കാർഷിക നിയമങ്ങൾക്കെതിരെ സമരം ചെയ്യുന്ന കർഷകർക്ക് പിന്തുണ പ്രഖ്യാപിച്ച സ്വീഡിഷ് പരിസ്ഥിതി പ്രവർത്തക ഗ്രെറ്റ തുൻബർഗിനെതിരെ കേസെടുത്ത് ഡൽഹി പോലീസ്. കർഷകസമരവുമായി ബന്ധപ്പെട്ട് നടത്തിയ ട്വീറ്റുകളുടെ പേരിലാണ് കേസെടുത്തിരിക്കുന്നത്. ഡൽഹി സൈബർ പോലീസാണ് കേസെടുത്തത് മതത്തിന്റെ പേരിൽ ശത്രുത പരത്തുകയും ക്രിമിനൽ ഗൂഢാലോചന നടത്തുകയും ചെയ്തുവെന്ന് ഡൽഹി പോലീസ് ആരോപിക്കുന്നു. കർഷക സമരം നടക്കുന്ന സ്ഥലത്ത് ഇന്റർനെറ്റ് അടക്കമുള്ളവ വിച്ഛേദിച്ച സർക്കാർ നടപടിയെക്കുറിച്ചുള്ള വാർത്ത ഉൾപ്പെടെ പങ്കുവെച്ചായിരുന്നു ഗ്രെറ്റയുടെ ട്വീറ്റ് കർഷക സമരത്തെ പിന്തുണക്കാനുള്ള ടൂൾ കിറ്റ്…

കേന്ദ്രത്തിന്റെ ജനാധിപത്യവിരുദ്ധമായ പെരുമാറ്റത്തെ തുടർന്ന് ആഗോള തലത്തിൽ ഇന്ത്യയുടെ പ്രതിച്ഛായക്കുണ്ടായ കോട്ടത്തന് ക്രിക്കറ്റ് കളിക്കാരുടെ ട്വീറ്റ് കൊണ്ട് പരിഹരിക്കാനാകില്ലെന്ന് ശശി തരൂർ. പാശ്ചാത്യ സെലിബ്രിറ്റികൾക്കെതിരെ കേന്ദ്രസർക്കാർ ഇന്ത്യൻ സെലിബ്രിറ്റികളെ രംഗത്തിറക്കുന്നുവെന്നത് ലജ്ജാകരമാണെന്നും തരൂർ പറഞ്ഞു. പോപ് ഗായിക റിഹാന, പരിസ്ഥിതി പ്രവർത്തക ഗ്രെറ്റ തുൻബർഗ തുടങ്ങിയവർ കർഷക സമരത്തെ പിന്തുണച്ച് രംഗത്തുവന്നിരുന്നു. പിന്നാലെ മോദി സർക്കാരിന് പിന്തുണ അർപ്പിച്ച് ഇന്ത്യ ഒരുമിച്ച് എന്ന ഹാഷ് ടാഗുമായി കേന്ദ്രമന്ത്രിമാരും ബോളിവുഡ്, ക്രിക്കറ്റ് താരങ്ങളും രംഗത്തുവരികയായിരുന്നു.  

കർഷക സമരത്തെ അടിച്ചമർത്തുന്ന കേന്ദ്രസർക്കാരിനെ രൂക്ഷമായി വിമർശിച്ച് പ്രതിപക്ഷം രാജ്യസഭയിൽ. കർഷകരെ കിടങ്ങുകൾ കുഴിച്ചും മുള്ളുകമ്പികൾ നിരത്തിയും ഇരുമ്പാണികൾ പാകിയുമാണ് നേരിടുന്നത്. സ്വയം പുകഴ്ത്തിലിനും പ്രസ്താവനകളിലും മാത്രമാണ് മന്ത്രിമാർക്ക് താത്പര്യമെന്നും പ്രതിപക്ഷം ആരോപിച്ചു വിമർശിക്കുന്നവരെ ദേശവിരുദ്ധരായി ചിത്രീകരിക്കാനാണ് ശ്രമിക്കുന്നത്. കർഷകരുടെ വേദന മനസ്സിലാക്കൂ. ഈ കടുത്ത ശൈത്യകാലത്തും നിങ്ങൾ അവരുടെ വെള്ളവും ശൗചാലയങ്ങളും നൽകാതിരിക്കുകയും കിടങ്ങുകൾ കുഴിക്കുകയും മുള്ളുകമ്പികൾ നിരത്തുകയും ഇരുമ്പാണികൾ പാകുകയും ചെയ്യുകയാണെന്ന് ആർജെഡി എംപി മനോജ്കുമാർ ഝാ പറഞ്ഞു. രാജ്യത്തിന്റെ നട്ടെല്ലാണ് കർഷകർ. അവരുടെ…