ബാങ്കില്‍ നിന്ന് പണം പിന്‍വലിക്കാനെത്തിയ ബ്ലാക്ക് പാന്തര്‍ സംവിധായകൻ റയാന്‍ കൂഗ്ലറിനെ മോഷ്ടാവാണെന്ന് തെറ്റിദ്ധരിച്ച് പൊലീസ് അറസ്റ്റ് ചെയ്തു. ബാങ്ക് ഓഫ് അമേരിക്കയിലെത്തിയ റയാന്‍ കുഗ്ലറിനെ അറ്റ്‌ലാന്റാ പോലീസാണ് അറസ്റ്റ് ചെയ്തത്.
മാസ്‌കും സണ്‍ഗ്ലാസും തൊപ്പിയും ധരിച്ചാണ് റയാന്‍ ബാങ്ക് ഓഫ് അമേരിക്കയിലെത്തിയത്. കൗണ്ടറിലെത്തി തൻ്റെ അക്കൗണ്ടില്‍ നിന്ന് 12000 ഡോളര്‍ പിന്‍വലിക്കണമെന്ന് ടെല്ലറോട് റയാന്‍ ആവശ്യപ്പെട്ടു. പണം എണ്ണി തിട്ടപ്പെടുത്തുന്നത് മറ്റുള്ളവര്‍ കാണേണ്ടെന്നും രഹസ്യമായി കൈമാറണമെന്നും അയാള്‍ ആവശ്യപ്പെട്ടു. എന്നാല്‍ റയാൻ്റെ വാക്കുകൾ കേട്ട ടെല്ലര്‍ മോഷ്ടിക്കാനെത്തിയ ആളാണെന്ന് തെറ്റിദ്ധരിച്ച് ബാങ്കിലെ അലാറം അമര്‍ത്തുകയും മേലുദ്യോഗസ്ഥന്‍ ഉടന്‍ തന്നെ പോലീസിനെ വിളിക്കുകയും ചെയ്തു.
ബാങ്കിലെത്തി പൊലീസ് റയാനെ കൈവിലങ് വച്ച്‌ തോക്ക് ചൂണ്ടി അറസ്റ്റ് ചെയ്യുകയായിരുന്നു. പിന്നീട് റായാന് ബാങ്ക് ഓഫ് അമേരിക്കയില്‍ അക്കൗണ്ടുണ്ടെന്ന് സ്ഥിരീകരിച്ചതിനു ശേഷമാണ് പൊലീസിന് അബദ്ധം മനസ്സിലായത്. ശേഷം അദ്ദേഹത്തെ ഉടന്‍ തന്നെ വിട്ടയക്കുകയും ചെയ്തു. സംഭവത്തില്‍ ബാങ്ക് ഓഫ് അമേരിക്കയും അറ്റലാന്റാ പൊലീസും സംവിധായകനോട് മാപ്പ് പറഞ്ഞു.
Read More
മദ്യപിക്കാൻ പണം നല്‍ക്കാത്തതിന് മകൻ അമ്മയെ കഴുത്തറത്ത് കൊലപ്പെടുത്തി
അക്ഷയ ഭാഗ്യക്കുറി നറുക്കെടുപ്പിൽ 70 ലക്ഷം രൂപ സമ്മാനം ലഭിച്ചയാളെ ഭീഷണിപ്പെടുത്തുകയും മർദ്ദിക്കുകയും ചെയ്ത കേസിൽ 7 പേരെ വൈത്തിരി പൊലീസ് അറസ്റ്റ് ചെയ്തു
വിവാദമായ പൊലീസ് നിയമഭേദഗതി പിന്‍വലിച്ചു: നടപ്പാക്കുന്നില്ലെന്ന് മുഖ്യമന്ത്രി
എടിഎമ്മിൽ നിന്ന് പണം പിന്‍വലിക്കുന്നതിനുള്ള നിരക്ക് കൂട്ടി