കിറ്റക്‌സിന്റെ ഭാഗത്ത് നിന്ന് ഔദ്യോഗികമായി പരാതികളൊന്നും വ്യവസായ വകുപ്പിന് ലഭിച്ചിട്ടില്ലെന്ന് മന്ത്രി പി രാജീവ്. വ്യവസായ വകുപ്പിന്റെ പരിശോധന കിറ്റക്‌സിൽ നടന്നിട്ടില്ല. മറ്റ് വകുപ്പുകളുടെ പരിശോധനയാണ് നടന്നത്. വ്യവസായ മേഖലയിൽ ഉണർവിന്റെ അന്തരീക്ഷമാണ് നിലനിൽക്കുന്നത്. അതുപയോഗപ്പെടുത്താൻ ബന്ധപ്പെട്ട എല്ലാവരുടെയും കൂട്ടായ ശ്രമമുണ്ടാകണമെന്നും മന്ത്രി പറഞ്ഞു എന്തെങ്കിലും പരാതികളുണ്ടായാൽ അത് വകുപ്പിനെ അറിയിച്ചുള്ള പ്രശ്‌നപരിഹാരത്തിന് ശ്രമിക്കുന്നതാണ് അഭികാമ്യമെന്നും രാജീവ് പറഞ്ഞു. സർക്കാരുമായുള്ള 3500 കോടി രൂപയുടെ നിക്ഷേപ പദ്ധതിയിൽ നിന്ന് പിൻമാറുന്നതായി കിറ്റക്‌സ് കഴിഞ്ഞ ദിവസം പറഞ്ഞിരുന്നു….

  കേരളത്തിലെ ബിജെപിയിൽ അടിമുടി മാറ്റത്തിന് നിർദേശവുമായി സ്വതന്ത്ര നിരീക്ഷകരുടെ റിപ്പോർട്ട്. നിലവിലെ നേതൃത്വം ഒന്നാകെ രാജിവെക്കണമെന്നാണ് പ്രധാനമന്ത്രി നരേന്ദ്രമോദിക്ക് നൽകിയ നിർദേശത്തിൽ പറയുന്നത്. കാമരാജ് പദ്ധതി കേരളാ ബിജെപിയിലും നടപ്പാക്കണമെന്ന് റിപ്പോർട്ടിൽ പറയുന്നു കേന്ദ്രമന്ത്രി വി മുരളീധരൻ അടക്കമുള്ളവർക്ക് തോൽവിയിൽ ഉത്തരവാദിത്വമുണ്ട്. നേതാക്കളുടെ പ്രവർത്തനവും വിലയിരുത്താൻ നേതൃത്വം ആവശ്യപ്പെട്ടിരുന്നു. പാർട്ടിയിൽ വ്യാപക അഴിമതിയാണ്. തെരഞ്ഞെടുപ്പ് ഫണ്ട് ചെലവഴിക്കാതെ കൈക്കലാക്കുന്ന സംഭവങ്ങളും വോട്ട് മറിക്കാൻ പണം വാങ്ങിയ സംഭവങ്ങളുമുണ്ടായെന്നും റിപ്പോർട്ടിൽ പറയുന്നു.

  കരിപ്പൂർ സ്വർണക്കടത്ത് കേസിലെ മുഖ്യപ്രതി കൊടുവള്ളി സ്വദേശി സൂഫിയാൻ അറസ്റ്റിൽ. കൊണ്ടോട്ടി സ്‌റ്റേഷനിൽ കീഴടങ്ങാനെത്തിയപ്പോഴാണ് അറസ്റ്റ് ചെയ്തത്. ഇയാളുടെ കാറും കസ്റ്റഡിയിലെടുത്തു. കരിപ്പൂർ വഴി കടത്താൻ ലക്ഷ്യമിട്ട സ്വർണത്തിന് സംരക്ഷണം നൽകാൻ സൂഫിയാന്റെ നേതൃത്വത്തിലുള്ള സംഘമാണ് എത്തിയതെന്ന് അറസ്റ്റിലായവർ നേരത്തെ മൊഴി നൽകിയിരുന്നു. രാമനാട്ടുകരയിൽ അപകടം നടന്ന സ്ഥലത്തും സൂഫിയാൻ എത്തിയിരുന്നു. സൂഫിയാന്റെ ഫിജാസ് കഴിഞ്ഞ ദിവസം അറസ്റ്റിലായിരുന്നു.

  കരിപ്പൂർ സ്വർണക്കടത്ത് കേസിൽ ഡിവൈഎഫ്‌ഐ ചെമ്പിലോട് മുൻ മേഖലാ സെക്രട്ടറിയും അർജുൻ ആയങ്കിയുടെ ബിനാമിയെന്ന് സംശയിക്കപ്പെടുന്നതുമായ സി സജേഷ് ചോദ്യം ചെയ്യലിന് ഹാജരായി. കൊച്ചിയിലെ കസ്റ്റംസ് പ്രിവന്റീവ് ഓഫീസിൽ രാവിലെ 9 മണിയോടെയാണ് സജേഷ് ഹാജരായത്. ഇന്ന് 11 മണിക്ക് എത്താനാണ് സജേഷിന് നിർദേശം നൽകിയിരുന്നത്. എന്നാൽ മാധ്യമങ്ങളുടെ കണ്ണ് വെട്ടിക്കാനായി ഇയാൾ രണ്ട് മണിക്കൂർ നേരത്തെ എത്തുകയായിരുന്നു. സജേഷ് അർജുന്റെ ബിനാമിയാണെന്നാണ് കസ്റ്റംസ് കോടതിയിൽ നൽകിയ റിപ്പോർട്ടിലുള്ളത്.

  ഡിജിപി അനിൽ കാന്ത് സംസ്ഥാനത്തിന്റെ പുതിയ പോലീസ് മേധാവി. ബുധനാഴ്ച ചേർന്ന മന്ത്രിസഭാ യോഗമാണ് അനിൽ കാന്തിനെ സംസ്ഥാന പോലീസ് മേധാവിയായി തീരുമാനിച്ചത്. ഡൽഹി സ്വദേശിയായ അനിൽകാന്ത് 1988 ബാച്ച് ഐപിഎസ് ഉദ്യോഗസ്ഥനാണ്. നിലവിൽ റോഡ് സുരക്ഷാ കമ്മീഷണറായിരുന്നു ദളിത് വിഭാഗത്തിൽ നിന്ന് സംസ്ഥാന പോലീസ് മേധാവിയാകുന്ന ആദ്യ ഉദ്യോഗസ്ഥനാണ് അനിൽകാന്ത്. എഡിജിപി പോസ്റ്റിൽ നിന്ന് നേരിട്ട് ഡിജിപിയാകുന്ന ഉദ്യോഗസ്ഥനെന്ന പ്രത്യേകതയും മികച്ച അനിൽകാന്തിനുണ്ട്. നേരത്തെ അനിൽകാന്ത്, ബി സന്ധ്യ, സുധേഷ്‌കുമാർ എന്നീ മൂന്ന് പേരുടെ…