കണ്ണൂര് അഞ്ചരക്കണ്ടി ദന്തല് കോളജിലെ ബിഡിഎസ് വിദ്യാര്ഥി നിതിന് രാജിന്റെ മരണത്തില് ലോണ് ആപ്പിനെതിരെ കേസ്. ചക്കരയ്ക്കല് പൊലീസ് സ്വമേധയാ കേസെടുക്കുകയായിരുന്നു. ഇന്സ്റ്റ് പേ എന്ന ആപ്പിനെതിരായാണ് കേസ്. (case against insta pay loan app in nithin raj’s death)
കഴിഞ്ഞ ജനുവരിയിലാണ് നിതിന് രാജ് ആപ്പ് വഴി 36 ശതമാനം പലിശയ്ക്ക് 15000 രൂപ വായ്പയെടുത്തത്. ഏപ്രില് മാസമായപ്പോഴേക്കും ആപ്പുമായി ബന്ധപ്പെട്ടവര് നിതിനെ നിരന്തരം ഭീഷണിപ്പെടുത്താന് തുടങ്ങി. നിതിനെ ആപ്പുമായി ബന്ധപ്പെട്ടവര് മാനസികമായി പീഡിപ്പിച്ചുവെന്നും ഭയപ്പെടുത്തി പണം തിരിച്ചടപ്പിക്കാന് ശ്രമിച്ചുവെന്നുമാണ് എഫ്ഐആറില് പറയുന്നത്. ലോണ് ആപ്പ് നിതിന്റെ അധ്യാപികയുടെ ഫോണിലേക്ക് ഉള്പ്പെടെ ഭീഷണി സന്ദേശങ്ങള് അയച്ചതായും പ്രിന്സിപ്പല് നിതിനെ വിളിച്ചുവരുത്തി ലോണിനെക്കുറിച്ച് ചോദിച്ചതായും വാര്ത്തകള് വന്നിരുന്നു. ലോണ് ആപ്പുമായി ബന്ധപ്പെട്ട വിഷയത്തില് മുമ്പ് സൈബര് സെല്ലും കേസെടുത്തിരുന്നു. ഇതിന്റെ വിവരങ്ങള് ചക്കരയ്ക്കല് പൊലീസിന് കൈമാറുകയായിരുന്നു.ലോണ് ആപ്പിന്റെ ഭീഷണിയും കോളജിന്റെ ഭാഗത്തുനിന്നുണ്ടായ ചോദ്യം ചെയ്യലുമാണ് നിതിനെ ആത്മഹത്യയിലേക്ക് നയിച്ചതെന്ന് വാര്ത്തയുണ്ടായിരുന്നെങ്കിലും കുടുംബം ഇത്തരം വാദങ്ങള് തള്ളുകയായിരുന്നു. ലോണ് ആപ്പുമായി ബന്ധപ്പെട്ട് കോളേജിലെ സ്റ്റാഫ്റൂമില് എന്താണ് സംഭവിച്ചതെന്ന് അധികൃതര് കുടുംബത്തെ അറിയിച്ചിട്ടില്ലെന്ന് നിതിന് രാജിന്റെ ബന്ധുക്കള് പറയുന്നത്. വിഷയത്തെ ലോണ് ആപ്പിലേക്ക് ചുരുക്കിക്കെട്ടാന് കരുതിക്കൂട്ടി ശ്രമം നടക്കുന്നുവെന്നാണ് കുടുംബത്തിന്റെ ആരോപണം.
Read More
നിതിന് രാജിന്റെ മരണം; കുടുംബം ഇന്ന് മുഖ്യമന്ത്രിയെ കണ്ടേക്കും; ലോണ് ആപ്പില് നിന്ന് കടമെടുത്തത് അമ്മയുടെ ചികിത്സയ്ക്കെന്ന് പിതാവ്
നിതിന് രാജിന്റെ മരണം; പ്രതികളായ അധ്യാപകരുടെ അറസ്റ്റ് ഉടന് ഉണ്ടായേക്കില്ല
ഇന്ത്യയില് പ്രവര്ത്തിക്കുന്നത് അനധികൃതമായ 600 ലോണ് ആപ്പുകള്; മുന്നറിയിപ്പുമായി റിസര്വ് ബാങ്ക്
ഒരു ബുക്ക് മുഴുവന് എഴുതിക്കൊണ്ടുവരാനുള്ള ഇംപോസിഷന്, അസുഖങ്ങളോടെ വരുന്ന കുട്ടികള്ക്ക് ക്രൂരമായ ശിക്ഷകള്; ഡോ. റാമിനെതിരെ കൂടുതല് വെളിപ്പെടുത്തല്
