കണ്ണൂര്‍: വൈദേകം റിസോര്‍ട്ടിലെ നിക്ഷേപത്തില്‍ ഇ പി ജയരാജന്റെ ഭാര്യ പി കെ ഇന്ദിരയ്‌ക്കെതിരായ ആരോപണം ആവര്‍ത്തിച്ച് ഇ പി ശ്യാംജിത്ത്. എസ്എന്‍ ശശിധരന്‍ കര്‍ത്തയുടെ പണമാണ് ഇന്ദിര നിക്ഷേപിച്ചതെന്ന ആരോപണത്തില്‍ ഉറച്ച് നില്‍ക്കുകയാണ് ഇ പി ജയരാജന്റെ അനന്തരവന്‍. എല്ലാത്തിനും തെളിവുണ്ടെന്നും വൈകാതെ പുറത്തുവിടുമെന്നും ശ്യാംജിത്ത്. തന്റെ എഫ്ബി അക്കൗണ്ട് ഹാക്ക് ചെയ്യപ്പെട്ടിട്ടില്ലെന്നും വിവാദ പോസ്റ്റ് ഇട്ടത് താനല്ലെന്ന് പറഞ്ഞത് വൈദേകം മാനേജ്‌മെന്റ് ഭീഷണിപ്പെടുത്തിയതിനാല്‍ എന്നും ഇ പി ശ്യാംജിത്ത് പറഞ്ഞു.
ഫേസ്ബുക്കിലിട്ട ആരോപണത്തില്‍ ഉറച്ച് നില്‍ക്കുന്നു. ചില്ലറ ഭീഷണികള്‍ വന്നിരുന്നു. അത് വൈദേകത്തിന്റെ മാനേജ്‌മെന്റിന്റെ ഭാഗത്ത് നിന്നായിരുന്നു. എന്റെ അമ്മാവനാണ് ഇ പി ജയരാജന്‍. അയാള്‍ ശക്തനാണ്. സിപിഐഎമ്മിന്റെ കരുത്തനായ നേതാവാണ്. കേന്ദ്ര കമ്മിറ്റി അംഗമാണ്. എന്റെ അമ്മയുടെ ആങ്ങളയാണ്. അമ്മാവനല്ല ഇതില്‍ പ്രതി. പി കെ ഇന്ദിരയെന്ന ചെയര്‍മാനാണ് പ്രതി. വേറെ സ്ഥലത്ത് നിന്ന് പണം വന്നത് ഇന്ദിര അവിടെ നിക്ഷേപിച്ചത്. ഞാന്‍ ആരോപണം മാത്രമല്ല പറയുന്നത്. തെളിവുകളുണ്ട്. കണക്കുകള്‍ നിങ്ങളുടെ മുന്നില്‍ തരും – അദ്ദേഹം പറഞ്ഞു.
അതേസമയം, ശ്യാംജിത്തിനെതിരെ വീണ്ടും വൈദേകം മാനേജ്‌മെന്റ് രംഗത്തെത്തിയിരുന്നു. ശ്യാംജിത്തിന്റെ ഭാര്യ ദീപ സാമ്പത്തിക തട്ടിപ്പ് നടത്തിയിട്ടില്ലെന്ന വാദം തെറ്റെന്ന് വൈദേകം മാനേജ്‌മെന്റ്. ദീപയെ ജോലിയില്‍ നിന്ന് പുറത്താക്കിയത് അഞ്ച് ലക്ഷത്തിന്റെ തട്ടിപ്പ് നടത്തിയതിന്. പലരുടേയും പേരില്‍ വ്യാജ ഒപ്പിട്ട് പണം തട്ടിയെന്നും വൈദേകം മാനേജ്‌മെന്റ് ആരോപിക്കുന്നു. ഇതിന്റെ വൗച്ചറുകളും ഇന്നലെ പുറത്തുവിട്ടിരുന്നു. സര്‍ക്കാര്‍ ജീവനക്കാരനായ ശ്യാംജിത്ത് വേദേകം പിആര്‍ഒ എന്ന പേരില്‍ വിസിറ്റിംഗ് കാര്‍ഡ് അടിച്ചു. ഇതിന് ശ്യാംജിത്ത് ജോലി ചെയ്യുന്ന ഐസിഎമ്മില്‍ പരാതി നല്‍കിയിട്ടുണ്ടെന്നും വൈദേകം വ്യക്തമാക്കി.
Read More
എല്ലാം സ്വയം നേരിടണം എന്ന പക്ഷക്കാരനായിരുന്നു അച്ഛൻ, RSSന് കീഴ്‌പ്പെട്ടുകൊണ്ടുളള സമാധാനമോ സഹവർത്തിത്തമോ ആഗ്രിച്ചിരുന്നയാളല്ല: ഒളിയമ്പുമായി ബിനീഷ് കോടിയേരി
ഇ പി ജയരാജനെതിരായ ആരോപണം; ശബരിമലയിലാണ് ഉള്ളത്, ഫേസ്ബുക്ക് പോസ്റ്റുമായി ബന്ധമില്ല, ഫോൺ ഹാക്ക് ചെയ്യപ്പെട്ടു; ശ്യാംജിത്ത്
‘വൈദേകം റിസോർട്ട് ആരോപണങ്ങളിൽ വ്യക്തത വരുത്തിയില്ല’; ഇ.പി.ജയരാജന്റെ ആത്മകഥയിൽ പാർട്ടി നേതൃത്വത്തിന് പരോക്ഷ വിമർശനം
പ്രഭാത വാർത്തകൾ
