തൃപ്പൂണിത്തുറ നഗരസഭ ചെയര്മാന് സ്ഥാനാര്ഥിയായി അഡ്വ. ബി എല് ബാബുവിനെ പ്രഖ്യാപിച്ച് ബിജെപി. വൈസ്ചെയര്പേഴ്സണ് സ്ഥാനാര്ഥിയായി രാധിക വര്മ്മയേയും തീരുമാനിച്ചു. ( bl babu bjp’s pick for chairman candidate in Thrippunithura)
ബിജെപി സംസ്ഥാനത്തെ തദ്ദേശ തിരഞ്ഞെടുപ്പില് ഏറ്റവും തിളക്കമാര്ന്ന പ്രകടനം കാഴ്ചവച്ച നഗരസഭകളില് ഒന്നാണ് തൃപ്പൂണിത്തുറ. ചരിത്രത്തിലാദ്യമായി ഇവിടെ എന്ഡിഎ ഏറ്റവും വലിയ ഒറ്റകക്ഷിയായി മാറിയിരുന്നു. 21 സീറ്റുകളാണ് എന്ഡിഎ നേടിയത്. 20 സീറ്റുകള് ഇടതുപക്ഷത്തിനുമുണ്ട്. യുഡിഎഫ് 12 സീറ്റുകളുമാണ് നേടിയത്. തൃപ്പൂണിത്തുറ നഗരസഭയില് ആര്ക്കും കേവല ഭൂരിപക്ഷമുണ്ടായിരുന്നില്ല.
നാളെയാണ് നഗരസഭ ചെയര്മാന് സ്ഥാനത്തേക്കുള്ള തിരഞ്ഞെടുപ്പ് നടക്കുന്നത്. ചെയര്മാന് സ്ഥാനത്തേക്ക് ശ്രീക്കുട്ടന്റെ പേരും ബി എല് ബാബുവിന്റെ പേരുമാണ് ബിജെപി ചര്ച്ചകളില് അവസാനഘട്ടം വരെയുണ്ടായിരുന്നത്. കൂടുതല് പ്രവൃത്തി പരിചയം ബി എല് ബാബുവിന് ഗുണമായി. എല്ഡിഎഫിന് വേണ്ടി അഖില് ആയിരിക്കും ചെയര്മാന് സ്ഥാനത്തേക്ക് മത്സരിക്കുകയെന്നാണ് വിവരം. സി എ ഷാജി ആയിരിക്കും യുഡിഎഫിനെ പ്രതിനിധീകരിച്ച് ചെയര്മാന് സ്ഥാനത്തേക്ക് മത്സരിക്കുക.
Read More
തദ്ദേശ തിരഞ്ഞെടുപ്പ്: കണക്കുകൾ :വയനാട്ടിലെ വോട്ടനുപാതം
11 എംഎല്എമാര് വീണ്ടും മല്സരിക്കും; മുസ് ലിം ലീഗ് സ്ഥാനാര്ഥിപ്പട്ടിക നാളെ
കൂത്താട്ടുകുളം നഗരസഭ ചെയര്പേഴ്സണ് തിരഞ്ഞെടുപ്പ്; സിപിഐഎം വിമത കലാരാജു യുഡിഎഫിന്റെ സ്ഥാനാര്ഥി
പിഡിപി നേതാവ് പൂന്തുറ സിറാജ് ഗുരുതരാവസ്ഥയില്: പ്രാര്ത്ഥിക്കാന് ആവശ്യപ്പെട്ട് മഅ്ദനി
