന് ചെന്നിത്തലയുടെ അഭിഭാഷകനോട് കോടതി ആവശ്യപ്പെട്ടു. സെല്ലുലാർ കമ്പനികളെ ഹർജിയിൽ ഉൾപ്പെടുത്തേണ്ട കാര്യമില്ല ടവർ ഡീറ്റൈൽസ് എടുക്കുന്നതിൽ കുഴപ്പമില്ലെന്ന് ഇന്നലെ പറഞ്ഞിട്ട് ഇന്ന്…

കണ്ണൂർ പരിയാരത്ത് പ്രായപൂർത്തിയാകാത്ത സഹോദരിമാരെ പീഡിപ്പിച്ച സംഭവത്തിൽ അമ്മയ്ക്കും അമ്മയുടെ ബന്ധുവിനുമെതിരെ ഞെട്ടിക്കുന്ന വെളിപ്പെടുത്തലുകളുമായി കുട്ടികൾ. അമ്മയുടെ ഒത്താശയോടെയാണ് തങ്ങൾ പീഡനത്തിന് ഇരയായതെന്ന് ചാനലിന് നൽകിയ അഭിമുഖത്തിൽ കുട്ടികൾ പറയുന്നു ഭർത്താവുമായി അകന്ന് കഴിയുന്ന സ്ത്രീ കഴിഞ്ഞ ആറ് വർഷമായി ബോസ് എന്ന് പേരുള്ള 51കാരന്റെ കൂടെയാണ് താമസം. ഹോസ്റ്റലിൽ പഠിക്കുന്ന കുട്ടികൾ അമ്മയെ കാണാൻ വീട്ടിലെത്തിയപ്പോഴായിരുന്നു പീഡനം. ഇപ്പോൾ എട്ടാം ക്ലാസിൽ പഠിക്കുന്ന കുട്ടി നാലാം ക്ലാസിൽ പഠിക്കുമ്പോഴായിരുന്നു ആദ്യ പീഡനം നടന്നത്. അമ്മയുടെ മുന്നിൽ…

തൃശ്ശൂർ വേലൂർ കോടശ്ശേരിയിൽ ക്രിമിനൽ കേസ് പ്രതിയെ വെട്ടിക്കൊന്നു. വീരപ്പൻ സനീഷാണ് കൊല്ലപ്പെട്ടത്. വ്യാഴാഴ്ച അർധരാത്രിയായിരുന്നു സംഭവം. നിരവധി ക്രിമനൽ കേസുകളിൽ പ്രതിയായ ഇസ്മായിൽ എന്നയാളാണ് കൊല നടത്തിയത്. ഇസ്മായിലും സനീഷും ഒന്നിച്ചിരുന്ന് മദ്യപിക്കുന്നതിനിടെയാണ് സംഭവം. വാക്കുതർക്കമുണ്ടാകുകയും ഇസ്മായിൽ സനീഷിനെ വെട്ടിക്കൊല്ലുകയുമായിരുന്നു.

പത്തനംതിട്ട ചിറ്റാറിൽ ഫാം ഉടമയായ മത്തായിയെ കിണറ്റിൽ മരിച്ച നിലയിൽ കണ്ടെത്തിയ സംഭവത്തിൽ അന്വേഷണം സിബിഐക്ക് വിട്ടു. ഇതുസംബന്ധിച്ച ഉത്തരവിൽ മുഖ്യമന്ത്രി പിണറായി വിജയൻ ഒപ്പുവെച്ചു. സിബിഐ അന്വേഷണം ആവശ്യപ്പെട്ട് മത്തായിയുടെ ഭാര്യ ഷീബ ഹൈക്കോടതിയിൽ നൽകിയ ഹർജി ഇന്ന് പരിഗണിക്കാനിരിക്കെയാണ് സർക്കാർ നടപടി ഓഗസ്റ്റ് പതിമൂന്നിനാണ് ഷീബ നൽകിയ ഹർജി ഹൈക്കോടതി ആദ്യം പരിഗണിച്ചത്. ഒരാഴ്ചക്കുള്ളിൽ റിപ്പോർട്ട് നൽകാൻ പോലീസിനോട് കോടതി ആവശ്യപ്പെട്ടിരുന്നു. മത്തിയായുടെ മൃതദേഹം കഴിഞ്ഞ 25 ദിവസമായി മോർച്ചറിയിൽ സൂക്ഷിച്ചിരിക്കുകയാണ്. കുറ്റവാളികൾക്കെതിരെ നടപടിയുണ്ടാകുന്നതുവരെ…