മൂന്നാർ പഞ്ചായത്ത് ഭരണം എൽ ഡി എഫിന്. കൂറുമാറിയ അംഗങ്ങൾ എൽഡിഎഫിനൊപ്പം നിന്നതോടെയാണ് കോൺഗ്രസ് ഭരണം അവസാനിച്ചത്. നീണ്ട 11 വർഷങ്ങൾക്ക് ശേഷമാണ് പഞ്ചായത്ത് ഭരണം ഇടതുമുന്നണിക്ക് ലഭിക്കുന്നത്. ഒമ്പതിനെതിരെ 12 വോട്ടുകൾ നേടിയാണ് എൽ ഡി എഫിന്റെ പ്രവീണ രവികുമാർ വിജയിച്ചത്. ദീപയായിരുന്നു യുഡിഎഫിന്റെ പ്രസിഡന്റ് സ്ഥാനാർഥി. കോൺഗ്രസ് അംഗമായിരുന്ന പ്രവീണ കൂറുമാറി എൽ ഡി എഫിനൊപ്പം ചേർന്നതോടെയാണ് പഞ്ചായത്ത് ഭരണം യുഡിഎഫിന് നഷ്ടമായത്.

  മാവേലി എക്‌സ്പ്രസിലെ യാത്രക്കാരനെ എ എസ് ഐ മർദിക്കുന്നതിന്റെ ദൃശ്യങ്ങൾ വലിയ മനുഷ്യാവകാശ ലംഘനമായി വാർത്തകൾ വരുന്നതിനിടെ വസ്തുതകൾ വെളിപ്പെടുത്തി ട്രെയിനിലുണ്ടായിരുന്ന യാത്രക്കാർ. മദ്യപിച്ച് സ്ത്രീകളെ ശല്യം ചെയ്തതോടെയാണ് പോലീസ് ഇടപെട്ടത്. ശല്യം ചെയ്തപ്പോൾ പോലീസിനോട് പരാതിപ്പെട്ടു. തുടർന്നാണ് ഇയാളെ മാറ്റാനായി പോലീസ് എത്തിയത്. പോലീസ് എഴുന്നേറ്റ് നീങ്ങാൻ പറഞ്ഞിട്ടും ഇയാൾ അനുസരിച്ചില്ല. തുടർന്നാണ് വലിച്ച് താഴെയിട്ടതും പിന്നാലെ മർദിച്ചതും. മാഹിയിൽ നിന്ന് കുടിച്ച് ലക്കുകെട്ടാണ് ഇയാൾ സ്ലീപ്പർ കോച്ചിൽ കയറിയത്. രണ്ട് പെൺകുട്ടികളുടെ മുന്നിലിരുന്ന്…

  പാലക്കാട്ടെ ആർ എസ് എസ് പ്രവർത്തകൻ സഞ്ജിത്തിനെ കൊലപ്പെടുത്തിയ കേസിൽ ഒരാൾ കൂടി പിടിയിൽ. ലുക്ക് ഔട്ട് നോട്ടീസിലെ നാല് പേരിൽ ഒരാളായ ഷംസീറാണ് പിടിയിലായത്. പാലക്കാട് അമ്പലപ്പാറ സ്വദേശിയാണ് ഇയാൾ ഇതോടെ കേസിൽ അറസ്റ്റിലായവരുടെ എണ്ണം ഏഴായി. പ്രതികളെ രക്ഷപ്പെടാൻ സഹായിച്ച കുറ്റമാണ് ഷംസീറിനെതിരെയുള്ളത്. എസ് ഡി പി ഐ പ്രവർത്തകനാണ് ഇയാൾ.

കണ്ണൂരിൽ മാവേലി എക്‌സ്പ്രസിലെ യാത്രക്കാരനെ എഎസ്‌ഐ മർദിച്ച സംഭവത്തിൽ പാലക്കാട് റെയിൽവേ ഡിവൈഎസ്പി പ്രാഥമിക റിപ്പോർ്ട് നൽകി. മദ്യപിച്ച് രണ്ട് പേർ പ്രശ്‌നമുണ്ടാക്കുന്നതായി യാത്രക്കാർ അറിയിച്ചു. ഇതിലൊരാൾ തീർത്തും മോശം അവസ്ഥയിലായിരുന്നു. ഒരു യാത്രക്കാരൻ രണ്ട് പെൺകുട്ടികൾ ഇരുന്ന സ്ഥലത്തിരുന്നു. ഇയാളെ മാറ്റുന്നതിനിടയിൽ നിലത്തുവീണു. അതിനിടയിലാണ് ഷൂസ് കൊണ്ട് എഎസ്‌ഐ ചവിട്ടിയതെന്നാണ് റിപ്പോർട്ടിൽ പറയുന്നത്. അതേസമയം കണ്ണൂർ സിറ്റി പോലീസ് കമ്മീഷണർക്ക് സ്‌പെഷ്യൽ ബ്രാഞ്ച് റിപ്പോർട്ട് നൽകിയിട്ടുണ്ട്. കടുത്ത നടപടിക്ക് ശുപാർശ ചെയ്യുമെന്ന് കമ്മീഷണർ ആർ ഇളങ്കോ…

തിരുവനന്തപുരം പി.ആർ.എസ് ആശുപത്രിക്ക് സമീപം വൻ തീപിടുത്തം. ആക്രിക്കടയിലാണ് തീപിടുത്തമുണ്ടായിരിക്കുന്നത്. നിരവധി കടകളും സമീപത്തുണ്ട്. തീ വയ്ക്കാനുള്ള ശ്രമം തുടരുകയാണ്. ഗോഡൗണിനുള്ളിൽ വൻ തീപിടുത്തമാണുണ്ടായിരിക്കുന്നത്. ആദ്യം ചെറിയ പുക ഉണ്ടാവുകയും പിന്നീട് ഇത് വലിയ തീപിടുത്തമായി മാറുകയുമായിരുന്നു. തീപിടുത്തം നടന്ന സമീപത്തുണ്ടായിരുന്ന ആളുകളെ മാറ്റിയെന്ന വിവരമാണ് ലഭിക്കുന്നത്.  

ഇടപ്പള്ളി സിഗ്നലിൽ കൂട്ട വാഹനാപകടം. കെ എസ് ആർ ടി സി ബസും ശബരിമല തീർഥാടകരുടെ വാഹനവും അടക്കം നിരവധി വാഹനങ്ങളാണ് കൂട്ടിയിടിച്ചത്. ഇടിയുടെ ആഘാതത്തിൽ തീർഥാടകരുടെ വാഹനം മിനി വാനിലും ബൈക്കിലും ഇടിച്ചു. ബസിലുണ്ടായിരുന്ന 20 പേർക്ക് പരുക്കേറ്റു. കെ എസ് ആർ ടി സി ബസിന്റെ ബ്രേക്ക് നഷ്ടപ്പെട്ടതാണ് അപകടത്തിന് കാരണം. എറണാകുളത്തേക്ക് പോകുകയായിരുന്നു കെ എസ് ആർ ടി സി. ഒരു മിനി ലോറിയിലാണ് ബസ് ഇടിച്ചത്. ഈ മിനി ലോറി ശബരില…

തൃശ്ശൂർ വെങ്ങിണിശ്ശേരിയിൽ അച്ഛൻ മകളെ വെട്ടിക്കൊന്നു. സുധയെന്ന 18കാരിയാണ് കൊല്ലപ്പെട്ടത്. സുധയുടെ പിതാവ് സുരേഷിനെ(52) പോലീസ് കസ്റ്റഡിയിലെടുത്തു. ഇയാൾ മാനസിക വെല്ലുവിളി നേരിടുന്ന ആളാണെന്ന് പോലീസ് പറയുന്നു. സുരേഷ് സ്വയം വെട്ടി പരുക്കേൽപ്പിച്ചിട്ടുണ്ട്.

രാജ്യത്ത് കൗമാരക്കാർക്കുള്ള കൊവിഡ് വാക്‌സിനേഷൻ ഇന്ന് ആരംഭിക്കും. 15-18 വയസ്സുള്ളവർക്കാണ് ഇന്ന് മുതൽ വാക്‌സിൻ ലഭിക്കുക. ഏഴ് ലക്ഷത്തോളം കൗമാരക്കാരാണ് രജിസ്‌ട്രേഷൻ പൂർത്തിയാക്കിയത്. കൊവിൻ പോർട്ടലിലെ രജിസ്‌ട്രേഷന് പുറമെ സ്‌പോട്ട് രജിസ്‌ട്രേഷനും നടത്താം. കൊവാക്‌സിനാണ് കുട്ടികൾക്ക് നൽകുക. വാക്‌സിനേഷന് ശേഷം ഇവരെ പ്രത്യേകം നിരീക്ഷിക്കും. കുട്ടികൾക്കും മുതിർന്നവർക്കും പ്രത്യേക വാക്‌സിനേഷൻ കേന്ദ്രങ്ങളാണുള്ളത്. കുട്ടികളുടെ വാക്‌സിനേഷൻ കേന്ദ്രങ്ങൾക്ക് മുന്നിൽ പിങ്ക് നിറത്തിലുളള ബോർഡ് ഉണ്ടാകും. മുതിർന്നവരുടേതിൽ നീല നിറത്തിലുള്ള ബോർഡ് ഉണ്ടാകും. കൗമാരക്കാരുടെ വാക്‌സിനേഷന് സംസ്ഥാനം സജ്ജമാണെന്ന് ആരോഗ്യമന്ത്രി…